«Փոխիր կյանքդ-2»


Սա հեղինակի՝ «Փոխիր կյանքդ» գրքի շարունակությունն է: Անձնական փորձի, իրական պատմությունների և հեղինակային առակների միջոցով ներկայացվում է, թե ինչպես կարելի է երջանիկ լինել և սկսել հաջողության ճանապարհը` ապրելով Հայաստանում:

   

 

Հաջողության գաղտնիքներ

Ո՞ւմ խորհուրդներն է պետք լսել

Մենք բոլորս ապրում ենք հասարակության մեջ և ուզենք, թե չուզենք, ինչ-որ չափով ենթարկվում ենք դրա ազդեցությանը: Տարբեր մարդիկ մեզ խորհուրդներ են տալիս, կյանքում մեզ ուղղություն են ցույց տալիս, իսկ շատ հաճախ՝ մենք ինքներս ենք այլ մարդկանց խորհուրդներ տալիս: Երբեմն այդ խորհուրդները ձևավորում են մարդու մտածելակերպը և փոխում են նրա կյանքը: Այդ պատճառով էլ պետք է հստակ հասկանալ, թե ում խորհուրդներն է պետք լսել, իսկ ումը՝ ոչ:

Ինչ վերաբերվում է խորհուրդներ լսելուն, ապա բոլոր մարդկանց խորհուրդներն էլ պետք է լսել, իսկ այ թե կընդունեք դրանք, թե ոչ, դա արդեն ուրիշ հարց է: Հասկանում եք, երբ մարդը Ձեզ խորհուրդ է տալիս, հիմնականում նա փորձում է օգնել Ձեզ և նվազագույնը, որը Դուք կարող եք անել նրա համար՝ լսել նրա խորհուրդը:

Լսեք բոլոր այն մարդկանց, որոնք Ձեզ խորհուրդ են տալիս, բայց վարվեք այնպես, ինչպես Դուք եք ճիշտ համարում: Հաճախ մարդու համար, որը Ձեզ խորհուրդ է տալիս, կարևոր էլ չի, կվարվեք Դուք նրա ասած ձևով, թե ոչ, ուղղակի կարևորը, որ Դուք այդ պահին նրան լսեք: Մի պահ մտածեք: Ի՞նչ եք Դուք կորցնում, երբ ուղղակի լսում եք դիմացինի խորհուրդը: Ոչինչ: Իսկ ի՞նչ եք Դուք շահում: Շահում եք այն, որ դիմացինը իրեն անտեսված չի զգում, նա իրեն վատ չի զգում, իսկ ինչո՞ւ չպարգևել նրան այդ հաճույքը:

Ո՞ւմ խորհուրդներն է պետք ընդունել

Նրանց, որոնց խորհուրդները հիմնավորված են իրենց կյանքի փորձով: Այսօր հիմնականում մարդիկ խորհուրդներ են տալիս այնպիսի բնագավառներից, որոնց մասին անգամ գաղափար չունեն, ուղղակի ինչ-որ տեղից լսել են: Արվեստագետը խորհուրդ է տալիս բժշկությունից, բժիշկը խորհուրդ է տալիս արվեստից, քաղաքագետը խորհուրդ է տալիս ֆուտբոլից, ֆուտբոլիստը խորհուրդ է տալիս քաղաքականությունից, մարդը, որը ընդհանրապես բիզնեսի փորձ չունի, խորհուրդ է տալիս բիզնեսից, աղքատն էլ խորհուրդ է տալիս, թե ինչպես կարելի է հարստանալ:

Ընդունեք միայն այն խորհուրդները, որոնք մարդը տալիս է իր փորձից: Օրինակ, եթե հայտնի գործարարը Ձեզ խորհուրդ է տալիս, թե ինչպես հաջողության հասնել բիզնեսում, ապա մեծ հավանականությամբ այդ խորհուրդը տեղին է, քանի որ նա այդ ճանապարհն արդեն անցել է: Իսկ եթե այդ խորհուրդը Ձեզ տալիս է Ձեր հարևանը, ապա ամենայն հավանականությամբ նա ինչ-որ տեղ դա ուղղակի լսել է:

Հաշվի առեք նաև այն, որ հաճախ մարդիկ իրենք էլ չեն կիրառում այն խորհուրդները, որոնք տալիս են: Այնպես որ, որպես եզրակացություն, լսեք բոլոր մարդկանց խորհուրդները, հասկացեք, թե ով է խորհուրդ տվողը և ինքնուրույն որոշում կայացրեք:

Եվ վերջում ամենակարևորը: Դուք ինքներդ մի դարձեք այն մարդկանցից, որոնք խորհուրդներ են տալիս այնպիսի բաներից, որոնցում իրենք փորձ չունեն: Տվեք միայն այնպիսի խորհուրդներ, որոնցում Դուք համոզված եք, որոնք արդեն Ձեր կյանքում կիրառել եք և դրա արդյունքը զգացել եք: Իսկ եթե դա այդպես չէ` ավելի լավ է լռեք: Այլապես Ձեր խորհուրդը կարող է վնասել դիմացինին, նույնիսկ եթե Դուք այդ մասին չեք գիտակցում:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

3 մեկնաբանություն

  • Admin jan shat lav kayqa.shat shnorhakal em senc kayq sarqelu hamar.duq dzer posteric mekum grel eq vor gnel eq bajnetomser.dranq hima dzez inch chapov en ogut talis bajnetomseri gni hamemat?

  • Ես շատ եմ հավանում ձեր կայքը և շնորհակալ եմ ձեզ ճիշտ խորհուրդների համար, որոնց ես հավատում եմ և աշխատում եմ կիրառել կյանքում: Ձեր գաղափարները ինձ շատ ոգևորում են, որի համար շատ շնորհակալ եմ 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»