Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Երբեք չհանձնվել

Երիտասարդ տարիքում շատերն են իրենց առջև մեծ նպատակներ դնում, ձգտում են հասնել հաջողությունների և ապրել երջանիկ, սակայն կյանքը ցույց է տվել, որ իրականում նրանցից շատ քչերին է հաջողվում անել դա: Իսկ հիմնական պատճառն այն է, որ նրանք, անցնելով ինչ-որ ճանապարհ, հանդիպելով դժվարությունների, կրելով անհաջողություններ, կորցնում են իրենց մոտիվացիան, հրաժարվում են իրենց նպատակներից և հանձնվում են: Բոլորիս մոտ էլ լինում են օրեր, երբ թվում է, որ նպատակն այնքան հեռու է, որ մենք երբեք չենք հասնի դրան և մենք անընդհատ հարց ենք տալիս մեզ` իսկ իմաստ ո՞ւնի արդյոք շարունակել: Մարդկանց մեծ մասը պատասխանում է` ոչ: Բայց հեշտ է գտնել պատճառ, որի համար կարելի է հանձնվել: Ավելի դժվար է պայքարել նպատակների համար: Հիշեք, եթե դուք նպատակ ունեք, ապա ոչինչ չպետք է կանգնեցնի ձեզ, քանի դեռ դուք չեք հասել դրան:

Բոլոր հաջողակ մարդիկ ժամանակին նույնպես անցել են շատ անհաջողությունների միջով, նրանց բոլորի կյանքում նույնպես եղել են օրեր, երբ նրանք հուսահատվել են, կորցրել մոտիվացիան, բայց… նրանք երբեք չեն հանձնվել այնքան ժամանակ, քանի չեն հասել իրենց նպատակներին: Դուք ոչնչով չեք տարբերվում նրանցից, ուղղակի դուք նույնպես շարունակեք պայքարել ձեր նպատակների համար և մի հանձնվեք այնքան ժամանակ, քանի դեռ չեք հասել դրանց:

Անկախ նրանից, թե ինչ դժվարություններ կլինեն ձեր ճանապարհին, անկախ նրանից, որ դուք շատ անհաջողություններ կունենաք, անկախ նրանից, որ շատերը ձեզ չեն հավատա, անկախ նրանից, որ կլինեն շատ պահեր, որ նպատակն անհասանելի կթվա` ԵՐԲԵՔ, ԵՐԲԵՔ, ԵՐԲԵՔ ՄԻ ՀԱՆՁՆՎԵՔ: Հավատացեք ձեր ուժերին, հավատացեք ձեր նպատակներին և վստահ շարժվեք առաջ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»