Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Ֆիլիպ Կոտլերը Հայաստանում

Պետք չէ շատ աշխատել: Պետք է աշխատել ճիշտ ժամանակին, ճիշտ վայրում (Ֆիլիպ Կոտլեր):

Երևի դուք էլ հանդիպած կլինեք ամենուր փակցված պաստառները կամ տեսած կլինեք հեռուստացույցով կամ էլ լսած կլինեք ընկերներից, որ Հայաստան է գալիս Ֆիլիպ Կոտլերը: Այդ մասին բոլորն անընդհատ խոսում են, լրատվական միջոցներում էլ նշում են, որ նա պատրաստվում է մարքեթինգային դպրոց բացել Հայաստանում: Եթե դա իրոք այդպես լինի, ես շատ կուրախանամ, քանի որ դա կարևոր քայլ կլինի Հայաստանում բիզնեսի զարգացման համար: Մնաց ամենակարևորը: Ո՞վ է Ֆիլիպ Կոտլերը:

Ֆիլիպ Կոտլերը համարվում է դասական մարքեթինգի տեսության հիմնադիրներից մեկը: Նա մինչ այժմ զբաղվում է գիտական աշխատանքով, դասախոսություններ է կարդում և սեմինարներ է անցկացնում աշխարհի տարբեր երկրներում: Նա միջազգային մարքեթինգի պրոֆեսոր է ԱՄՆ-ի Հյուսիս-Արևմտյան Համալսարանում, նրան շնորհված է պատվավոր դոկտորի կոչում Ստոքհոլմի համալսարանում, Ցյուրիխի համալսարանում, Աթենքի տնտեսագիտական դպրոցում, Դեպաուլի (DePaul) համալսարանում և Կրակովի տնտեսագիտական դպրոցում: Պրոֆեսոր Կոտլերը հանդիսանում է 15 գրքերի հեղինակ և համահեղինակ, որոնցից է Marketing Management-ը, որը Financial Times-ի կողմից ճանաչվել է երբևէ գրված 50 լավագույն բիզնես գրքերից մեկը:

Մի խոսքով, Հայաստան է գալիս այսպես ասած մարքեթինգի «հայրիկը»: Եվ այն մարդկանց համար, ովքեր զբաղվում են բիզնեսով կամ աշխատում են մարքեթինգային բաժիններում կամ էլ ուղղակի ուզում են զարգացնել իրենց գիտելիքները մարքեթինգի բնագավառում և ձեռք բերել անփոխարինելի փորձ, սա հիանալի հնարավորություն է: Մանրամասն տեղեկությունների և գներն իմանալու համար կարող եք այցելել հետևյալ կայքը: Եվ վերջում, երկու հետաքրքիր մեջբերում Կոտլերի մարքեթինգային տեսությունից:

Ամենակարևոր հասկացությունը մարքեթինգում՝ դա բրենդն է: Եթե դուք բրենդ չեք, դուք գոյություն չունեք: Այդ դեպքում ի՞նչ եք դուք: Դուք՝ սովորական ապրանք եք:

Տվեք հաճախորդին ընտրության հնարավորություն և նա ձեզ մոտ կթողնի իր բոլոր փողերը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»