Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Մարդու հնարավորություններն անսահամանափակ են

Մեծ հաջողությունների հասնելու համար շատ կարևոր է հասկանալ և ընդունել, որ մարդու հնարավորություններն անսահմանափակ են: Չկան սահմաններ, չկան արգելքներ, չկան չիրագործվող նպատակներ, չկան չիրականացող երազանքներ: Անկախ նրանից, թե որտեղ եք դուք հիմա գտնվում, ինչ վիճակում եք գտնվում և ինչպես եք ձեր ապագան պատկերացնում, ամեն ինչ կփոխվի այն ժամանակ, երբ հասկանաք, որ ձեր հնարավորություններն անսահմանափակ են: Դուք կարող եք հասնել այն ամենին, ինչի մասին անգամ երազել չէիք կարող: Դա արդեն ապացուցել են այն մարդիկ, որոնք հասել են անհավատալի հաջողությունների: Եվ դա պետք է ապացուցեք նաև դուք: Կյանքը շատ կարճ է սահմանափակումներով ապրելու համար: Հաղթահարեք սահմանափակումները ձեր մտքերում և ձեզ այլևս կանգնեցնել չի լինի: Առա՛ջ դեպի չնվաճված տարածքներ:

Հասկացեք, որ չկա այնպիսի բան, որը դուք չեք կարող: Ցանկության դեպքում դուք կարող եք դառնալ աշխարհահռչակ երգիչ, հայտնի բանաստեղծ, խոշոր ընկերության տնօրեն, երկրի նախագահ կամ հաջողակ գործարար: Կարող եք ապրել այնտեղ, որտեղ ցանկանաք, կարող եք զբաղվել նրանով, ինչով ցանկանաք և կարող եք ունենալ այն, ինչ ցանկանաք: Ինչո՞ւ եմ այսպես վստահ խոսում: Որովհետև հենց ծնված օրվանից դուք ունեք այն, ինչը ձեզ անհրաժեշտ է դրա համար: Հենց ծնված օրվանից դուք ունեք ձեր կյանքի ամենակարևոր գործիքը՝ ՁԵՐ ՍԵՓԱԿԱՆ ՈՒՂԵՂԸ: Եվ ինչպես բոլոր սովորական մարդիկ, դուք էլ այս պահին օգտագործում եք ձեր ուղեղի մոտ 5 տոկոսը միայն: Ընդամենը՝ 5 տոկոսը: Իսկ պատկերացրեք, թե ի՞նչ կլինի, եթե սկսեք օգտագործել ձեր ուղեղի 10, 15, 20 կամ 50 տոկոսը: Իսկ ո՞վ է ասում, որ դա հնարավոր չէ: Ընդամենը աշխատեք այդ ուղղությամբ, քայլեր ձեռնարկեք: Ինչպե՞ս անել դա:

Նախ, ներշնչեք ինքներդ ձեզ, որ չկա այնպիսի բան, որը դուք չեք կարող: Դարձրեք դա սովորություն: Հանեք ձեր բառապաշարից «չեմ կարող», «անհնար է», «չի ստացվի» և նմանատիպ այլ բառերը: Ի՞նչ է նշանակում «չեմ կարող»: Իսկ ինչպե՞ս են ուրիշները կարողանում: Անընդհատ աշխատեք ձեր վրա: Եթե մտքներովդ ինչ-որ բան է անցնում, արեք: Եթե ինչ-որ բան էլ չի ստացվում, ապա դա չի նշանակում, որ չեք կարող: Դա միայն ժամանակավոր է: Ուղղակի համապատասխան գիտելիքներ ձեռք բերեք և փորձեք այնքան ժամանակ, մինչև կստացվի: Ես հավատում եմ, որ ձեզ մոտ ամեն ինչ կստացվի:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

1 մեկնաբանություն

  • Կան գրվածքներ, որոնք կարդալուց կյանքի հանդեպ ատելությամբ ես լցվում: Շնորհակալություն քեզ, հարգելի Luka ջան, որ գրում ես այնպիսի փոստեր, որոնք կարդալուց լցվում ես ճիշտ հակառակով՝ պոզիտիվ էներգիայով ու գործելու վճռականությամբ))))

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»