Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Մտորումներ

Ինչ է երջանկությունը

Ինձ համար երջանկությունն այն է, երբ անհամբերությամբ ես սպասում ամեն հաջորդ օրվան: Ինչքա՜ն բան կարելի է անել մեկ օրվա ընթացքում: Երջանկությունն այն է, երբ քո միակ կեսը միշտ քեզ հետ է: Իրար հետ եք անցկացնում ամբողջ օրը, իրար հետ եք հանգստանում, աշխատում, ապագա պլանները քննարկում, երազում: Երջանկությունն այն է, երբ անելիքներն այնքան շատ են, որ ժամանակդ չի հերիքում: Երջանկությունն այն է, երբ հաճույք ես ստանում նրանից, ինչով զբաղվում ես: Երջանկությունն այն է, երբ օգնում ես մարդկանց և տեսնում ես նրանց երջանիկ դեմքերը:

Երջանկությունն այն է, երբ հարազատներիդ ու ընկերներիդ մոտ ամեն ինչ լավ է: Երջանկությունն այն է, երբ ուզում ես, որ մնացած մարդկանց մոտ էլ ամեն ինչ լավ լինի: Երջանկությունն այն է, երբ անընդհատ ուզում ես ժպտալ: Երջանկությունն այն է, երբ ժպիտով ես հիշում բոլոր այն մարդկանց, ովքեր քեզ խաբել են: Երջանկությունն այն է, երբ չես մտածում բացասականի մասին: Երջանկությունն այն է, երբ ոչ ոքի չես մեղադրում և ոչնչից չես բողոքում: Երջանկությունն այն է, երբ անընդհատ ձգտում ես աճել և նոր գիտելիքներ ձեռք բերել: Երջանկությունն այն է, երբ ուզում ես այդ գիտելիքները մնացածի հետ էլ կիսել: Երջանկությունն այն է, երբ աշխարհում կան շատ բաներ, որոնք դեռ չեն ստեղծվել: Երջանկությունն այն է, երբ ազատ ես և կարող ես անել այն, ինչ ցանկանաս: Երջանկությունն այն է, երբ գիտես, թե դեպի ուր ես շարժվում: Եվ վերջապես, երջանկությունն այն է, երբ պատրաստ ես երջանիկ լինելու…

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

11 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»