Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Բանկեր

Բանկ: Ընկեր, թե՞ թշնամի:

Միանգամից ասեմ, որ բանկը ոչ ընկեր է, ոչ էլ թշնամի: Բանկը կազմակերպություն է, որի նպատակը` մյուս բոլոր առևտրային կազմակերպությունների պես շահույթ ստանալն է: Իսկ Ձեզ համար բանկը գործիք է: Կկարողանաք այն ճիշտ օգտագործել` կդառնա ընկեր, չեք կարողանա` կդառնա թշնամի: Ուզո՞ւմ եք իմանալ, թե ինչպես է բանկն աշխատում իր միլիոնները: Ամեն ինչ շատ պարզ է: Բանկը մարդկանցից վերցնում է ավանդ ցածր տոկոսներով և տալիս է որպես վարկ` բարձր տոկոսներով:

Իհարկե, բանկերն ունեն նաև մի շարք այլ ծառայություններ, որոնցից շահույթ են ստանում և որոնց օգնությամբ, անհրաժեշտության դեպքում, լցնում են իրենց պահուստային ֆոնդը: Նշեմ դրանցից մի քանիսը.

  • Բանկը շահույթ է ստանում բանկային հաշիվներից` տարեկան սպասարկման վարձերի դիմաց:
  • Բանկը շահույթ է ստանում տարադրամի փոխանակումից: Նա ՀՀ Կենտրոնական Բանկից ձեռք է բերում արտարժույթ ավելի էժան գնով և վաճառում է իր հաճախորդներին ավելի թանկ գնով` աշխատելով տարբերության վրա:
  • Բանկը շահույթ է ստանում փոխանցումներից: Այսինքն, նա Ձեր կարգադրությամբ կատարում է փոխանցումներ դեպի հայաստանյան կամ միջազգային այլ բանկեր և դրա դիմաց ստանում է միջնորդավճարներ:
  • Բանկը շահույթ է ստանում ներդրումային գործունեությունից: Այսինքն, շատ բանկեր հանդիսանում են նաև բրոքերներ: Նրանք Ձեր կարգադրությամբ գնում կամ վաճառում են արժեթղթեր (օրինակ` բաժնետոմսեր) և դրա դիմաց ստանում են միջնորդավճարներ:
  • Բանկը շահույթ է ստանում բանկոմատներից` միջնորդավճարների տեսքով:
  • Բանկը շահույթ է ստանում գրավներից` տոկոսների տեսքով:
  • Բանկը շահույթ է ստանում անհատական պահատեղերի տրամադրումից և այլն:

Ես թվարկեցի բանկային միայն այն ծառայությունները, որոնք այս պահին մտաբերեցի, սակայն իրականում դրանք ավելի շատ են: Բայց հիմնական գործունեությունը, որի շնորհիվ բանկը շահույթ է ստանում, դա վարկերի տրամադրումն է ավանդներից ստացված գումարների հաշվին, այսինքն` դրանց տոկոսային տարբերությունը: Այնպես որ, եթե մի օր լսեք, որ ինչ-որ բանկ սենսացիոն ավանդ է ընդունում` բարձր տոկոսադրույքով, ապա շատ հավանական է, որ բանկի պահուստային ֆոնդը ուղղակի սպառվել է և նա ձգտում է համալրել այն` հետագայում վարկեր տրամադրելու համար:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»