« »

Ամեն ինչ լավ է լինելու

Կյանքը հիասքանչ է

Ձեզ մոտ ամեն ինչ շատ լավ է լինելու՝ ես համոզված եմ: Դուք անպայման կհասնեք ձեր բոլոր նպատակներին, կյանքը ձեզ կժպտա՝ ուղղակի շարունակեք նույն ձևով և համբերությամբ սպասեք: Դրա համար ժամանակ է պետք: Եթե ուշադիր լինեք, ձեզ մոտ հիմա էլ ամեն ինչ լավ է: Դուք շրջապատված եք սիրելի մարդկանցով, որոնք միշտ ձեր կողքին են: Դուք զբաղվում եք ձեր սիրած գործով և հաճույք եք ստանում դրանից: Ձեզ սիրում և գնահատում են, նույնիսկ, եթե դուք չեք նկատում դա: Դուք ազատ մարդ եք և կարող եք անել այն, ինչ ցանկանաք: Եթե չեք ուզում, այսօր աշխատանքի կամ դասի մի գնացեք՝ դուք ազատ եք: Եթե չեք ուզում տանից դուրս գալ, դուրս մի եկեք՝ դուք ազատ եք: Եթե ուզում եք զբոսնել, դուրս եկեք և զբոսնեք՝ դուք ազատ եք: Մոռացեք բոլոր այն խնդիրների մասին, որոնք հիմա ձեր կյանքում կան: Դուք հեշտությամբ կլուծեք դրանք: Հիշեք ձեզ մի քանի տարի առաջ: Տեսնո՞ւմ եք, թե ինչքան բան է փոխվել վերջին մի քանի տարվա ընթացքում, ինչքան եք դուք աճել: Եվ ամեն ինչ շարունակելու է փոխվել դեպի ավելի լավը:

Իսկ այն մանր-մունր խնդիրները, որոնք այսօր ձեր կյանքում կան, լուրջ մի վերաբերվեք դրանց: Դրանք մանրուքներ են, որոնք բոլորի կյանքում էլ կան: Ուղղակի լուծեք դրանք և անցեք առաջ: Մի քիչ ավելի բարի դարձեք: Փորձեք հասկանալ մարդկանց, չքննադատել, չբողոքել: Օգնեք նրանց տարբեր հարցերում: Ժպտացեք: Հիշեք, որ ձեր կյանքը կլինի այնպես, ինչպես դուք կտեսնեք այն: Եթե լինեք ուրախ և դրական, բարի ու ժպտերես, չլինեք մռայլ և նյարդային, չկենտրոնանաք առօրյա հոգսերի վրա, գնահատեք այն, ինչ այս պահին ունեք, դնեք ձեր առջև բարի ու օգտակար նպատակներ և սկսեք լավ վերաբերվել ԲՈԼՈՐ մարդկանց, ապա ձեր կյանքը կդառնա հեշտ և հաճելի, արկածային և լեցուն: Եվ միշտ հիշեք, որ ձեզ մոտ ամեն ինչ շատ լավ է լինելու:

The following two tabs change content below.
Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ, օգտակար կարծիքներ ստանալու Թրութլի հարթակի համահիմնադիր:
2 տարբերակ մեր հոդվածներին բաժանորդագրվելու համար


1 մեկնաբանություն

  1. Շատ լավն էր, շատ, ես հավատացի: Շնորահակալ եմ: Ի միջի այլոց, ես էլ այս ոճում բլոգումս գրառում էի արել մի քանի ամիս առաջ, կուզեք, նայեք` http://sunnyani.blogspot.com/2011/02/blog-post_26.html

Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

error: Կյանքն ավելի հրաշալի է, երբ ստեղծում ես սեփական «բովանդակությունը»