Իրար ձեռք սեղմելու սովորությունը մարդկանց մոտ գալիս է դեռ հին ժամանակներից: Նախկինում, երբ մարդիկ հանդիպում էին, նրանք դեպի իրար էին պարզում իրենց բաց ափերը, որպեսզի ցույց տան, որ անզեն են: Այդ ժեստը ժամանակի ընթացքում ենթարկվում է փոփոխությունների և առաջ են գալիս մի շարք այլ ժեստեր, որոնցից է օրինակ ձեռքով ողջույնը օդում: Իսկ հին ժամանակների ողջույնի ժամանակակից տարբերակը կայանում է նրանում, որ մարդիկ իրար են պարզում ձեռքերը և սեղմում:

Ենթադրենք, դուք նոր մարդու եք հանդիպում և որոշում եք ողջունել նրան ձեռքսեղմումով: Այդ ձեռքսեղման միջոցով դուք կարող եք այնպես անել, որ դիմացինը ձեր մասին երեք բան մտածի: Առաջինը, գերակայություն. «Այս մարդը փորձում է ինձ վրա ճնշում գործադրել: Պետք է նրա հետ զգույշ լինել» (նկ. 1): Երկրորդը, հնազանդություն, զիջողականություն. «Ես կարող եմ այս մարդու վրա ճնշում գործադրել: Նա կանի այնպես, ինչպես ես եմ ցանկանում» (նկ. 2): Երրորդը, հավասարություն. «Ինձ դուր է գալիս այս մարդը: Մենք նրա հետ հեշտ լեզու կգտնենք» (նկ. 3): Այդ ինֆորմացիան փոխանցվում է ոչ գիտակցաբար, բայց դրան պատրաստվելու և նպատակային կիրառելու դեպքում ձեռքսեղման միջոցով դուք կարող եք անմիջական ազդեցություն թողնել այլ մարդկանց հետ ձեր հանդիպման արդյունքի վրա:

Եթե դուք մարդուն բարևում եք նկ. 1-ում պատկերված ձևով (ձերը սև մանժետով ձեռքն է), ապա դուք փորձում եք ասել նրան, որ այդ մարդու հետ շփման ժամանակ դուք ուզում եք լինել իրադրության ղեկավարը: Անցկացված հետազոտության արդյունքում պարզվել է, որ հետազոտության մասնակից 54 առաջադեմ և բարձր ադմինիստրատիվ օղակներին պատկանող մարդկանցից 42-ը ոչ միայն առաջինն են մեկնել ձեռքը, այլ նաև օգտագործել են ձեռքսեղման հենց այդ տարբերակը:

Երբ դուք դիմացինին մեկնում եք ձեռքն այնպես, որ ափը հայտնվում է վերևում (նկ. 2), դրանով դուք ցույց եք տալիս նրան ձեր հնազանդությունը: Դա երբեմն անհրաժեշտ է լինում այն ժամանակ, երբ դուք ցանկանում եք նախաձեռնությունը տալ դիմացինին կամ թույլ տալ նրան զգալ իրեն իրավիճակի տերը:

Իսկ երբ բարևելիս երկու ձեռքերն էլ մնում են ուղղահայաց վիճակում (նկ.3), դա ցույց է տալիս, որ երկու մարդիկ էլ մոտենում են իրար փոխըմբռնմամբ և փոխադարձ հարգանքով: Այդպես են հիմնականում բարևում իրար բոլոր սովորական մարդիկ:

Հ.Գ.
Մարդու ժեստերի մասին պատմող բոլոր հոդվածները կարող եք կարդալ այստեղ:

«Եթե ես հարցնեի մարդկանց, թե ինչ են նրանք ուզում, ապա նրանք մինչև հիմա ման կգային սայլակներով», – մի անգամ ասում է Հենրի Ֆորդը:

Եվ դա ուղղակի խոսքեր չէին: Որքան էին փորձում համոզել Ֆորդի ինժեներները նրան, որ այն, ինչ նա ուզում է, անհնար է: Բայց անցան տարիներ և Ֆորդի առաջին մեքենան դուրս եկավ գործարանից:

Երբեմն գալիս են պահեր, երբ պետք չէ ոչ ոքի լսել: Եթե դուք ինչ-որ բանում համոզված եք, եթե ձեր սիրտը թելադրում է դա և դուք վստահ եք, որ ձեզ մոտ ամեն ինչ կստացվի՝ դեմ գնացեք բոլորին: Հիշո՞ւմ եք Կրիս Գարդների մասին պատմող «Երջանկության փնտրումներ» ֆիլմի այն հատվածը, երբ հայրը տղային խորհուրդ է տալիս՝ «մարդիկ, որոնց մոտ ինչ-որ բան չի ստացվում, փորձելու են ապացուցել քեզ, որ քո մոտ էլ ոչինչ չի ստացվի: Մի՛ լսիր նրանց: Եթե երազանք ունես, եթե հավատում ես դրան, գնա՛ մինչև վերջ»:

