Վերջերս ես մտածեցի և հասկացա, որ առանց բիզնես իմ կյանքն այս փուլում կարծես դատարկ է, ես հասկացա, որ պետք է ինքս ինձ նետեմ այդ հորձանուտի մեջ, հակառակ դեպքում` կյանքս ոչ լիարժեք կլինի:
Եվս մի քիչ մտորելուց հետո նաև հասկացա, որ բիզնեսը ամենալավ դեղն է ցանկացած դեպրեսիայի դեմ, ճիշտ է բիզնեսը նաև սրտանոթային հիվանդությունների հիմք է, բայց դրա դեմ էլ հատուկ դեղամիջոցներ կան: Գործարար մարդը պետք է միշտ առույգ լինի, ժպտերես, լավատես, շուտ քնի, շուտ վեր կենա, առողջ կյանք վարի և ցանկացած գործ հաջողությամբ կպսակվի:
Նաև շատ կարևոր է, թե Ձեր բիզնեսը ինչ օգուտ է տալիս մարդկանց, քանի որ ամեն գործունեություն չէ, որ օգտակար է: Վերադառնանք մեր հոդվածի թեմային, ի՞նչ է նշանակում բիզնես: Բառացի թարգմանությունը` գործունեություն, այո, բիզնես նշանակում է կյանք: Շատերը, եթե բիզնեսով չեն զբաղվում, չեն համարում իրենց կյանքը լիարժեք: Չեմ ուզում միանշանակ գնահատականներ տալ, բայց լավ բիզնեսը միայն դրական երևույթ է, թեև շատերի մոտ բիզնեսմեն բառը բազում բացասական երևույթների հետ է կապվում: Բիզնեսմենը ցանկացած հասարակության առաջադեմ հատվածն է և դա պետք է գիտակցի ցանկացած մարդ, մեկ այլ բան է, որ այսօրվա դրությամբ այս իմ սահմանումը չի համապատասխանում իրականությանը, բայց ես հուսով եմ, որ մոտ ապագայում ամեն ինչ կփոխվի:
Ես ևս մեկ անգամ փորձեցի մոտենալ հոդվածի վերնագրին, բայց կրկին շեղվեցի: Այո, բիզնեսը դա նաև մարզաձև է: Եվ այդ սպորտում անհնար է միշտ հաղթել, այնպես որ եղեք պատրաստ պարտությունների, քանի որ դրանք նույնպես Ձեր ուղու անբաժան մասն ու Ձեր հարստությունն են: Հին ճշմարտություններից է՝ չի սխալվում նա, ով չի գործում:
Ես որոշել եմ աշխատել ինքնուրույն, շատ հնարավոր է, որ ես ձախողվեմ և ոչ մեկ անգամ, այլ բազում անգամներ, բայց երբ ես ծերանամ, ես իմ թոռներին պատմելու բան կունենամ և միայն դա արդեն ոգեշնչում է ինձ գործելու: Բայց ես ոչ մի դեպքում չեմ ձախողվի, քանի որ, եթե ես մտածեմ ձախողվելու մասին, ես ինքս ինձ նախօրոք ծրագիր կտամ ձախողվելու: Միայն հաղթանակ, բայց հաղթանակը միանգամից չի գալիս, հաղթանակը ծանր աշխատանքի արդյունք է, ամենօրյա քրտնաջան, համբերատար աշխատանքի արդյունք: Ես ստիպված եմ լինելու շփվել մարդկանց հետ, որոնց հետ չեմ ուզում շփվել, ես պետք է այնպիսի բաներ անեմ, որոնք ես միգուցե չուզենամ կամ ալարեմ անել, բայց առանց այդ ամենի ես չեմ հասնի նպատակակետին:
Բիզնես խորհուրդներ
- փնտրեք տաղանդավոր մարդկանց, ցանկալի է մարդկանց, որոնք չեն գիտակցում, որ իրենք տաղանդավոր են,
- գնահատեք Ձեր գործընկերներին և արեք այնպես, որ նրանք զգան, որ դուք իրենց մասին մտածում եք,
- մի եղեք ժլատ, բայց անիմաստ ծախսեր նույնպես մի արեք,
- եղեք հեռատես, միշտ մտածեք մի քանի քայլ առաջ և մի քանի տարբեր կոմբինացիաներով, հաշվի առեք բոլոր հնարավոր դեպքերը, մի թողեք ինքնահոսի ոչ մի գործընթաց,
- հղկեք Ձեր բիզնես պրոցեսները, բիզնես պրոցեսը դա գործողությունների շարան է, որը պետք է աշխատի շվեյցարական ժամացույցի պես:
Ես ինքս շատ անգամ չեմ կարողանում հետևել այս հասարակ կետերին, բայց կյանքը հնարավորություն է տալիս մեզ սխալվելու…
Բարի ճանապարհ բոլոր նրանց, ովքեր որոշել են ազատ մարդ լինել…
Hianali e. Es parzapes layn jptum em, erb handipum em der nman mardkanc. Maxtum em dez` Harust Tga ev arhasarak bolorin lavagujn@ kyanqum . Ev shat shnorhakalutyun hodvaci hamar.
Gayane jan es shat urax em vor hodvac@ dzes dur e ekel:) Kashxatem apagayum evs hetaqrqir nyuter avelacnem
Shat shat shnorhakalutyun, shat vogevorich er, mek mek mtacum em vonc enq toxnum gnum ays yerkric ayn depqum yerb Dzer, Lukai (nayev hamestis:))))) nman var anhatakanutyunner en aprum aystex, henc dra hamar kareli er angam karchel ays yerkric, qani vor Hayastani Apagan yerashxavorvac e
Ավետ ջան, հոդվածի հեղինակը ես չեմ, բայց շատ շնորհակալություն: Իսկ հեղինակին անձամբ ճանաչում եմ, նա հաստատ մտնում է նման երիտասարդների մեջ 🙂
Shnorhakal em gnahatakani hamar Avet jan, huysov em mer lavatesutyun@ kberi mec hajogutyunner:)