Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Աֆորիզմներ

Կյանքի խորհուրդներ Կոնֆուցիից

Նույնիսկ երկու մարդուց կազմված հասարակությունում ես կգտնեմ այն, թե ինչ կարելի է նրանցից սովորել: Նրանց արժանիքները ես կվերցնեմ, իսկ թերությունների վրա կսովորեմ:

Նախկինում ես լսում էի մարդկանց խոսքերը և հավատում էի նրանց գործին: Հիմա ես լսում եմ մարդկանց խոսքերը և նայում եմ նրանց գործին:

Աշխատեք մաքրել ձեր մտքերը: Եթե դուք չունենաք վատ մտքեր, ապա չեք գործի նաև վատ արարքներ:

Ցավալին այն չէ, որ ձեզ խաբել են կամ թալանել: Ցավալին այն է, որ դուք անընդհատ հիշում եք դրա մասին:

Նրան, ով չի մտածում հեռակա դժվարությունների մասին, անխուսափելիորեն սպասում են մոտակա տհաճությունները:

Երբ սխալ ես գործում և չես ուղղում դա, այդ ժամանակ դու ևս մեկ սխալ ես գործում:

Զրուցելիս մարդիկ 3 սխալ են անում: Առաջինը, դա ցանկությունն է խոսել ավելի շուտ, քան պետք է: Երկրորդը, դա ամաչկոտությունն է` չխոսել այն ժամանակ, երբ պետք է: Երրորդը, խոսել` առանց զրուցակցին նայելու:

Մի տխրիր նրա համար, որ քեզ ոչ ոք չի ճանաչում: Ձգտիր լինել մարդ` ում կարող են ճանաչել:

Հնում մարդիկ սովորում էին ինքնազարգացման համար: Այսօր մարդիկ սովորում են իրար զարմացնելու համար:

Ինչպես մենք կիմանանք, թե ինչ է մահը, երբ մենք դեռ չգիտենք, թե ինչ է կյանքը:

Գտեք աշխատանք, որը դուք սիրում եք և կյանքում ոչ մի օր այլևս դուք չեք աշխատի:

Երջանկությունն այն է, երբ քեզ հասկանում են: Մեծ երջանկությունը` երբ քեզ սիրում են: Իսկական երջանկությունը` երբ դու ես սիրում:

P.S.
Կոնֆուցին չինացի իմաստուն է, որն ապրել է մ.թ.ա. 551-479 թվականներին: Նրանից է սկսվում մտքի աննախադեպ ծաղկման ժամանակաշրջանը Չինաստանում, երբ հիմք դրվեց չինական մշակույթին: Նա քարոզում էր մարդկայնություն և բարոյականություն, սեր և գիտելիք: Շրջելով ողջ Չինաստանով՝ նա իր մտքերն ու գիտելիքները, փիլիսոփայությունն ու ուսմունքը փոխանցում էր իր աշակերտներին, որոնք, ասում են, որ նրա կյանքի վերջում արդեն 3000-ն էին: Նրանցից շատերը հետագայում շարունակեցին իրենց ուսուցչի գործը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»