Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Բիզնես և ֆինանսներ

«Լավ» պարտքերի մասին

Այս հոդվածը վերաբերվում է միայն այն մարդկանց, ովքեր ուզում են կյանքում հասնել ֆինանսական լուրջ հաջողությունների կամ պարզապես՝ ցանկանում են դառնալ «ֆինանսապես գրագետ»:

Ընդհանրապես, ես դեմ եմ պարտքերին և ինքս՝ աշխատում եմ երբեք պարտք չվերցնել: Պարտքը մարդուն դարձնում է ավելի անվստահ, «կապում է» նրա թևերը և հաճախ ստիպում է անել այն, ինչը պետք չէր անել: Բայց պարտքի բացասական կողմերի մասին երկար կխոսեմ հաջորդ հոդվածներում, իսկ այժմ, թույլ տվեք պատմել ձեզ պարտքի մի տեսակի մասին, որն ես անվանում եմ «լավ» պարտք:

Ենթադրենք, մի օր ձեր գլխում ինչ-որ լավ միտք է ծնվում: Օրինակ, դուք որոշում եք կայք բացել, որտեղ մարդիկ կարող են օնլայն գիրք գրել: Այդ միտքն անընդհատ պտտվում է ձեր գլխում և ձեզ հանգիստ չի տալիս: Դուք զգում եք, որ «հանճարեղ» ինչ-որ բան եք մտածել և եթե իրականացնեք դա, ապա մեծ հաջողությունների կհասնեք: Բայց դուք գիտեք նաև, որ կայքը զրոյից գրելը բավական մեծ գումար արժե և բացի այդ, դուք պետք է գումարներ ծախսեք կայքը գովազդելու, առաջխաղացնելու և կայքի մարքեթինգով զբաղվելու համար: Եվ այդ ամենն իրականացնելու համար ձեզ անհրաժեշտ է սկզբնական 700 000 դրամ: Բայց դուք չունեք այդ գումարը: Ի՞նչ անել: Կա երկու տարբերակ: Առաջինը: Մոռանալ ամեն ինչի մասին, սպանել «երազանքը», հանձնվել և հետագայում, եթե ինչ-որ մեկն իրականացնի այդ նույն գաղափարն ու մեծ հաջողությունների հասնի, տանջվել, երբ ամեն անգամ ձեր ականջին հասնեն «հաջողակ կայքի» եկամուտների մասին պտտվող լուրերը:

Երկրորդը: Պարտքով վերցնել անհաժեշտ գումարը, ամբողջովին նվիրվել ձեր գաղափարին և սկսել իրականացնել այն: Եվ եթե համոզված եք, որ կայքը մեծ հաջողությունների պետք է հասնի, կվերադարձնեք գումարն այն ժամանակ, երբ դա արդեն տեղի կունենա: Ծայրահեղ դեպքում, եթե նույնիսկ ձեզ մոտ ոչինչ էլ չստացվի, դուք գոնե կիմանաք, որ փորձեցիք, որ մարդկանց մեծ մասի պես միանգամից չհանձնվեցիք և քայլեր ձեռնարկեցիք: Ամեն դեպքում, եթե դուք ապրում եք միջին կենսամակարդակով, ապա կարծում եմ, որ այդ 700 000 դրամը ձեզ համար կրիտիկական չեն և դա անպայման ետ կվերադարձնեք: Իսկ ձեզ կմնան այն անփոխարինելի փորձն ու գիտելիքները, որոնք ձեռք բերեցիք և որոնք, համոզված եմ, հետագայում ձեզ շատ պետք կգան ձեր հաջորդ մտքերն իրականացնելիս:

Միայն այս տիպի պարտքերն եմ ես անվանում «լավ» պարտքեր: Այսինքն, «լավ» պարտքերը դրանք այն պարտքերն են, որոնք կարող են «պոկել» մարդուն իր տեղից, բարելավել նրա կյանքը կամ լուրջ ազդեցություն ունենալ նրա կյանքի վրա:

Մի՛ խուսափեք «լավ» պարտքերից:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»