«Փոխիր կյանքդ-2»


Սա հեղինակի՝ «Փոխիր կյանքդ» գրքի շարունակությունն է: Անձնական փորձի, իրական պատմությունների և հեղինակային առակների միջոցով ներկայացվում է, թե ինչպես կարելի է երջանիկ լինել և սկսել հաջողության ճանապարհը` ապրելով Հայաստանում:

   

 

Հաջողության գաղտնիքներ

Նամակ ապագայից

Տարօրինակ նամակ ստացա: Ծրարն անհայտ ինչ-որ նյութից էր, չհասկացա էլ, թուղթ էր դա, թե ինչ: Հեղինակի անուն նշված չէր, միայն գրված էր. «Մի մարդուց, ով ճանաչում է քեզ բոլորից լավ»: Բացեցի ու սկսեցի կարդալ.

«Բարև բարեկամ,
Գրում եմ քեզ այս նամակը, հավատալով, որ այն քո կյանքին նոր շունչ կհաղորդի: Հիմա երևի պառկած ես բազմոցին կամ նստած համակարգչի առաջ. չգիտես ինչ անես, ինչու անես: Վե՛ր կաց: Քո ի՞նչ ժամանակն է անգործ նստելու: Նայիր դուրս. անծայրածիր աշխարհ, բազմաթիվ հնարավորություններ, չնվաճված տարածքներ: Ի՞սկ դու: Հաղթահարի՛ր ալարկոտությունդ: Գործողությունների անցի՛ր: Բարձրացրու ձեռքերդ վեր ու ինքդ քեզ ասա. «Ես սկսո՛ւմ եմ»:

Մի օր այդ հնարավորությունը չես ունենա: Սկսի՛ր հենց հիմա, մի սպասիր: Մի՛ վախեցիր, մի՛ կասկածիր: Սկսիր մաքուր սրտով: Մի պահիր քո մեջ ատելություն: Տարիների ընթացքում այն քեզ կքայքայի ներսից: Ժամանակն անցնում է. գնահատիր այն: Մի օր ամեն ինչ կտաս, որպեսզի վերադառնաս այն ժամանակները, որում հիմա ապրում ես: Վայելի՛ր: Վայելիր այն մարդկանց ներկայությունը, որոնք քո կողքին են: Միթե՞ դրանից երջանիկ բան կա: Ստեղծի՛ր-ստեղծի՛ր-ստեղծի՛ր: Ստեղծիր այլ մարդկանց համար: Հետք թո՛ղ: Մի բարկացիր, մի նյարդայնացիր, մի տխրիր, մի հիասթափվիր: Կանես դա հետո, երբ անելու ոչինչ չունենաս: Դարձիր աշխարհի մի մասնիկը, այլ ոչ թե մասնիկը քո տան: Գրում եմ այս նամակը քեզ հավատալով, որ դեռ կարող ես ամեն ինչ փոխել»:

Ու հանկարծ.. Նամակի վերջում գրված էր անունս, տակն էլ՝ 2062 թվական: Միգուցե՞ ինչ-որ մեկի կատակն էր..

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

23 մեկնաբանություն

    • Luka ջան, պարզ, հասարակ բառերով գրված, բայց այնքան հուզիչ ու գեղեցիկ էր:
      Այսօր ինձ ուղղակի անհրաժեշտ էր կարդալ այսպիսի նամակ. շնորհակալություն: 2062 թվականը խորհրդանշում է հետևյալը. կարծես ինչ-որ հրաշքով դուք հանդիպում եք ձեր մյուս եսին և նայում ձեզ՝ հետադարձ հայացքով: Մենք ի վերջո կորցնելու ենք մեր երիտասարդությունն ու այժմյան հնարավորությունները: Ուստի՝ պետք է օգտագործել հնարավորություններն ու հասնել բարձունքների:
      Կա մի հայտնի ասացվածք.«Երիտասարդն ասում է՝եթե ես իմանայի, իսկ ծերունին՝ եթե ես կարողանայի»: Այժմ մենք ուժեղ ենք, ունենք բազմաթիվ հնարավորություններ, որոնք չենք ունենալու տասնյակ տարիներ անց: Կարծես դուք նայել եք այն եսի աշխարհից, որն այլևս ընդունակ չէ գործել և փոխել իր կյանքը:
      Միայն մենք ինքներս կարող ենք մեզ ճանաչել բոլորից լավ, իմանալ մեր հոգու խորքում ապրող երազների ու հույզերի մասին:
      Առհասարակ, նամակը հրաշալի եղանակ է արտահայտելու այն ամենը՝ ինչը գուցե չկարողանանք ասել խոսքերով:
      Ես սիրում եմ նամակներ գրել, որոնց միջոցով կարողանում եմ ինքնաարտահայտվել և ներկայացնել իմ աշխարհայացքը: Այդ նամակներն ուղղում եմ մարդկանց, միաժամանակ՝ ինքս ինձ:

      • Ալլա ջան լավ հասկացար նամակի իմաստը 🙂 Նամակը գրողը հենց մեզանից յուրաքանչյուրն է, որը ապագայից նամակ է ուղարկում իրեն, երբ դեռ երիտասարդ է: Եվ այն ամենը, ինչը չի հասցրել անել, փորձում է նամակով ոգևորել ինքն իրեն երիտասարդ հասակում, որպեսզի անի:

    • Համաձայն եմ Ալեքսանդրա ջան, հեշտ է ասել, դժվար է անել: Բայց հենց դրա մասին է խոսքը, թող դժվար լինի, թող վախից դող տա վրաներս, բայց եթե անենք, վախը քիչ-քիչ կվերանա, բնավորություն կդառնա ու հետագայում ավելի հեշտ կլինի:

      Երբեմն, երբ ես ինչ-որ համարձակ քայլ եմ փորձում անել, ներսումս դող է սկսում, ոչ ոք դա չի տեսնում, միայն ես գիտեմ: Ու դա բոլոր շանսերն ունի, որ ստիպի չանել այն, ինչ պատրաստվում էի անել: Բայց եթե այնուամենայնիվ անում ես, վախը վերանում է:

  • Ես հիմա իրոք կարիք ունեմ լսել մոտիվացիոն տեքստեր:
    Հասկանում եմ` երբ մարդ իրեն միշտ վախ, կասկած է լինում, հասկանում եմ նաև, որ անհավանական հաջողությունների համար անհավանական ջանքեր են հարկավոր:
    բայց հնարավոր է չէ, որ մարդ գերագնահատում է իր հնարավորությունները? հնարավոր է չէ ուղղակի վերցնել ու չհաջողել?

    • Իհարկե հնարավոր է Ալեքսանդրա ջան: Գերագնահատել պետք չէ, պետք է ընդամենը օգտագործել եղած հնարավորությունները: Բայց մինչև չօգտագործես, չես կարող հասկանալ իրականում դու ինչ հնարավորություններ ունես:

      Հետո, ինչ է նշանակում չհաջողել? Եթե այդ չհաջողելու արդյունքում կյանքին վնաս չի սպառնում կամ անդառնալի ինչ-որ հետևանքներ չկան, թող չհաջողվի: Ամեն ինչ կախված է, թե ինչի մասին է խոսքը: Եթե խոսքը մեծ նպատակի կամ երազանքի մասին է, անհաջողությունից պետք չէ հիասթավել:

  • Ինչ լավ էր գրված, ով էլ որ գրել է ապրի ինքը:Luka ջան ինձ թվումա, որ պետքա ուրախ լինես, որովհետև այս նամակը այնքան ինչքան, որ ինձ վրա տպավորություն թողեց արդեն պատկերացնում եմ, թե դու հիմա ինչ ես զգում:

      • հաաա հասկացա….շատ կուզեի, որ միշտ այս խոսքերը մտքումս լինեին:Բայց միշտ չի, որ ստացվումա, որովհետև այնքան շուտ ենք մենք հիասթափվում ու տխրում որ մոռանում ենք այս կարևոր խոսքերի մասին:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»