Այո, երբեմն պետք է ոչ ոքի չլսել: Եթե մարդիկ ձեզ չեն հավատում կամ չեն հասկանում, արեք այն, ինչ պատրաստվում էիք անել և երբ մարդիկ արդյունքը տեսնեն, դա կլինի լավագույն պատասխանը նրանց հորդորներին: Հաճախ հասարակությունը կամ դրա մի զանգված, փորձում է վրադ ճնշում գործադրել: Ոչ թե փորձում է գիտակցաբար, այլ դա ստացվում է ինքնստինքյան՝ միանման համոզմունքների և մտածելակերպի շնորհիվ: Եթե շատ մարդ նույն բանն է ասում, ապա դժվար է դրան դեմ գնալ, նույնիսկ եթե դուք վստահ եք և գիտեք, թե ինչ եք անում: Ամեն դեպքում՝ մի հանձնվեք, որքան էլ որ մարդիկ պնդեն դա: Երբեմն մարդկային զանգվածը ընդունակ է սպանել գաղափարներ, նորարարություններ, երազանքներ և դրա համար նրանք հատուկ ջանք չեն գործադրում: Դա այնպես աննկատ է կատարվում, որ դուք չեք էլ հասցնում հասկանալ՝ այս ի՞նչ կատարվեց, և հետո զարմանում եք՝ այս ինչպե՞ս եղավ, որ ես ետ կանգնեցի, ինչո՞ւ ես փոշմանեցի:

Ամեն դեպքում, հիշեք, եթե վստահ եք և 100%-ով գիտեք, թե ինչ եք անում, եթե ձեր սիրտն է դա ձեզ թելադրում և ոգևորությունն այնքան մեծ է, որ սիրտը սկսում է արագ խփել, ապա ոչ ոքի էլ մի լսեք, արեք այն, ինչ պատրաստվում եք անել:

Ողջույն, վաղուց է չէի գրել այս հրաշալի բլոգում: Բայց այսօր, երբ ընթերցում էի SMS-սփամի մասին նախորդ գրառումը, ինձանից անկախ «գրիչը վերցրի ձեռքս»:

Ցավոք, մեր երկրում (օնլայն) մարքեթինգը հաճախ նույնացվում է սփամելու հետ: Մենք բացառություն չենք, ողջ աշխարհն է այսօր դարձել սփամով լի: Եվ բազմաթիվ գործարարներ ցանկանում են շուկա ներխուժել իրենց ապրանքի կամ ծառայությունների մասին ինքնագովեստի մեկ-երկու անշուք տող տարածելով:

Իսկ դուք գիտե՞ք, որ գովազդատուից սփամերի վերածվելն ընդամենը մեկ քայլ է: Իհարկե, Հայաստանում շատերն այդ քայլը չեն կատարում, քանի որ… հենց սկզբից սկսում են սփամել: Կան նաև հատուկ մասնագիտացված սփամերներ (թեև, մասնագիտանալս ո՞րն է՝ վերցնում ես մի հնչեղ անուն (ասենք՝ Sexy Pan-Armenian Marketers), դոմեն-հոսթինգ, սփամող մի վեբ-ծրագիր, ձեռք ես գցում էլ. փոստերի մի բազա և վերջ):

Բայց ես այսօր կխոսեմ ոչ թե այն մասին, թե ինչպես սփամեր դառնալ, այլ՝ թե ինչպես խուսափել այդ գորշ ու հեղինակազրկող պիտակից: Շատ բան պետք չէ՝ ընդամենը պահպանել երկու «ոսկե կանոններ»:

1. Ուղարկել այն մարդկանց, ովքեր ցանկանում են ձեզանից բան ստանալ

Մեր «գիտունիկ մարքեթոլոգները» անխնա կերպով սփամում են բոլորին՝ առանց հարցնելու, թե ցանկանո՞ւմ են մարդիկ իրենցից գոնե 1 նամակ ստանալ: Ավելին, այսօրվա սփամեր-կազմակերպությունները ԶԼՄ-ներով հպարտանում են, որ կարող են իրեց սփամն ուղարկել մի քանի տասնյակ հազարավոր «բաժանորդների»:

Ստոպ: Ես իմ բլոգում երկար չարչարվելուց հետո հազիվ եմ կարողացել անցնել 200 բաժանորդագրվածների սահմանը, այդ ինչպե՞ս հասցրեցիք տասնյակ հազարավոր «բաժանորդներ» ունենալ:

