« »

Արման Ղուկասյան. արեք այն, ինչ մտածում եք

Արման Ղուկասյան

Արման Ղուկասյանի սեմինարը հաջորդն էր մայիսի 3-ին կայացած Հաջողության բանաձև սեմինարների շարքում: Արման Ղուկասյանը Vizerra նախագծի հեղինակն է, որի ընկերությունը այսօր գնահատվում է 40 միլիոն եվրո: Vizerra-ն 3D մոդելների կառուցման տեխնոլոգիա է, որը կիրառվում է քաղաքաշինության, դիզայնի և վիրտուալ տուրիզմի մեջ:

Այժմ խոսենք սեմինարի մասին: Որքան շատ եմ մասնակցում նման սեմինարների, այնքան ավելի ու ավելի եմ համոզվում, որ հաջողակ լինելը դա մտածելակերպ է: Ունեցար այդ մտածելակերպը, ուրեմն վերջ, անկախ նրանից, թե որտեղ ես հիմա գտնվում, վաղ թե ուշ կհասնես հաջողության: Իսկ հաջողության հասնելու Արման Ղուկասյանի գլխավոր խորհուրդը հետևյալն էր. «Պետք է գործե՛լ: Եթե ինչ-որ բան մտքներովդ անցնում է և դուք հավատում եք դրան, երկար մի մտածեք, միանգամից սկսեք գործել»:

Սեմինարի ընթացքում Արմանը ևս մեկ անգամ հաստատեց հայտնի միտքը. «Մի վախեցեք սխալներից: Սխալները այսպես թե այնպես լինելու են, բայց դա չի նշանակում, որ սխալվելը վատ է: Սխալներով են մարդիկ ճանապարհ հարթում դեպի հաջողություն»: Շնորհակալություն Արման 🙂 Գիտե՞ք որն է մարդկանց հիմնական խնդիրը, որը խանգարում է նրանց առաջ շարժվել: Նրանք ամեն ինչ շատ են վերլուծում և անընդհատ ճանապարհներ են փնտրում, որպեսզի սխալներից խուսափեն: Դա իհարկե լավ է, եթե այդ ճանապարհը դուք կարողանում եք շատ արագ գտնել: Բայց եթե զգում եք, որ ամեն ինչ ձգձգվում է, որ նման ճանապարհ չեք գտնում, ապա շարժվեք ցանկացած ճանապարհով, որը տանում է դեպի նպատակ: Թող դա չլինի ուղիղ, այլ լինի կոր, բայց այդ կորը ընթացքում անպայման կհարթվի:

Գիտեք ի՞նչն է ինձ շատ ուրախացնում: Success.am, Հաջողության բանաձև, հաջողության թեմայով բլոգներ… կամաց-կամաց այս մտածելակերպը սկսում է տարածվել: Վաղը կլինեն նոր նախագծեր, կհայտնվեն նոր մարդիկ և հաջողության հասնելու ձգտումը ավելի կմեծանա: Իսկ երբ դա տեղի ունենա, դա ավելի գլոբալ խնդիրներ կլուծի, քան շատերը պատկերացնում են: Եթե ամեն մի երիտասարդ սկսի մտածել, թե ինչպես սեփական բիզնես սկսել կամ ինչպես այլ ոլորտում հաջողությունների հասնել, ապա այդ երիտասարդներից կձևավորվի ուժեղ, եռանդուն, գործունյա, նպատակասլաց հասարակություն: Միշտ վստահ եղեք Ձեր ուժերի վրա և դարձեք այն փոփոխությունը, որն ուզում եք տեսնել աշխարհում:

The following two tabs change content below.
Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ, օգտակար կարծիքներ ստանալու Թրութլի հարթակի համահիմնադիր:
2 տարբերակ մեր հոդվածներին բաժանորդագրվելու համար


9 մեկնաբանություն

  1. Շատ լավ հոդված էր Luka ջան, անկասկած մենք պետք է գործենք, այլ ոչ թե անընդհատ մտածել` սխալներ գտնելու համար:Շնորհակալություն նաև Արման Ղուկասյանին:

  2. Իսկապես հինալի սեմինար էր: Ես ներկա էի Յուրի Գրիգորյանի սեմինարին և մեծ բավականություն ստացա: Շնորհակալություն:

    • Հա, շատ լավ սեմինարներ էին Զառա ջան: Իսկ ուրիշ որին ես եղել?

      • Ցավոք միայն հասցրել եմ լինել այդ սեմինարին: Հուսով եմ դեռ էլի կլինեն նմանատիպ սեմինարներ և կկարողանամ մասնակցել մյուսներին` մինչև Ֆրանսիա գնալս

  3. bayc patkeracnum eq ete bolory sksen zbaxvel sepakan biznesov

    • Sax ashxarh@? Te sax Hayer@? 🙂
      Sax ashxarh@ hnaravor chi.
      Sax Hayer@ shat lav kliner!
      Chinaci ka ban ka 🙂

      • Եթե վերջին նախադասության մասինա խոսքը Էդգար ջան, ուրեմն սկզբում հայերը, ապա նաև աշխարհը, ինչ կլինի որ 🙂

    • Դե հարցը հենց նրանում է, որ բոլորը չեն էլ կարող (ուզում) բիզնեսով զբաղվել Geneross ջան, ինչքան էլ ցանկալի լինի:

Մեկնաբանել

Ձեր էլ. հասցեն չի ցուցադրվի կայքում: Պարտադիր դաշտերը նշված են *-ով:

error: Կյանքն ավելի հրաշալի է, երբ ստեղծում ես սեփական «բովանդակությունը»