Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողակ մարդիկ

Հայազգի միլիարդատերեր. Դանիլ Խաչատուրով

Հեղինակ՝ Harust Tga

Ըստ ռուսական Forbes ամսագրի՝ մեր այսօրվա հերոսը 2011 թվականի Ռուսաստանի ամենահարուստ հայերից մեկն է: Խոսքը «Ռոսգոսստրախ» ընկերության գլխավոր տնօրեն և համասեփականատեր Դանիլ Խաչատուրովի մասին է: Այս տարի Ռուսաստանի ամենահարուստ հայերի ցանկում նրան զիջում է նույնիսկ մեր նախորդ հոդվածներից մեկի հերոսը՝ Սամվել Կարապետյանը:

Կենսագրությունը: Դանիլը փայլուն ապացույցն է այն բանի, որ մարդը սեփական խելքով կարող է դառնալ միլիարդատեր: Ծնվել է Մոսկվայում, 1971 թվականին: 1994 թվականին ավարտել է Մոսկվայի ինժեներա-շինարարական ինստիտուտը: 2000-2002 թվականներին աշխատել է Միխայիլ Գուցերիևի ենթակայության ներքո «Славнефть» ընկերությունում: 2001 թվականին Դանիլը, իր գործընկերների հետ միասին, պետությունից ձեռք է բերում «Ռոսգոսստրախ» ընկերության բաժնետոմսերի 75%-ը, ինչը և սկիզբ է դնում նրա աննախադեպ հաջողությանը: 2010 թվականին նա գնում է բաժնետոմսերի մնացած 25%-ը:

Կարողությունը: Դանիլ Խաչատուրովի կարողությունը գնահատվում է 1,5 միլիարդ դոլար: Հետաքրքրասերների համար նշեմ, որ նա առաջին տարին չէ, որ միլիարդատեր է և արդեն 6 տարի շարունակ տեղ է զբաղեցնում ռուսական Ֆորբսի ամենահարուստ մարդկանց ցանկում: 2009 թվականին ֆինանսական ճգնաժամի պատճառով նրա գործերը կտրուկ վատանում են (թերևս, ինչպես և բոլորինը ֆինանսական աշխարհում), սակայն հաջորդ տարիներին «Ռոսգոսստրախ»-ը կրկին ամուր ոտքերի վրա է կանգնում:

  • 2011 — 1,5 միլիարդ,  71-րդ տեղը Ռուսաստանում և 833-ը աշխարհում
  • 2010 — 1,2 միլիարդ,  55-րդ տեղը ՌԴ
  • 2009 — 400 միլիոն, 99-րդ տեղը ՌԴ
  • 2008 — 2 միլիարդ, 51-րդ տեղը ՌԴ
  • 2007 — 1,3 միլիարդ, 51-րդ տեղը ՌԴ
  • 2006 — 760 միլիոն, 65-րդ տեղը ՌԴ

Գործունեությունը: Դանիլի սկզբնական կապիտալը ձևավորվում է «Славнефть» ընկերությունում աշխատելիս: Սակայն նավթային բիզնեսը նրան այդքան էլ չէր հետաքրքրում, այդ պատճառով էլ նա որոշում է անցնել ապահովագրության ոլորտ: Որոշումը թեև ռիսկային էր, բայց Դանիլը վստահ էր իր ուժերի վրա և հետագա տարիները դրա վառ ապացույցն էին: 2004 թվականին Դանիլը նշանակվում է «Ռոսգոսստրախ»-ի գլխավոր տնօրեն: «Коммерсант» թերթը ապահովագրություն բաժնի լավագույն ղեկավարների ցանկում երկրորդ տեղը տվել է Դանիլ Խաչատուրովին: Այնպես որ, Դանիլը ռուսական ապահովագրության կնքահայրերից է: Իմիջիայլոց, 2010 թվականին տված հարցազրույցներից մեկում Դանիլը նշել է, որ մոտակա ժամանակներս «Ռոսգոսստրախ»-ը դառնալու է Հայաստանյան ապահովագրական շուկայի առաջատարը:

P.S.
Հաջորդ հոդվածներում մենք կփորձենք շեղվել չոր փաստերից և ավելի մանրամասն կանդրադառնանք Դանիլ Խաչատուրովին և նրա գործունեությանը:

Հեղինակի մասին

Harust Tga

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»