Սա ոչ միայն ինքնախաբեություն է, այլ նույնիսկ բարոյական չէ:

2. Մարդկանց ուղարկել այն, ինչ նրանք ցանկանում են ձեզանից ստանալ

Այո, լինում է և հակառակը: Դու բաժանորդագրվում ես մի բանի համար, բայց սկսում ես ստանալ նաև սփամ: Եվ շաբաթների ընթացքում սփամը շատանում է, իսկ բուն նյութը՝ պակասում:

Օրինակ, եղել են անգլերեն կայքեր, որոնց RSS հոսքերին բաժանորդագրվել եմ, որպեսզի ստանամ վերջին գրառումների մասին էլ. ծանուցումներ: Սակայն, օրերից մի օր պարզել եմ, որ այդ կայքից ինձ ուղարկվում է շաբաթական 1-2 գրառման մասին էլ. տեղեկացում, բայց օրական 2-3 առաջարկություն (վճարովի բեռնումներ, ապրանքներ և այլն): Այլ կերպ ասած, ինքդ բաժանորդագրվեցիր տվյալ կայքին ու ինքդ քեզ «գցեցիր կրակը»:

Սա առաջինից պակաս վտանգավոր չէ, իսկ սփամերի վերածվելն էլ՝ ավելի հեշտ:

***

Ահա և վերջ: Պահպանեք այս երկու կանոնները և հաղորդակցվեք ձեր այցելուների ու հաճախորդների հետ: Այլապես, ձեզանից անկախ կհամալրեք սփամերների շարքերը:

Մեր հոդվածներում, երբ մենք խոսում ենք մարդու անձնային աճի, ինքնազարգացման և հաջողության հասնելու մասին, մենք փորձում ենք առաջին հերթին շեշտը դնել ոչ թե մարդու գիտելիքների, այլ նրա սովորությունների և բնավորության վրա: Մարդու սովորությունները ձևավորում են նրա բնավորությունը, իսկ մարդու բնավորությունից կախված է նրա հետագա ողջ կյանքը: Եթե ուզում եք ձեր կյանքում ինչ-որ բան փոխել, ապա առաջին հերթին փոխեք ձեր բնավորությունն ու սովորությունները: Դրանցից մեկի մասին կխոսենք այս հոդվածում: Խոսքը սեփական սխալները ընդունելու կամ չընդունելու սովորության մասին է: Այն, որ մենք բոլորս էլ ժամանակ առ ժամանակ սխալվում ենք, դրա դեմ ոչինչ չենք կարող անել: Ոչ ոքս էլ կատարյալ չենք և ուզենք, թե չուզենք, ինչ-որ պահերի մենք սխալվելու ենք` ինչ-որ բան այնպես չենք անելու կամ ինչ-որ բան այնպես չենք ասելու և որոշ ժամանակ անց դրա համար փոշմանելու ենք: Իսկ թե ինչպես կպահենք մեզ դրանից հետո, հենց այդ թեմային էլ նվիրված է այս հոդվածը:

Ընդհանրապես, շատերի մոտ կարծիք կա, որ իմաստուն մարդը պետք է երբեք չսխալվի կամ սխալվելու դեպքում` պետք է իր սխալները երբեք ցույց չտա: Բայց իրականում սխալները թաքցնելու, դրանցից խուսափելու և ընդունել չկարողանալու մեջ չէ մարդու իմաստությունը, այլ հակառակը` սեփական սխալներն ընդունելու և անհրաժեշտության դեպքում ներողություն խնդրելու: Պետք է գալ հոգեկան և մտավոր այնպիսի վիճակի, որ առանց լրացուցիչ ջանքերի իվիճակի լինել գիտակցել սեփական սխալները: Ընդհանրապես, մարդն ունի ինքնապաշտպանական ինչ-որ բնազդ և այն բացասականը, որը կապված է իր հետ, նա շատ դժվար է ընդունում: Պետք է կարողանալ հաղթահարել դա: Եթե ինչ-որ սխալ բան եք անում, առանց վարանելու ընդունեք դա: Եթե ինչ-որ մեկին վիրավորել եք կամ վնասել, գիտակցեք, որ վատ բան եք արել, ընդունեք դա և ներողություն խնդրեք: Մի լռեք և մոռացության մատնեք, այլ ուղղակի խոստովանեք: Դրանից հետո դուք ձեզ շատ ավելի հանգիստ, մաքուր ու վստահ կզգաք: Դիմացինը նույնպես ավելի կգնահատի դա և ձեզ ավելի հարգանքով կմոտենա, քան եթե դուք ոչինչ չանեիք: Մի ամաչեք սխալներ թույլ տալուց, ամաչեք դրանք ընդունել չկարողանալուց: Երբ դուք ձեռք բերեք սխալներն ընդունելու այդ սովորությունը, դուք ևս մեկ քայլ կաճեք ինքնազարգացման և հաջողության հասնելու ձեր ճանապարհին:

