Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Ովքե՞ր են հասնում հաջողության բիզնեսում

Արդեն մի քանի շաբաթ է ուսումնասիրում եմ Օլեգ Տինկովի բիզնես պորտալը: Ովքեր ծանոթ չեն Օլեգ Տինկովին, մի քանի բառով ներկայացնեմ նրան: Նա Ռուսաստանի ամենահայտնի գործարարներից մեկն է, որի կարողությունը գնահատվում է մի քանի հարյուր միլիոն դոլար: Ամեն ինչի հասել է զրոյից: Սկսել է ուսանողական տարիներին տարբեր ապրանքներ վաճառելով: 1992 թվականին հիմնել է «ՏեխնոՇոկ» էլեկտրոտեխնիկայի և «ՄյուզիքՇոկ» երաժշտական խանութների ցանցը: Ստեղծել է «Դարյա» հայտնի ապրանքանիշը: Ձեռք բերելով գարեջրի մի քանի գործարան` սկսել է սեփական «Տինկոֆֆ» գարեջրի արտադրությունը: Սակայն բոլոր այդ բիզնեսները նա արդեն վաճառել է: 2006 թվականին հիմնել և ներկայումս զարգացնում է «Տինկոֆֆ Կրեդիտային Համակարգեր» բանկը:

Եթե ուզում եք հասկանալ, թե ովքեր են հաջողության հասնում բիզնեսում, անպայման դիտեք կայքում եղած տեսանյութերը: Դրանցում արդեն փորձառու և սկսնակ գործարարները պատմում են այն մասին, թե ինչպես է իրենց մոտ ամեն ինչ սկսվել, ինչ դժվարություններ են եղել, ինչպես են դրանք հաղթահարվել և այլն: Տեսանյութի վերջում գործարարները խորհուրդ են տալիս սկսնակ գործարարներին, որոնք դեռ նոր են պատրաստվում ինչ-որ բան սկսել, թե ինչպես հաջողության հասնել բիզնեսում: Ասեմ, որ այդ խորհուրդները շատ տեղին են, իսկ նյութն ընդհանուր առմամբ` շատ մոտիվացնող: Այնպես որ, եթե ցանկանում եք հաջողության հասնել բիզնեսում, նախ ուսումնասիրեք այն մարդկանց փորձը, որոնք արդեն հասել են դրան:

Իմիջիայլոց, նման նախագիծ շուտով պատրաստվում է իրականացնել նաև Financial Success ընկերությունը` հարցազրույցներ հայ սկսնակ և փորձառու գործարարների հետ, որտեղ նրանք կպատմեն այն մասին, թե ինչպես է իրենց մոտ ամեն ինչ սկսվել և ինչպես են նրանք հասել այն ամենին, ինչին հասել են: Հուսով եմ` դա ձեզ օգտակար կլինի:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Կայքին ծանոթ չեմ, բայց անպայման կուսումնասիրեմ: Համոզված եմ, որ օգտակար և կիրառելի խորհուրդներ այնտեղ անպայման կգտնեմ:
    Գիտե՞ք ինչ եմ նկատել գրեթե բոլոր հաջողակ և մեծահարուստ բիզնեսմենների կենսագրականներում` նրանք սկսել են իրենց գործունեությունը վաճառքներից, իսկ արդեն հասուն տարիքում, նոր անցել են արտադրությանը:

  • Նիկոլայ Զայարնիյի հետ հարցազրույցի այս մասը շատ դուրս եկավ: Հաղորդավարը հարցնում է, թե ինչով պետք է զբաղվեն երիտասարդ գործարարները, որպեսզի հաջողության հասնեն: Հյուրի պատասխանը` “Делать всё что угодно, если это прёт.”

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»