Օգտակար խորհուրդներ

Կրճատեք ժամանցի ժամանակը

Շատ հաճախ մարդիկ, որոնք դժգոհում են իրենց կյանքից և ուզում են ավելի լավ ապրել, այնքան ժամանակ են ծախսում ժամանցի վրա, որ դրանով ոչ միայն չեն բարելավում իրենց կյանքը, այլ նաև վատնում են այն անգին ժամանակը, որը պետք է օգտագործեին ավելի կարևոր բաներ անելու համար: Գիտե՞ք ինչն է ցավալի: Երբ տեսնում եմ, որ մարդիկ, որոնք օրեկան 8-ից 10 ժամ չարչարվում են և զբաղվում են «ոչ սիրելի» աշխատանքով, աշխատանքից դուրս իրենց ամբողջ ազատ ժամանակը վատնում են ժամանցի վրա` փոխարենը զբաղվելու այնպիսի բանով, որը կօգներ փոխել իրավիճակը:

Այն, որ ընկերների ու հարազատ մարդկանց հետ պետք է շփվել, գիտենք բոլորս: Այն, որ արդյունավետ աշխատելու համար պետք է հանգստանալ և լիցքաթափվել` նույնպես գիտենք բոլորս: Դրա համար ցանկալի է, որ տարին գոնե մեկ անգամ ճանապարհորդեք, երբեմն կինո կամ թատրոն գնաք, երեկոյան մի քիչ զբոսնեք, ժամանակ առ ժամանակ ընկերների հետ հավաքվեք, երեկույթներ կազմակերպեք, ուրախանաք, պարեք: Բայց այդ ամենը չպետք է անցնի չափերը: Ժամանցը չպետք է զբաղեցնի ձեր ժամանակի մեծ մասը: Ձեր ուղեղը չպետք է անընդհատ այդ ուղղությամբ աշխատի: Պետք է տարբերել «անհրաժեշտ» ժամանցը «անօգուտ» ժամանցից: Պետք չէ սրճարաններում անիմաստ ժամանակ անցկացնել: Արեք դա այն ժամանակ, երբ դրա անհրաժեշտությունը իրոք կա: Լուրջ ուշադրություն դարձրեք ոգելից խմիչքի վրա: Մի համարեք դա ժամանցի «ամենալավ» ձևը: Պետք չէ ամեն երեկո ընկերների հետ հավաքվել խմելու, կամ շաբաթական մի քանի անգամ ճաշկերույթներ կազմակերպել, կամ պետք չէ ամեն օր այնքան զբոսնել, որ հետո հոգնած վերադառնալ տուն և ոչինչ չկարողանալ անել:

Երբեմն, որպեսզի ինչ-որ բան ձեռք բերեք, պետք է ինչ-որ բանից հրաժարվեք` թեկուզ ժամանակավոր: Եթե դուք նպատակ ունեք, ապա պետք է կենտրոնանաք ձեր նպատակի վրա, այդ ուղղությամբ քայլեր ձեռնարկեք և հնարավորինս քիչ այդ ճանապարհից շեղվեք: Մտածեք այդ ուղղությամբ:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ, օգտակար կարծիքներ ստանալու Թրութլի հարթակի համահիմնադիր:

2 մեկնաբանություն

  • Shat jisht eq grum karses im srtic er. Es karajarkei inchpes evropakan shat erkrnerum gortser orenq@` erb asum en aysor ashxatanqayin or che, kartses da verabervum e mi poqr xumb mardkanc[petakan ashxatoxin],kartes myusner@ urish molorakum en aprum ev irenc chi verabervum, kam xekavar@ chi toxum, kam tak kta butkan vonc paki. Ayninch ayd or@ bolor himnarkutyunner@, butkaner@, yarmrkaner@ petq e pak linen. aydpes 2 or karox es hangstanal, shpvel harazatneri het….Ete angam ches karox gnal hangstanalu aydpes el bavarar klini qez mard zgal.

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»