Վերջին ժամանակներս Հայաստանում ակտիվացել է SMS գովազդը: Օրվա ընթացքում մարդիկ գովազդային բնույթի 2-3 նոր SMS են ստանում, հիմնականում խանութներում, տարբեր կենտրոններում, սուպերմարկետներում զեղչերի և ակցիաների մասին: Ի տարբերություն գովազդի մյուս տեսակների, SMS գովազդի հարցում պետք է շատ զգույշ լինել: Շատ մարդկանց գովազդի այս տեսակը ուղղակի նյարդայնացնում է, քանի որ այն «ներխուժում է» մարդու անձնական կյանք և երբեմն՝ ամենաանհարմար պահին: Շատ մարդիկ, վերնագիրը կարդալուց հետո այլևս չեն էլ կարդում գովազդի տեքստը: Ավելին, եթե գովազդի թեման այնպիսին է, որ մարդկանց չի հետաքրքրում և գովազդը պարբերաբար կրկնվում է և մարդը հնարավորություն չունի դրանից հրաժարվելու, ապա գովազդող ընկերությունը մարդու գիտակցությունում կարող է տպավորվել որպես բացասական: Իսկ որպեսզի SMS-գովազդը հակառակ ազդեցություն չունենա, այն պետք է լինի թիրախային:

Ինչո՞ւմն է SMS գովազդի առանձնահատկությունը: Այն, որ մարդիկ գովազդ չեն սիրում, դա փաստ է: Սակայն, օրինակ, հեռուստատեսային գովազդի դեպքում, եթե մարդուն այն դուր չի գալիս, նա ուղղակի կարող է փոխել ալիքը, ինտերնետ գովազդի դեպքում` փակել կայքը, փողոցային գովազդի դեպքում` ուղղակի չնայել, բայց մարդը չի կարող նետել իր հեռախոսը, երբ նրան SMS-գովազդ է գալիս: Այդ «ոչինչ անել չկարողանալու» փաստն էլ հաճախ նյարդայնացնում է մարդկանց: Բացի այդ, պետք չէ բոլոր մարդկանց ուղարկել նույն գովազդային տեքստը: Կարծում եք ինչ-որ գործարարի կհետաքրքրի՞, որ ինչ-որ խանութում 30% զեղչ է, կամ 70 տարեկան տատիկին կհետաքրքրի՞, որ Հաջողության բլոգում հոդվածների մրցույթ է: Իհարկե` ոչ: Նման ոչ թիրախային գովազդը միայն շեղում է մարդկանց իրենց գործերից: Իհարկե, գովազդային ընկերությունների համար դժվար է մարդկանց նման թիրախային խմբերի բաժանել: Դժվար, բայց հնարավոր: Անհնար բան չկա: Իսկ եթե գովազդը ուղարկվելու է ոչ թե թիրախային խմբին, այլ պատահական ընտրված 5000 հեռախոսահամարների, ապա նման գովազդից ավելի լավ է խուսափել: Դրա փոխարեն ընտրեք գովազդի այլ տարբերակ, օրինակ ինտերնետային գովազդը, որն ավելի մատչելի է և ավելի արդյունավետ:

Եվ ամփոփելով թեման, պատասխանեմ հոդվածի գլխավոր հարցին` արդյունավետ է արդյո՞ք SMS գովազդը: Արդյունավետ է, եթե թիրախային է, հակառակ դեպքում ոչ միայն արդյունավետ չէ, այլ նաև կարող է վնասել ընկերության համբավին:

