« »

Մի մեղադրեք…

Տարեց տղամարդն ու իր 25-ամյա որդին մտնում են գնացքի վագոն և զբաղեցնում իրենց տեղերը: Տղան նստում է լուսամուտի մոտ: Երբ գնացքը շարժվում է, նա դուրս է հանում ձեռքը պատուհանից, որպեսզի զգա օդի շփումը և հանկարծ հիացած բացականչում.
  – Հայրիկ, տեսնում ես, բոլոր ծառերը ետ են շարժվո՛ւմ: Հայրը որպես պատասխան ժպտում է:

Երիտասարդի կողքը նստած էր ամուսնական մի զույգ: Նրանք մի փոքր զարմացած էին, որ 25-ամյա տղամարդը իրեն պահում է փոքր երեխայի պես: Հանկարծ տղան կրկին հիացմունքով բացականչում է.
 – Հայրիկ, տեսնում ես` լիճն ու կենդանիները… իսկ ամպերը… դրանք շարժվում են գնացքի հե՛տ:

Զույգը զարմացած հետևում էր երիտասարդի տարօրինակ պահվածքին, որում հայրը, թվում էր` ոչ մի տարօրինակ բան չի տեսնում: Սկսեց անձրև տեղալ և անձրևի կաթիլները հպվեցին տղայի ձեռքին: Դրանից նա կրկին փայլեց ուրախությունից և փակեց աչքերը, ապա բացականչեց.
  – Հայրիկ, անձրև է գալիս, ջուրն ինձ է կպնում: Տեսնո՞ւմ ես, հայրիկ:

Փորձելով ինչ-որ բանով օգնել` երիտասարդի մոտ նստած զույգը հարցնում է տղայի հորը.
  – Ինչո՞ւ դուք չեք տանում ձեր որդուն ինչ-որ բժշկական կենտրոն` խորհրդակցության:

Տարեց տղամարդը պատասխանում է.
  – Մենք հենց նոր այդպիսի բժշկական կենտրոնից ենք գալիս: Այսօր, կյանքում առաջին անգամ, իմ տղան տեսողություն է ձեռք բերել…

Ի՞նչ է սովորեցնում այս առակը: Կյանքի տարբեր իրավիճակներում մենք մեղադրում ենք տարբեր մարդկանց ինչ-որ «մեղքերում»` առանց հստակ պատկերացնելու իրավիճակը, առանց բավարար ինֆորմացիա ունենալու, առանց փորձելու մտնել դիմացինի դրության մեջ: Այդ պատճառով էլ` երբեք մի մեղադրեք ուրիշներին: Մեղադրելը հեշտ է, բայց ավելի իմաստունները փորձում են հասկանալ մարդկանց և նայել աշխարհին նրանց աչքերով:

The following two tabs change content below.
Մարդու արտաքին տեսքն ինձ համար նշանակություն չունի: Մարդու խոսքերն ինձ համար մեծ նշանակություն չունեն: Ամենակարևորը՝ մարդու գործերն են:
2 տարբերակ մեր հոդվածներին բաժանորդագրվելու համար


7 մեկնաբանություն

  1. Իմ կյանքում ամենատպավորիչ առակներից էր:Շատ շնորհակալություն
    Շատ լավն էր

  2. Gexecik u bari patmutyun er. Mnum e karoxananq Daser qaxel nman orinakneric… )))

  3. Inz shat dur ekav, shnorhakalutyun

  4. Հիանալի առակ էր շատ հավանեցի…..

  5. Շատ դիպուկ էր և մեծ խորհուրդ է պարունակում: Լավ կլինի բոլորս էլ հետևենք այս սկզբունքներին: Շնորհակալություն:

  6. -Ինչո՞ւ դուք չեք տանում ձեր որդուն ինչ որ բժշկական կենտրոն՝ խորհրդակցության:
    Երիտասարդը պտտվեց դեպի զույգը, մի պահ լռեց և պատասխանեց:
    – Այսօր հորս ծննդյան տարեդարձն է . . . Ես խոստացա, որ կնվիրեմ նրան մեկ օր իր երիտասարդ կյանքից …

  7. արդյունավետ մարդու առաջին եւ կարեւորագույն հմտութունն է https://www.stephencovey.com/7habits/7habits-habit1.php

Add Comment Register



Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

Մեկնաբանություններում կարող եք օգտագործել հետևյալ HTML թեգերը և ատրիբուտները: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>