Կան մարդիկ, որոնց գոյությունը միայն ապացուցում է, որ կյանքում կարելի է հասնել ամեն ինչի
Մտածելը ամենաբարդ գործն է: Դա է պատճառը երևի, որ շատ քչերն են դրանով զբաղվում (Հենրի Ֆորդ): Ինչպես մեքենան է երկար ժամանակ չքշելուց ժանգոտում, այնպես էլ ուղեղն է քիչ մտածելուց հետ վարժվում: Բայց մտածել չի նշանակում մտածել, թե առավոտյան ինչ շոր պետք է հագնել: Եթե ուզում եք, որ ձեր մտածելակերպը զարգանա և ձեր ուղեղը լավ աշխատի, պետք է մտածեք այնպիսի բաների շուրջ, որոնք այս պահին ձեզ շատ դժվար կամ անհնարին են թվում:
16 Հոկ
Ձեզ մոտ ամեն ինչ շատ լավ է լինելու՝ ես համոզված եմ: Դուք անպայման կհասնեք ձեր բոլոր նպատակներին, կյանքը ձեզ կժպտա՝ ուղղակի շարունակեք նույն ձևով և համբերությամբ սպասեք: Դրա համար ժամանակ է պետք: Եթե ուշադիր լինեք, ձեզ մոտ հիմա էլ ամեն ինչ լավ է: Դուք շրջապատված եք սիրելի մարդկանցով, որոնք միշտ ձեր կողքին են: Դուք զբաղվում եք ձեր սիրած գործով և հաճույք եք ստանում դրանից: Ձեզ սիրում և գնահատում են, նույնիսկ, եթե դուք չեք նկատում դա: Դուք ազատ մարդ եք և կարող եք անել այն, ինչ ցանկանաք: Եթե չեք ուզում, այսօր աշխատանքի կամ դասի մի գնացեք՝ դուք ազատ եք: Եթե չեք ուզում տանից դուրս գալ, դուրս մի եկեք՝ դուք ազատ եք: Եթե ուզում եք զբոսնել, դուրս եկեք և զբոսնեք՝ դուք ազատ եք: Մոռացեք բոլոր այն խնդիրների մասին, որոնք հիմա ձեր կյանքում կան: Դուք հեշտությամբ կլուծեք դրանք: Հիշեք ձեզ մի քանի տարի առաջ: Տեսնո՞ւմ եք, թե ինչքան բան է փոխվել վերջին մի քանի տարվա ընթացքում, ինչքան եք դուք աճել: Եվ ամեն ինչ շարունակելու է փոխվել դեպի ավելի լավը:
15 Հոկ
«Մատչելի՛ բնակարան երիտասարդ ընտանիքներին», «բնակարան նորակառույց շենքում», «աննախադե՛պ հիփոթեկային վարկեր» – այս հայտարարությունները չեն կարող անտարբեր թողնել ոչ մեկին: Եվ շատերն այդպես էլ անում են՝ վարկ են վերցնում, տուն են առնում ու մոտակա 10-20 տարիներին «կապում են» իրենց թևերը: Ինչո՞ւ: Որովհետև նրանց ասել են, որ «մարդ պետք է սեփական օջախը ունենա», «եթե պետք է փող տաս, վարձով ապրես, ավելի լավ չէ՞ վարկով տուն առնես, բայց իմանաս, որ վերջում այն քոնն է դառնալու»: Վերջերս մի տեղ կարդացի, որ Միացյալ Նահանգներում մարդկանց մեծ մասը նախընտրում են ոչ թե տուն առնել, այլ վարձով ապրել: Խելացի ամերիկացիները երևի մի բան գիտեն: Այդ դեպքում ինչո՞ւ են մերոնք ձգտում միանգամից տուն առնել՝ դրված էր հարցադրումը:
14 Հոկ