]]> http://success.am/2012/02/20/%d5%a1%d6%80%d5%a4%d5%b5%d5%b8%d6%82%d5%b6%d5%a1%d5%be%d5%a5%d5%bf-%d5%a7-%d5%a1%d6%80%d5%a4%d5%b5%d5%b8%d5%9e%d6%84-sms-%d5%a3%d5%b8%d5%be%d5%a1%d5%a6%d5%a4%d5%a8/feed/ 0 http://success.am/2012/02/20/%d5%a6%d5%a1%d6%80%d5%b4%d5%a1%d5%b6%d5%a1%d5%b0%d6%80%d5%a1%d5%b7-%d5%b4%d5%a1%d6%80%d5%a4%d5%a8-16-%d5%bf%d5%a1%d6%80%d5%ab-%d5%a1%d5%bc%d5%a1%d5%b6%d6%81-%d6%84%d5%b6%d5%a5%d5%ac%d5%b8%d6%82/ http://success.am/2012/02/20/%d5%a6%d5%a1%d6%80%d5%b4%d5%a1%d5%b6%d5%a1%d5%b0%d6%80%d5%a1%d5%b7-%d5%b4%d5%a1%d6%80%d5%a4%d5%a8-16-%d5%bf%d5%a1%d6%80%d5%ab-%d5%a1%d5%bc%d5%a1%d5%b6%d6%81-%d6%84%d5%b6%d5%a5%d5%ac%d5%b8%d6%82/#comments Mon, 20 Feb 2012 06:33:07 +0000 Luka http://success.am/?p=5015 Կարդալ ամբողջը]]>

Գերմանիայում, Գալլա քաղաքում ապրում է աշխարհի ամենաարտասովոր ու զարմանահրաշ մարդկանցից մեկը՝ Յակով Ցիպերովիչը: 1979 թվականին թունավորման արդյունքում այս մարդը կլինիկական մահ է տանում: Կլինիկական մահը տևում է մոտ 1 ժամ, որն արդեն իսկ անհնար է, քանի որ մարդու ուղեղի բջիջները մահանում են սիրտը կանգնելուց 3-ից 5 րոպե անց: Բայց ամենահետաքրքիրն այն է, որ պատահածից մեկ շաբաթ անց ուշքի գալով՝ նա լիովին կորցնում է քնելու ունակությունը և ոչ միայն քնելու՝ նաև պառկելու: Ամեն անգամ, հորիզոնական դիրք ընդունելիս, ինչ-որ անտեսանելի ուժ նրան բառացիորեն հրում էր վերև, և այդպես շարունակվում է 16 տարի: Այդ 16 տարիների ընթացքում նա գտնվում է բացարձակ անքնության վիճակում, որը բժշկության և ընդհանրապես, մարդու մասին մեր ունեցած բոլոր գիտելիքների տեսանկյունից, անհնար է:

1995 թվականին նա սկսում է զբաղվել յոգայով: Մեդիտացիայի և արևելյան այլ հնարքների շնորհիվ նրան հաջողվում է ստիպել իր օրգանիզմին ընդունել հորիզոնական դիրք, բայց ոչ ավել, քան 2-3 ժամ: Բայց այս պատմության ամենազարմանալի պահն այն է, որ այս բոլոր տարիների ընթացքում այս մարդը արտաքնապես ընդհանրապես չի փոխվում: Այժմ նա արդեն 58 տարեկան է, բայց արտաքինից նրան չես գնահատի 25-ից ավել: Եվ դա մտածմունքների տեղիք է տալիս: Բացի այդ, նրա մարմնի ջերմաստիճանը չի բարձրանում 34 աստիճանից: Շատ մասնագետներ կարծում են, որ հենց դա էլ նրա երիտասարդության գաղտնիքն է: Բայց ամեն դեպքում, գիտությունը այս դեպքի համար ոչինչ չի կարողանում վստահ ասել: Եվ քանի դեռ դա այդպես է, Յակովը մնում է աշխարհի ամենազարմանահրաշ մարդկանցից մեկը և իր օրինակով ապացուցում է, որ չկա անհնար ոչինչ:

Նախորդ` «Ինչպե՞ս կազմել լավ ռեզյումե» հոդվածում մենք քննարկեցինք հետևյալ հարցերը.

- Ինչի համար է անհրաժեշտ ռեզյումեն,
- Ինչպիսին պետք է լինի ռեզյումեի կառուցվածքը:

Այժմ մի փոքր խոսենք հետևյալ թեմաների մասին.

- Ինչի մասին չպետք է գրել ռեզյումեում,
- Ինչպիսին պետք է լինի ռեզյումեն:

Ինչի մասին չպետք է գրել ռեզյումեում

• Ձեր ամբողջ աշխատանքային կենսագրությունը (իրականում պոտենցիալ գործատուին հետաքրքրում է Ձեր վերջին 3-5 աշխատատեղերը` 10 տարուց ոչ ավելի ժամանակահատվածի համար),
• Ձեր ֆիզիկական տվյալները և առողջական վիճակը,
• Ձեր թույլ կողմերը,
• Աշխատանքից հեռանալու պատճառները,
• Երաշխավորող նամակները կամ անձանց անունների ցանկը, որոնք կարող են Ձեզ երաշխավորել (այս ցանկը պահեք առանձին, քանի որ այն կարող է պետք գալ հարցազրույցի ժամանակ):

Ինչպիսին պետք է լինի ռեզյումեն

Ռեզյումե կազմելիս անհրաժեշտ է հիշել և պահպանել հետևյալ սկզբունքները.

