Հաջողության Բլոգ

- Ես հավատում եմ, որ բարությունը ամենամեծ ուժն է, – ասաց «Ռոսգոսստրախ» ընկերությունների խմբի բիզնեսի ռազմավարական զարգացման գծով փոխնախագահ, բաժնետերերի խորհրդի անդամ Ռաֆայել Մինասբեկյանը երեկ տեղի ունեցած Հաջողության բանաձև սեմինարի ժամանակ: Եվ նա կարող էր չասել դա, դա երևում էր նրա բարի ժպիտից

Դահլիճում գտնվողներից մեկի հարցին, թե ինչպես մենք էլ կարող ենք Ձեզ պես հաջողության հասնել, նա պատասխանեց, որ նախ պետք է ունենալ երազանք: Եվ այդ երազանքի համար էական չէ, գտնվում ես դու Հայաստանում, Ռուսաստանում, ԱՄՆ-ում, թե այլ երկրում: Իսկ ամենագլխավոր խորհուրդը հետևյալն էր. «մինչև ինչ-որ տարիք, օրինակ 25-28, մարդը գտնվում է ինքնաորոնման մեջ: Այսինքն, նա անընդհատ փնտրում է, տարբեր բաներ է փորձում, փորձում է հասկանալ, թե ինչ է ուզում կյանքում: Բայց երբ արդեն հասկացաք, թե ինչ եք ուզում, երբ երազանքն արդեն ունեք, երբեք մի արեք այնպիսի բան, որը գոնե 1 միլիմետրով չի մոտեցնում Ձեզ Ձեր երազանքին»:

Կարդալ ավելին

Այս հոդվածի գլխավոր հարցը հետևյալն է. կա երիտասարդ կամ նորաստեղծ ՏՏ ընկերություն, որն ունի նորարարական գաղափար: Ինչպե՞ս նա կարող է այդ գաղափարը դարձնել իրականություն, որտե՞ղ գտնել ֆինանսավորում:

Հայաստանը աչքի է ընկնում իր ինտելեկտուալ ռեսուրսներով: Հայազգի շատ երիտասարդներ հաջողության են հասնում արտասահմանում: Շատերը հաջողության են հասնում նաև Հայաստանում: Մեզ մոտ ստարտափներ ստեղծելու այդ տենդը դեռ չկա, ինչպես կա օրինակ Ռուսաստանում: Բայց համոզված եմ, որ մենք նույնպես այդ ճանապարհի վրա ենք: Իսկ որպեսզի Հայաստանը դառնա ստարտափների երկիր, անհրաժեշտ է գտնել ստարտափների ֆինանսավորում: Մեզ անհրաժեշտ են ներդրողներ: Ներդրողներ կարծում եմ կլինեն, եթե գաղափարը լավն է: Բայց ինչպես մարդը, որն ունի գաղափար, պետք է գտնի այդ ներդրողին: Այդ կարևոր հարցի շուրջ էլ կխոսենք հոդվածի 2-րդ մասում:

Կարդալ ավելին

Հաճախ այս երկու տերմինները` փողը և ֆինանսները,  նույնականացվում են: Մարդկանց գիտակցության մեջ ֆինանսներ հասկացությունը, որպես կանոն, պատկերացվում է որպես կոնկրետ և իրական փողի որոշակի զանգված: Իսկ արդյոք դրանք նույն են, եթե այո, ինչու են նույն երևույթը նկարագրելու համար երկու տարբեր տերմիններ օգտագործում: Փողն իրենով դեռ չի հանդիսանում ֆինանսներ: Փողը հատուկ ապրանք է, որի միջոցով որոշվում և արտահայտվում է բոլոր ապրանքների արժեքը, և տեղի է ունենում դրանց շրջապտույտը: Փողը ֆինանսների ձևավորման առաջին նախապայմանն է: Դրա համար անհրաժեշտ է փողի որոշակի զանգվածի առկայություն: Փողը կազմում է ֆինանսների նյութական բազան:

Կարդալ ավելին

Ես շատ երկար եմ մտածել այս հարցի վրա: Ո՞ր մարդն է համարվում հաջողակ: Այն մարդը, որն ինքն իրեն է համարում հաջողակ, թե այն մարդը, որին հաջողակ են համարում ուրիշները: Որպեսզի հասկանաք հարցի կարևորությունը, պատկերացրեք երկու մարդկանց: Նրանցից մեկը հավաքարար է, իմիջիայլոց` տղամարդ: Նա սիրում է իր աշխատանքը, ունի սիրված ընտանիք, ունի լավ ընկերներ, ազատ ժամանակը կարողանում է վայելել, մի խոսքով.. նա երջանիկ է: Երկրորդը հայտնի երգիչ է: Նրան անընդհատ ցույց են տալիս հեռուստացույցով, նրա ետևից վազում են աղջիկները, նա շրջում է շքեղ մեքենաներով, մի խոսքով.. նա հանրահայտ է: Բայց նա երջանիկ չէ, նա հանգիստ կյանք է ուզում, հոգնել է ուշադրությունից, ամուսնացած չէ, նրան թվում է, որ բոլորն իրեն խաբում են և նա անընդհատ լարված է: Նայեք այս երկու մարդկանց: Նրանցից ո՞րն է Ձեզ համար հաջողակ:

Կարդալ ավելին

Այն ժամանակ, երբ հայտնվեց փողը, հայտնվեցին նաև մարդիկ, որոնք սկսեցին ատել փողը: Բայց չնայած ատելությանը, փողը նրանց պետք էր: Դրա միջոցով էին նրանք սնվում, հագնվում, տուն կառուցում, ապրում: Նրանք աշխատում էին հանուն փողի: Բայց նրանց թվում էր, որ փողը բոլոր չարիքների սկիզբն է: Նրանք տեսնում էին բոլոր այն մարդկանց, ովքեր շատ փող ունեին և վախեցնում էին իրենց երեխաներին. «տես, նրանք չարիք են տարածում»: Եվ երեխաները մեծանում էին այդ հոգեբանությամբ, որ հարուստ մարդիկ վատն են, իսկ փողը չարիք է: Բայց այդ նույն երեխաները մեծանալով, իրենք էլ էին սկսում փող աշխատել, քանի որ հասկանում էին, որ առանց դրա հնարավոր չէ: Մարդկանց համար փողը դարձել էր քննարկման առարկա, գերբնական մի ուժ, որը կարող է ամեն ինչ: Փողից վախենում էին, փողը սիրում էին, փողի մասին մտածում էին: Մարդկանց համար փողը դարձել էր ավելին, քան ուղղակի իրը:

Կարդալ ավելին

Հայկական համացանցում այսօր ընկերությունները հանդես են գալիս հիմնականում երկու տեսակի գովազդով՝ բաններային և կոնտեքստային, բայց քանի որ գերակշռում է բաններայինը, ապա հենց դրա մասին էլ այստեղ կխոսենք:

Բանները դա նկար է կամ շարժանկար, որի վրա ընկերությունը ներկայացնում է իրեն կամ իր առանձին ապրանքներն ու ծառայությունները: Սովորաբար բանները հղվում է ընկերության կայքի վրա: Երբ մարդը մտնում է կայք, որտեղ տեղադրված է բաններային գովազդը, նրա հայացքն ուղղակի անցնում է բանների վրայով: Դա կարող է տևել մի քանի վայրկյան, հետևաբար բանները պետք է լինի այնպիսին, որ այդ մի քանի վայրկյանները բավական լինեն, որպեսզի այն պահի իր վրա այցելուի ուշադրությունը:

Կարդալ ավելին