« »

Ամենակարևորը` 30 վայրկյանում

Պատկերացրեք, որ կյանքը խաղ է, որտեղ դուք խաղում եք հինգ գնդակներով: Դրանք են՝ Աշխատանք, Ընտանիք, Առողջություն, Ընկերներ և Ոգի, և ձեզ պետք է, որ դրանք բոլորն էլ անընդհատ օդում գտնվեն: Շուտով դուք կհասկանաք, որ Աշխատանք անունով գնդակը պատրաստված է ռետինից: Եթե դուք հանկարծ բաց թողնեք այն, դիպչելով գետնին, այն ետ կթռչի ձեզ մոտ: Սակայն մյուս չորս գնդակները՝ Ընտանիք, Առողջություն, Ընկերներ, Ոգի, պատրաստված են ապակուց: Եթե դուք բաց թողնեք դրանցից մեկը, ապա հետևանքը անդառնալի կլինի. այն կվնասվի, կքերծվի, կճաքի կամ միգուցե ամբողջությամբ ջարդվի: Այն երբեք չի լինի այնպիսին, ինչպես նախկինում: Դուք պետք է հասկանաք դա և թույլ չտաք, որ դա տեղի ունենա:

Աշխատեք առավելագույնս արդյունավետ աշխատանքային ժամերին և տուն գնացեք ժամանակին:

Անհրաժեշտ ժամանակ հատկացրեք ձեր ընտանիքին, ընկերներին և հանգստին:

Ցանկացած արժեք իրենից արժեք է ներկայացնում, միայն եթե այն գնահատում են:

Բրայան Դայսոն, Coca-Cola-ի նախկին գործադիր տնօրեն

P.S.
Լիովին համաձայն եմ Բրայան Դայսոնի հետ: Մենք հիմնականում շատ ենք կենտրոնանում աշխատանքի վրա` մոռանալով մնացածի մասին: Մենք սկսում ենք հետաքրքրվել մեր առողջությամբ միայն այն ժամանակ, երբ արդեն ինչ-որ խնդիրներ ենք ունենում: Շատ հաճախ մենք քիչ ժամանակ ենք տրամադրում մեր ընտանիքին և ընկերներին: Պետք է կարողանալ գտնել ոսկե միջինը, մեկը մյուսին չպետք է խանգարի:

The following two tabs change content below.
Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ, օգտակար կարծիքներ ստանալու Թրութլի հարթակի համահիմնադիր:
2 տարբերակ մեր հոդվածներին բաժանորդագրվելու համար


7 մեկնաբանություն

  1. Հոգեբանները ասում են, որ մենք մեր ժամանակը պետք է բաժանենք 4 մասի` ընտանիք, աշխատանք, անձնական(որը միայն քոն է) և այլ բաներ: Պետք է սա իսկապես մտքում միշտ պահել, ու ամեն ինչի համար էլ ժամանակ ունենալ: Լրիվ համաձյան եմ:

  2. Հոդվածը հետաքրքիր և ուսուցողական էր: Սակայն ես կարծում եմ, որ ընկերությունը չի կարող լինել կյանքի «հինգ գնդակներից» մեկը: Եվ ինչպես ասել է Ջորջ Բայրոնը «Ընկերությունը սեր է առանց թևերի»:

  3. Մի փիլիսոփա ասել է. «Մեկ ընկեր ունենալը լավ է, երկուսը՝ շատ լավ, երեքը՝ անհնար» :

  4. Իսկ ոգին? կուզենայի դրա մասին էլ լսել

  5. Հիանալի մտքեր էին, ինձ մտածելու տեղիք տվեցին: Շնորհակալություն հոդվածի համար!

Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

error: Կյանքն ավելի հրաշալի է, երբ ստեղծում ես սեփական «բովանդակությունը»