• Կառուցվածքայնությունը. Ռեզյումեի ողջ ինֆորմացիան պետք է շարադրվի որոշակի հերթականությամբ և համապատասխանի ընտրված ձևին,
• Ընտրողականությունը. Առաջին հերթին ուշադիր կարդացեք այն ունակություններն ու հմտությունները, որոնք անհրաժեշտ են տվյալ աշխատատեղի համար և ռեզյումեում նշեք Ձեր այն աշխատատեղերն ու հմտությունները, որոնք առավելապես համապատասխանում են տվյալ աշխատատեղին և հնարավորինս խուսափեք ոչ պետքական ինֆորմացիայից,
• Օբյեկտիվությունը. Ձեր փորձն ու ունակությունները նկարագրելիս եղեք հնարավորինս իրատես և օբյեկտիվ. չէ որ հետագայում Դուք պարտավոր եք հիմնավորել այն ամենը, ինչ նշել եք ռեզյումեում,
• Հակիրճությունը. Ռեզյումեի ծավալը չպետք է գերազանցի երկու էջը, ուստի ինֆորմացիան շարադրեք հնարավորինս հակիրճ` շեշտը դնելով գործատուի համար առավել կարևոր և նշանակալից հանգամանքների վրա:
  

  Պետք չէ գրել	Պետք է գրել
  Զբաղվում էի սովորեցնելով…	Սովորեցրեցի 2 նոր աշխատողների…
  Լավ էի աշխատում…	Կրճատեցի սխալները 15%-ով, որով տնտեսեցի ընկերության 40,000$-ը…

• Ակտիվությունը. Մի օգտագործեք շատ բառեր, ընդգծեք Ձեր ձեռքբերումները:
  

  Պետք չէ գրել	Պետք է գրել
  Պատասխանատու էի կատարման համար…	Կատարեցի…
  Կատարում էի լրացուցիչ աշխատանք…	Աշխատանքը միշտ ավարտում էի ժամանակին…

           
Եվ վերջում, վատ չէր լինի, եթե ռեզյումեն կազմվեր 2 լեզվով: Բնականաբար, օտար լեզվով գրված ռեզյումեն ևս պետք է համապատասխանի վերը նշված սկզբունքներին:

Երբ նոր էի սկսել հետաքրքրվել սեփական բիզնեսը սկսելու ուղղությամբ, ժամանակ առ ժամանակ այցելում էի Նոյան տապան գրախանութ և ուսումնասիրում բիզնեսի, ֆինանսների և ինքնազարգացման թեմայով գրքերը: Կար մի գիրք, որն անընդհատ աչքի էր ընկնում, բայց որին չգիտես ինչու երկար ժամանակ ուշադրություն չէի դարձնում, մինչև մի օր չգնեցի այն և երկար ամիսներ այն չդարձավ սեղանիս մշտական գրքերից մեկը: Ինչո՞ւ էր այն ուշադրություն գրավում: Որովհետև գիրքը հայերեն էր և ուներ շատ գրավիչ անվանում: Հայերեն լեզվով նման գրքեր, որոնք գրվել են զրոյից, այլ ոչ թե ամբողջությամբ թարգմանված են այլ աղբյուրներից, շատ քիչ են: Եվ դրանց առավելությունը կայանում է նրանում, որ դրանք գրված են հենց մեր տեղական պահանջներից ելնելով: Գրքի անվանումը նույնպես գրավիչ էր, որովհետև ո՞վ գոնե մեկ անգամ չի երազել սեփական բիզնեսը սկսելու մասին, իսկ գիրքը թվում էր բանալի է, որն օգնելու է այդ հարցում:

