Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Մտորումներ

Ի՞նչ են երազները

Իմ կարծիքով երազները դրանք ինֆորմացիայի մշակման արդյունք են: Այսինքն, օրվա ընթացքում մարդը հավաքում ու իր ուղեղն է լցնում ահռելի քանակությամբ ինֆորմացիա՝ չնայած դրա մասին կարող է նույնիսկ չգիտակցել: Քնած ժամանակ այդ ինֆորմացիան պետք է մշակվի: Այսինքն, ուղեղի մեջ ինֆորմացիան «վազում է» այստեղից այնտեղ, դասավորվում է, ջնջվում է, տարբեր ինֆորմացիաների հատումներ են տեղի ունենում, արդյունքում էլ՝ մենք ինչ-որ անհասկանալի երազներ ենք տեսնում: Բայց դրանք ընդամենը այն են, ինչ արդեն եղել է նախկինում: Ուղղակի, ինչ-որ տարբեր դրվագներից առանձին կտորներ կպնում են իրար ու ինչ-որ այլ բան է ստացվում: Օրինակ, եթե դուք այսօր հանդիպել եք ձեր հարևանի տղային, որի անունն է Կորյուն և դիտել եք ֆիլմ Արթուր թագավորի մասին, ապա շատ հնարավոր է, որ այսօր երազում դուք տեսնեք ֆիլմ Կորյուն թագավորի մասին:

Այսինքն, այն վարկածին, որ երբեմն մարդը երազում տեսնում է այն, ինչը կատարվելու է ապագայում, ես չեմ հավատում: Իհարկե, ինչ-որ դեպքեր կարող են լինել, բայց դրանք ոչ այլ ինչ են, քան համընկնումներ: Նման դեպքերում մարդիկ ավելի մեծ ուշադրություն են դարձնում մեկ համընկման վրա և բարձրաձայնում են դրա մասին, քան այն տաս հազար «չհամընկնումների», որոնք եղել են նախկինում: Դա բացատրում է նաև մարդու քունը: Այսինքն, դուք մտածե՞լ եք արդյոք, թե ինչու է մարդը քնում: Մենք միշտ ընդունել ենք, որ մարդը քնում է հանգստանալու համար: Բայց իմ կարծիքով քունը նաև նրա համար է, որպեսզի այն հսկայական ինֆորմացիան, որը օրվա ընթացքում մուտք է գործում մարդու ուղեղ բոլոր զգայարանների միջոցով, օրվա վերջում մշակվի և կարգավորվի: Եթե դա լիներ մարդու գիտակից վիճակում, մարդու գլուխը ուղղակի կպտտվեր ու նրան կթվար, որ ինքը գժվում է, երբ այդ բոլոր պատկերները միաժամանակ հայտնվեին նրա առջև:

P.S.
Եթե համեմատենք համակարգչի հետ, ապա մարդու ուղեղը դա կոշտ սկավառակն է, որն անընդհատ լցվում է ինֆորմացիայով և անսահմանափակ չէ: Որոշ ժամանակ անց համակարգիչը սկսում է դանդաղ աշխատել (մարդը հոգնում է) և որպեսզի բերենք այն նորմալ վիճակի, մենք մաքրում ենք ավելորդ բաները և дефрагментация ենք անում (նույնն էլ կատարվում է մարդու ուղեղում քնած ժամանակ):

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

15 մեկնաբանություն

  • Ես գիտեմ այնպիսի մեկին, որի երազները ապագայում կատարվում են: Այսինքն նա չի սպասում որ իր երազը իրականություն է դառնալու և այստեղ, երևի թե, երևակայության գործոնը բացակայում է: Դեպքը կարող է տեղի ունենալ, ինչից հետո ինքը մտաբերում է հենց այդ դրվագն իր երազում…Արդյոք այս տեսակ երազներն էլ են ինֆորմացիայի մշակման արդյունք????

  • Անահիտ ջան իսկ եղելա, որ երազում ինչ-որ բան տեսնի ու դա իրականանա, ոչ թե հակառակը, այսինքն ինչ-որ բան լինի իրականում, նոր նման բան երազում հիշի? ու ոչ թե մի դեպք, այլ մի 5-6 օրինակ, որ համընկնման գործոնը բացառենք… Կամ կոնկրետ օրինակներ կարող ես բերել, որ ավելի հեշտ կողմնորոշվեք, ինչ է տեսել?

  • Գիտեք ոնց??կարող է ուղղակի քայլել փողոցով,տեսնի մեկը գնում է իրենից մի կես մետր հեռավորության վրա ու հիշի որ էդ նույն դրվագը տեսել է երազում…Ինձ հետաքրքիր էր այն,որ տեսնում է իրականում նոր հիշում է երազը, բայց պարզվում է որ հակառան էլ է եղել…կոնկրետ վերևում նշված դեպքը…արթնացել է, հիշել է երազը, բայց իրականում էդ նույնը տեղի է ունեցել մի քանի ամիս հետո: Օրինակներն էլ շատ են…համարյա միշտ տեսնում է էդ կարգի երազներ…

  • Ես կարող եմ բացառել համընկնման գործոնը: Իմ երազնեի մեծ մասը կատարվում են: Կոնկրետ 4 դեպք հստակ հիշում եմ: Ու վստահ կարող եմ ասել` եթե երազում ծաղիկ եք քաղում, ուրեմն կսիրահարվեք: Կամ եթե Ձեր ներկայությամբ քաղում ու նվիրում են` ուրեմն Ձեզ են սիրահարվում: Սա ինձ ապացուցում է այն, որ երազները կատարվում են:

  • Լուկա ջան իսկ ես կարծում եմ, որ մենք չենք կարող մեկնաբանել մեր երազները, քանի որ դրանք բխում են մեր ենթագիտակցությունից: Դրանք կարող են կապված լինել մեր ապագայի հետ կամ էլ` անցյալի, կամ էլ` ներկայի: Լուի Խորխե Բորխեսն ասել է. ” Մենք ինչքան կարող ենք ավազից պարան հյուսել, այնպես էլ կարող ենք մեկնաբանել մեր երազները”: Եվ ես համաձայն եմ այդ մտքի հետ:

    • Ինձ էլ ա թվում մեկնաբանել հնարավոր չէ Զառա ջան, ուղղակի իմ կարծիքն եմ գրել, թե ոնց են դրանք առաջանում:

  • Իհարկե Լուկա ջան, յուրաքանչյուրս էլ իրավունք ունենք հայտնելու մեր կարծիքը: Կարծում եմ` այստեղ չկա ճիշտ և սխալ: Յուրաքանչյուրս էլ կարող ենք լինել ճիշտ:
    Ամեն դեպքում երազը լավ բան է: Ինչ էլ որ այն լինի :Ճ

  • էէէէէէէ հեչ էլ լավ բան չի, ես երազներ հազվադեպ եմ տեսնում, բայց որ տեսնում եմ էլ միշտ նույն բանը, իբր թե երրորդ հարկից ընկնում եմ 🙂

  • 🙂 🙂 🙂 🙂 🙂 🙂 🙂 🙂
    Հա միայն լավը, համենայն դեպս էդ հաստատ երազում Կորյուն թագավորի մասին ֆիլմ դիտելուց որ լավ ա 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»