Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Մարդիկ, որոնք ձեզ օգնել են

Հին հնդկական իմաստությունն ասում է՝ կան 6 տեսակի մարդիկ, որոնք չեն հիշում նրանց, ովքեր իրենց օգնել են՝ աշակերտը ուսուցչին, ամուսնացած տղան մորը, այլևս չսիրող ամուսինը կնոջը, նպատակին հասածը իրեն օգնողին, անտառում մոլորվածը ուղեկցին, հիվանդը բժշկին: Հուսով եմ, որ հնդկական իմաստությունը սխալվում է, քանի որ տխուր է գիտակցել, որ ստանալով այն, ինչին մենք ձգտում են, մենք կարող ենք մոռանալ այն մարդկանց, որոնց շնորհիվ դրան հասել ենք:

Ցանկացած գործում, որում դուք հաջողության եք հասնում, ցանկացած անհաջողությունում, որից դուք խուսափում եք, ինչքան էլ մեծ լինի ձեր դերը, միշտ էլ կան մարդիկ, որոնք ձեզ օգնում են և որոնց շնորհիվ դուք այդ ամենին հասնում եք: Նկատեք այդ մարդկանց և երբե՛ք մի մոռացեք նրանց:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»