Գիրքն իրոք շատ օգտակար դուրս եկավ` ընդհանուր պատկերացնելու համար սեփական բիզնեսի երկար ճանապարհը, առավելություններն ու թերությունները: Դրանում թեմաները բազմազան են` սկսած «թե ինչո՞ւ է Ձեզ պետք սեփական բիզնես սկսել և արդյո՞ք պետք է դա Ձեզ», վերջացրած ընկերությունը բացելու համար անհրաժեշտ քայլերի և ընկերության հաշվապահության վարման նկարագրությամբ: Մարդիկ, որոնք ուզում են սեփական բիզնես սկսել, անպայման պետք է կարդան այս գիրքը: Դուք կարող եք երկար ժամանակ ծախսել, գտնելով Ձեզ անհրաժեշտ ամբողջ ինֆորմացիան տարբեր աղբյուրներից, իսկ կարող եք գտնել այդ ամենը հավաքված մեկ վայրում: Գիրքն իսկական այբուբեն է սկսնակ գործարարի համար: Այստեղ դուք չեք գտնի քայլ առ քայլ ցուցումներ, որոնք կօգնեն Ձեզ միանգամից դառնալ հաջողակ գործարար կամ միլիոնատեր, բայց դուք կպատկերացնեք, թե ինչպես սկսել: Իսկ դա ամենակարևորն է` սկսել, կամ գոնե հասկանալ` արժե՞ սկսել: Վերջում միայն ավելացնեմ, որ մինչև հիմա էլ ես ժամանակ առ ժամանակ թերթում եմ այս գրքի էջերը և գտնում ինձ համար անհրաժեշտ ինֆորմացիա և մինչև հիմա էլ այն դեռ իմ սեղանին է:

Երբևէ հանդիպե՞լ է Ձեզ մոտ, որ երբ պետք է ինչ-որ համարձակ քայլի դիմեք կամ Ձեր կյանքում շատ կարևոր որոշում կայացնեք, այդ հուզմունքից, պատասխանատվությունից, մտածմունքներից և վախից Ձեր ներսում դող է սկսվում: Դա հուզմունքի և դժվար որոշում կայացնելու նշան է, որը կարծում եմ՝ բոլորի մոտ էլ լինում է: Օրինակ, ով չի զգացել այդ դողը ԲՈՒՀ ընդունվելիս՝ քննության սեղանի առջև, կամ իր սիրած մարդուն առաջարկություն անելիս կամ աշխատանքի վայրն առաջին անգամ փոխելիս: Այդ դողը Ձեր օրգանիզմի պատասխանն է նրան, թե ինչ եք դուք պատրաստվում անել: Չեմ կարծում, որ աշխարհում կա մի մարդ, որի կյանքում նման դող երբեք չի եղել: Դա լինում է ցանկացած մարդու մոտ, որը պետք է կարևոր որոշում կայացնի` որոշում, որը կարող է զգալի ազդել նրա կյանքի վրա:

Այս դողն ավելի շատ «դրական դող» է: Դա չոր վախը չէ: Դա սահմանը հաղթահարելու նշանն է: Ամեն անգամ, երբ դուք պատրաստվում եք դուրս գալ Ձեր հարմարավետության գոտուց, երբ մոտենում եք սահմանին և պատրաստվում եք անցնել այն, Ձեզ մոտ նման մի դող է առաջանում, որը հուշում է Ձեզ, որ դուք մոտ եք սահմանին և ուր որ է կանցնեք: Ամենակարևոր պահերից մեկը մարդու կյանքում, որը նրա հետ կարող է պատահել այն է, որ անկախ դողից և գիտակցության զսպումներից՝ մարդն անցնում է սահմանը: Ինչ-որ կարևոր քայլ անելիս բոլորն էլ վախենում են, անհանգստանում են, մտածում են, բայց սովորություն դարձրեք, որ անկախ ամեն ինչից կարողանաք հաղթահարել Ձեր գիտակցության կապանքները և անցնեք սահմանը: Հիշեք, անհրաժեշտ է վախենալ, բայց շարժվել առաջ:

Եվ երբ դուք դա անում եք, դա դադարում է այլևս Ձեզ համար «վախենալու» լինելուց, դուք անցնում եք սահմանը և մտածում եք հաջորդ սահմանների մասին: Իսկ սահմաններ հաղթահարելով դուք ԱՃՈՒՄ ԵՔ: Իսկ մարդը, որն անընդհատ աճում է, կարծում եմ երջանիկ մարդ է: Հիշեք, ամեն անգամ, երբ դուք կանգնած եք սահմանի վրա և պետք է կարևոր որոշում կայացնեք և Ձեր ներսում կզգաք այդ դողը, ուղղակի ԱՆՑԵՔ ՍԱՀՄԱՆԸ, համարձա՛կ, ետ մի նայեք, ամեն ինչ լավ կլինի:

Նրանից, թե ինչպես է կազմված այս փաստաթուղթը, կախված է ոչ միայն Ձեր կարիերան, այլ նաև, հնարավոր է, Ձեր ամբողջ մնացած կյանքը: Այս հոդվածում կխոսենք, թե ինչ պետք է իմանալ լավ ռեզյումե կազմելու համար:

Ինչ ձևով էլ որ փնտրեք աշխատանք (բարեկամների միջոցով, թերթով, ինտերնետով), վաղ թե ուշ կգա մի պահ, երբ Ձեզանից կպահանջեն ներկայացնել (ուղարկել) Ձեր ռեզյումեն: Բոլորի համար էլ ակնհայտ է, որ անգրագետ կազմված ռեզյումեով աշխատանք գտնելու հավանականությունը շատ փոքր է:

Քննարկենք հետևյալ հարցերը.

