Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

The Secret

2006 թվականին լույս է տեսնում համանուն գրքի հիման վրա նկարահանված “The Secret” վավերագրական ֆիլմը: Առաջին 6 ամսվա ընթացքում վաճառվում են ֆիլմի մի քանի միլիոն օրինակներ: Amazon.com ինտերնետային խանութում ամենաշատ վաճառվող DVD-ների ցուցակում այն զբաղեցնում է 3-րդ տեղը: Իսկ 2006 թվականի նոյեմբերին լույս տեսած համանուն գիրքը արդեն մարտ ամսին աշխարհի լավագույն վաճառվող գրքերի ցուցակում անցնում է “Հարրի Փոթերի” 7-րդ մասից:

ֆիլմում ճանաչված գործարարները, գրողները, փիլիսոփաներն ու կյանքում հաջողությունների հասած այլ մարդիկ, պատմում են այն մասին, թե ինչպես է յուրաքանչյուր մարդ իրեն ձգում այն ամենը, ինչի մասին մտածում է: Ինչ-որ բանի մասին անընդհատ մտածելով, դուք ազդանշաներ եք ուղարկում տիեզերք և այն արձագանքում է ձեզ` ձեր մտքերին համապատասխան:

Բայց կա մեկ խնդիր: Մարդկանց մեծ մասը մտածում է այն մասին, ինչ ՉԻ ՈՒԶՈՒՄ: Եվ հետո նրանք զարմանում են, ինչու՞ է դա տեղի ունենում իրենց հետ կրկին և կրկին: Անկախ նրանից ուզում եք դուք դա, թե ոչ, լավ է դա ձեզ համար, թե վատ, դուք միշտ ստանում եք այն, ինչի մասին մտածում եք: Եվ կարևոր չէ հավատում եք դուք դրան, թե ոչ, դա միևնույն է գործում է: Մի՛շտ: Բոլորի՛ համար:

Պետք չէ զարմանալ, որ աշխարհի 1% մարդկանց ձեռքում գտնվում է բոլոր հարստությունների 96%-ը: Ձեր կարծիքով դա պատահականությու՞ն է: Իհարկե` ոչ: Ուղղակի նրանք գիտեն գաղտնիքը և օգտագործում են այն սեփական նպատակների համար: Սակայն այսօր դրա մասին գիտեք նաև դուք: Ուղղակի պետք է հավատաք դրան և կիրառեք այն ձեր կյանքում:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

14 մեկնաբանություն

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»