Ես դեմ եմ պատերազմներին: Պատերազմներում չեն կարող հաղթողներ լինել: Պատերազմները` դրանք «հետամնացության» դրսևորում են: Դեռևս հին ժամանակներից, վիկինգները կամ քարե դարի մարդիկ, որոնց մոտ դեռ զարգացած չէր քաղաքակրթության զգացումը, ինչ-որ հարց լուծելու, ուտելիք կամ կին «կիսելու» համար, դիմում էին ամենատարրական տարբերակին` կռվում էին իրար հետ: Այսինքն, նրանք տրվում էին կենդանային բնազդին` «հոշոտում» էին իրար և որ «կենդանին» հաղթեր, նա էլ տիրանում էր «ավարին»: Բայց չէ՞ որ մենք կենդանի չենք: Չէ՞ որ մարդը կոչվում է մարդ, որովհետև նա ունի ուղեղ, գիտակցություն: Այդ ուղեղն ու գիտակցությունը պետք է օգտագործել, որպեսզի ցանկացած հարց լուծել առանց կռվի ու պատերազի:
13 Հոկ
«Այս գիրքը հաջողության և հարստության, իսկ ամենակարևորը` ձեր մասին է: Եթե ուզում եք արդյունավետ հաղորդակցվել մարդկանց` ղեկավարների, ենթակաների, աշխատանքային ընկերների, ամուսնու կամ կնոջ, երեխաների և այլոց հետ, ուրեմն, ուշադիր կարդացեք և հետևեք յուրաքանչյուր մտքի», – այսպես է սկսվում Էմմա Տանանյանի «Հարուստ ու հաջողակ լինելու գաղտնիքները» գրքի առաջին մասը:
«Գրքում ներկայացված են շատ հետաքրքիր գիտական, պատմական փաստեր, գործարար աշխարհի մարդկանց հետ հաղորդակցվելու ճիշտ հմտություններ, ինչպես նաև հայտնի մարդկանց կյանքից ուսանելի պատմություններ, առակներ, աֆորիզմներ: Գիրքը ընթերցելուց հետո դուք արդեն չեք լինի այնպիսին, ինչպիսին կայիք մինչ ընթերցումը: Հավատացեք, որ ընթերցումից հետո դուք կդառնաք ավելի համարձակ, ավելի նախաձեռնող, խելացի ու լավատես, ինչու չէ, նաև մի քիչ ավելի երջանիկ, քան երեկ էիք», – գրում է հեղինակը:
12 Հոկ
Ես իմ վրա շատ եմ զգացել, որ ցանկացած բան, որն ինձ սկզբում անհնար է թվում, անցնում է որոշ ժամանակ և դառնում է իրականություն: Ու երբ ասում եմ անհնար, նկատի ունեմ իրոք անհնար: Այսինքն, ինչ-որ բան եմ անում ու մոտս չի ստացվում: Անընդհատ փորձում եմ, չարչարվում եմ, բայց էլի մոտս չի ստացվում ու արդեն հույսս կորցնում եմ: Մտածում եմ` «սա երևի իմ խելքի բանը չի, ուրիշ բան փորձեմ»: Հետո մտածում եմ` «բայց ինչի՞ իմ խելքի բանը չի, արի մի քիչ էլ փորձեմ»: Ու մեկ էլ գալիս է մի պահ, որ տեսնում եմ` ՍՏԱՑՎԵՑ: Ու դա ինձ ավելի է վստահեցնում, որ անհնար ոչինչ չկա, ուղղակի կան բաներ, որոնք դժվարությամբ են լինում, որոնց վրա պետք է աշխատել, լուծումներ փնտրել և դրանք անպայման կլինեն: Կարևորը` չհիասթափվել, չհանձնվել և շարունակել այնքան, մինչև ստացվի:
12 Հոկ
Բաժնետոմսը դա արժեթուղթ է, որը վկայում է իր սեփականատիրոջ իրավունքը բաժնետոմս թողարկող ընկերության մի մասի նկատմամբ: Օրինակ, եթե դուք ձեռք եք բերել Google ընկերության 30 բաժնետոմս, որը կազմում է ընկերության բոլոր բաժնետոմսերի 0.0001%-ը, ապա դուք հանդիսանում եք Google ընկերության 0.0001%-ի սեփականատերը: Այսինքն, ձեզ են պատկանում Google ընկերության շահույթի, գրասենյակների, գույքի, մի խոսքով, այն ամենի 0.0001%-ը, ինչ Google ընկերությունն ունի:
11 Հոկ
Ես երջանիկ եմ, որովհետև ժամանակ չունեմ մտածելու այն մասին, որ ես երջանիկ չեմ (Բեռնարդ Շոու):
Հիշեք, երջանկությունը կախված չէ նրանից, թե ով եք դուք կամ ինչ ունեք: Այն կախված է միայն նրանից, թե ինչ եք դուք մտածում (Դեյլ Քարնեգի):
Եթե ընկնելով երջանկության հետևից` մի օր դուք գտնեք այն, ապա կտեսնեք, որ ծեր կնոջ պես, որը փնտրում էր իր ակնոցները, այն ամբողջ ժամանակ գտնվում էր ձեր քթի տակ (Բեռնարդ Շոու):
10 Հոկ
Ցանկանո՞ւմ եք իմանալ, թե ինչ արժեն Google ընկերության բաժնետոմսերը: Եթե այո, ապա այս հոդվածը ձեզ համար է: Google-ի օրինակի վրա ցույց կտամ, թե ինչպես կարող եք իմանալ միջազգային շուկաներում վաճառվող ցանկացած ընկերության բաժնետոմսերի գինը և ոչ միայն: Ինչի՞ համար է դա ձեզ պետք: Նրա համար, որ եթե հավատում եք Google-ի հաջողությանը, հավատում եք, որ ընկերությունը շարունակելու է աճել և զարգանալ, ապա մի օր էլ, միգուցե ցանկանաք ձեռք բերել նրա բաժնետոմսերը, դառնալ Google-ի բաժնետեր և հաջողության դեպքում` ընկերության հետ միասին կիսել նրա հաջողությունները: Թե ինչպես կարող եք ձեռք բերել միջազգային ընկերությունների բաժնետոմսեր` կգրեմ հաջորդ հոդվածներում, իսկ այժմ կպատմեմ այն մասին, թե ինչպես կարող եք իմանալ դրանց գինը:
Կարդալ ավելին
08 Հոկ
Հաջողության ամենահաջողված սահմա-նումներից մեկը, որն ես երբևիցե լսել եմ, հետևյալն է՝ հաջողությունը կայանում է նրանում, որպեսզի անել ընդամենը մի քանի ճիշտ բան՝ յուրաքանչյուր օր: Եվ ես դրա հետ լիովին համաձայն եմ: Այստեղ առանցքային պահն է՝ յուրաքանչյուր օր: Պետք է ամեն օր ինչ-որ փոքրիկ քայլ անել, որն ավելի է մոտեցնում ձեզ ձեր նպատակներին: Դրանով, դուք նախ անընդհատ առաջ եք շարժվում, երկրորդը՝ չեք մոռանում ձեր նպատակների մասին և երրորդը՝ չեք պառկում քնելու այն «դատարկ» տրամադրությամբ, որ օրվա ընթացքում ոչ մի կարևոր բան չեք արել:
Հեղինակ` Luka
"Մերսի Գայան ջան, շատ ուրախ եմ, որ դուք նույնպես դա հաստատում եք, որովհետև իմ կյանքում էլ է հաճախ հենց այդպես ..."Հեղինակ` Gayane
"Շատ լավ առակ էր: Լիովին համամիտ եմ, ծանր պահերին, երբ ողջ հույսդ կորցնում ես ու համարում, որ ամեն ինչ կորած ..."Հեղինակ` Վահագն
"Հույս ունեմ կլինի Լուկա ջան, եթե այդքան աշխատանքա տարվում, ուրեմն վստահ եմ, որ հաջողությունն էլ հաստատ կունենա "
17 Հոկ
Մեկնաբանությունները անջատված են