• Ինչի՞ համար է անհրաժեշտ ռեզյումեն,
• Ինչպիսի՞ն պետք է լինի ռեզյումեի կառուցվածքը:

Ինչի համար է անհրաժեշտ ռեզյումեն

Ռեզյումեն աշխատանք գտնելու ամենաարդյունավետ գործիքներից է: Այն իրենից ներկայացնում է Ձեր կենսագրության վերաբերյալ գործատուի համար կարևոր փաստերի համառոտ նկարագիր` հիմնականում կապված Ձեր աշխատանքային փորձի, ունակությունների և գիտելիքների հետ: Ռեզյումե կարդալու վրա միջինում ծախսվում է մեկից երկու րոպե, ուստի շատ կարևոր է միանգամից գրավել գործատուի ուշադրությունը, հետաքրքրել նրան և ցանկություն առաջացնել հրավիրելու Ձեզ հարցազրույցի: Ռեզյումե կազմելիս պետք է միշտ հիշել, որ այն դառնալու է Ձեր հրավիրատոմսը, որով Դուք առանձնանալու եք աշխատանք փնտրող մարդկանց բազմությունից:

Ռեզյումեի կառուցվածքը

Ռեզյումեն սովորաբար բաղկացած է լինում 1-2 էջից և ներառում է հետևյալ մասերը.

Կոնտակտային տվյալներ

• Անուն և ազգանուն (հայրանունը կարելի է չգրել),
• Հասցե (ամբողջությամբ` ներառյալ ինդեքսը),
• Հեռախոսահամար (տնային, բջջային, աշխատանքային` քաղաքային կոդով. աշխատանքային համարը նշել միայն այն դեպքում, եթե աշխատավայրում հնարավորություն ունեք բավական ազատ շփվելու),
• Էլեկտրոնային փոստի հասցե (եթե դեռ չունեք անձնական փոստային արկղ, մինչ ռեզյումեն ուղարկելը անպայման բացեք այն):

Նպատակը (պարտադիր չէ, բայց ցանկալի է): Եթե ռեզյումեն ուղարկվում է կոնկրետ աշխատատեղի համար, ապա որպես նպատակ նշվում է այդ աշխատատեղի անվանումը կամ կոդը: Եթե ունեք մի քանի տարբեր նպատակներ, կարելի է կազմել 2-3 ձևի ռեզյումեներ: Ավելի լավ է ունենալ մի քանի տարբեր ասպեկտների համար կազմված ռեզյումեներ, քան մեկ ընդհանուր ռեզյումե:

Որակավորումը:  Համառոտ ներկայացվում է պոտենցիալ գործատուի համար ավելի նշանակալի ինֆորմացիա Ձեր մասնագիտական ունակությունների, ուժեղ կողմերի և ձեռքբերումների մասին:

Աշխատանքային փորձը: Թվարկվում է հակառակ հերթականությամբ (սկզբում նշվում է վերջին աշխատատեղը): Սա ռեզյումեի, թերևս ամենակարևոր մասն է, որում նկարագրվում է Ձեր աշխատանքային փորձը, որպես կանոն, վերջին տաս տարվա համար հետևյալ սխեմայով.

• Ընկերության անվանումը,
• Ընկերության գործունեության ուղղվածությունը,
• Աշխատանքային ժամանակահատվածը,
• Պարտականությունները,
• Մասնագիտական ունակություններն ու ձեռքբերումները:

Ձեր ձեռքբերումները նկարագրելիս օգտագործեք այնպիսի բայեր, ինչպիսիք են զարգացրեցի, խնայեցի, ընդլայնեցի կամ կրճատեցի:

Կրթությունը: (Ինչքան շատ ժամանակ է անցել վերջին ուսումնական հաստատությունն ավարտելուց հետո, այնքան ավելի քիչ ուշադրություն պետք է գրավի այս փաստը): Անհրաժեշտ է հիշատակել նաև լրացուցիչ կրթության մասին` կուրսեր, սեմինարներ, ստաժավորում և այլն:

Լրացուցիչ ինֆորմացիա: Օտար լեզուների և համակարգչի տիրապետելը, վարորդական իրավունք ունենալը, մասնագիտացված կազմակերպություններին անդամակցությունը և այլն (հոբբին նշել միայն այն դեպքում, եթե այն սերտորեն կապված է ցանկալի աշխատանքի հետ):