«Փոխիր կյանքդ-2»


Սա հեղինակի՝ «Փոխիր կյանքդ» գրքի շարունակությունն է: Անձնական փորձի, իրական պատմությունների և հեղինակային առակների միջոցով ներկայացվում է, թե ինչպես կարելի է երջանիկ լինել և սկսել հաջողության ճանապարհը` ապրելով Հայաստանում:

   

 

Օգտակար խորհուրդներ

Ինչպե՞ս պահել Ձեզ հարցազրույցի ժամանակ

Նոր գործատուի մոտ հարցազրույցի ժամանակ երբեք մի բողոքեք Ձեր հին աշխատանքի վայրից և տնօրենից: Ձեր «ապագա» տնօրենի մտքով միանգամից կանցնի, որ եթե Դուք հիմա բողոքում եք նախկին տնօրենից, ապա միգուցե որոշ ժամանակ անց սկսեք բողոքել նաև նրանից:

Մի վախեցեք առաջին իսկ հանդիպման ժամանակ հարցնել Ձեր աշխատավարձի մասին: Շատերը ամաչում են դրա մասին հարցնել, կարծելով՝ որ դրանով վատ տպավորություն կթողնեն: Բայց աշխատանքը դա համագործակցություն է, որտեղ Դուք որոշակի գումարի դիմաց վաճառում եք Ձեր ժամանակն ու մասնագիտական գիտելիքները: Այնպես որ, շատ նորմալ է հենց սկզբից իմանալ, թե ինչ պայմաններով եք Դուք աշխատելու: Գործատուները նույնպես սիրում են իրենց վրա վստահ և իրենց իրավունքները պաշտպանել կարողացող մարդկանց:

Մի ուշացեք հարցազրույցից և մի փոխեք հարցազրույցի օրը: Եթե Դուք իրոք ուզում եք ընդունվել այդ աշխատանքին, ապա հարցազրույցի գնացեք 5 րոպե շուտ: Պատասխանատվության զգացումն այն է, ինչի վրա ուշադրություն են դարձնում բոլոր գործատուները:

Մի փորձեք հարցազրույցի ժամանակ գործատուից խելացի թվալ, նրա խոսքերում սխալներ մի փնտրեք, մի փորձեք չափից ավելի ինքնավստահ լինել: Ինչպես ասացի, գործատուները սիրում են իրենց վրա վստահ մարդկանց և ոչ միայն գործատուները: Բայց ոչ ոքի դուր չի գալիս, երբ դիմացինը չափից ավելի ինքնավստահ է:

Եվ վերջում, նույնիսկ եթե Ձեզ մերժեն և աշխատանքի չվերցնեն, մի վհատվեք և մի խզեք Ձեր կապերը այդ գործատուի հետ: Շնորհակալություն հայտնեք, ժպտացեք և դուրս եկեք: Միգուցե Ձեր լավ վերաբերմունքն ու մարդկային դրական գծերը կարողանան լրացնել այն բացը, որի պատճառով Ձեզ աշխատանքի չվերցրեցին: Իսկ հարցազրույցից հետո փորձեք վերլուծել, թե ինչը խանգարեց Ձեզ աշխատանքի ընդունվելու: Այդ վերլուծության արդյունքները Ձեզ շատ օգտակար կլինեն հաջորդ հարցազրույցների ժամանակ:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

3 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»