Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Շրջապատեք Ձեզ դրական մարդկանցով

Մարդու շրջապատը մեծ ազդեցություն է ունենում նրա կյանքի վրա: Երբ Ձեզ շրջապատում են մարդիկ, որոնք դրական են, կյանքին նայում են վառ գույներով և լավ սպասումներ ունեն ապագայից, ապա դա անդրադառնում է նաև Ձեզ վրա և Դուք նույնպես դառնում եք այդպիսին: Իսկ դա հիանալի բան է, երբ կյանքը տեսնում եք վառ գույներով: Դրա ամեն մի րոպեն, ամեն մի ժամը դառնում է Ձեզ համար մի նոր հնարավորություն և Դուք իսկապես սկսում եք ոչ թե «անցկացնել», այլ վայելել յուրաքանչյուր ժամն ու օրը: Դա աննկարագրելի է: Դրական մարդիկ չեն ստիպում քեզ մտածել վատ բաների մասին, չեն հիշեցնում քեզ, որ շաքարավազը թանկացել է, չեն պատմում այն մասին, որ Եգիպտոսում ավտոբուս է շրջվել և չեն համոզում քեզ, որ բոլոր մարդիկ վատն են, որ ոչ ոքի պետք չէ վստահել և այլն և այլն:

Դրական մարդիկ միանգամից աչքի են ընկնում: Նրանք ուղղակի փայլում են հազարավոր այլ մարդկանց մեջ: Նրանց կողքով անցնելիս մարդը լիցքավորվում է, ուժ է ձեռք բերում: Նրանք բաժանում են իրենց էներգիան ուրիշներին: Դրական մարդկանց սիրում են, նրանց հետ ձգտում են մտերմություն անել, նրանց հետ աշխատում են շատ ժամանակ անցկացնել, նրանք ձգում են այլ մարդկանց: Նրանք չեն «հոգնեցնում» շրջապատին իրենց բողոքներով, գանգատներով և հոռետեսական հայացքներով: Նրանք լույս են սփռում խավարի մեջ:

Դրական մարդիկ կյանքում ավելի մեծ հաջողությունների են հասնում, քանի որ կյանքը տալիս է նրանց այն, ինչ նրանք սպասում են կյանքից: Հասկանում եք, դա շատ պարզ է: Դուք ստանում եք այն, ինչ սպասում եք: Միթե՞ չեք նկատել, որ մարդիկ, որոնք անընդհատ բողոքում են, որոնց մոտ «ամեն ինչ վատ է», որոնք անմիջապես ֆիքսում են բացասականը, չնայած մի քիչ այն կողմ գտնվում է տասնապատիկ անգամ ավելի շատ դրականը, այդպիսի մարդկանց մոտ ոչինչ չի փոխվում: Որքան շատ են նրանք բողոքում, այնքան շատ է նրանց մոտ ամեն ինչ վատանում: Ոչ ոք արժանի չէ վատ ապրելու: Ուղղակի ամեն մարդ ինքն է որոշում, թե ինչպես կապրի: Ինչքան էլ մենք փորձենք այս ամենը տարածել, ինչքան էլ փորձենք հոդվածներ գրել ու ֆիլմեր ցուցադրել, ոչինչ չի փոխվի, եթե Դուք ինքներդ պատրաստ չեք փոխվելու: Այնպես որ, սիրելի ընթերցող, միշտ դրական եղիր, շրջապատիր քեզ դրական մարդկանցով, կյանքին նայիր վառ գույներով և կյանքը կպատասխանի քեզ նույն կերպ:

P.S.
Խնդրում եմ մեկնաբանություններ թողնել այն մարդկանց, որոնց կյանքը փոխվել է, երբ նրանք սկսել են ամեն ինչին դրական նայել: Ձեր մեկնաբանությունները շատ կօգնեն այլ մարդկանց՝ դառնալու Ձեր պես:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

  • Բարև բոլորին)))))))))))))Նախ ասեմ, մշտապես հետևում եմ այս բլոգին))) Այն ինձ շատ է օգնում շատ հարցերի նայել այլ կերպ և շատ բան փոխել իմ մեջ դեպի լավը))))))Ասեմ, որ ես ինքս զգացել եմ` ինչքան բացասականի մասին ես մտածում, այնքան բացասականն ես ձգում դեպի քեզ..))))))Շատ դեպքերում դժվար է կենտրոնանալ միայն դրականի վրա,բայց պետք է հիշել, որ մարդու համար անհնարին ոչինչ չկա)))))))))Ուղղակի պետք է փորձել և հավատալ, որ կստացվի))))))Իմ կարծիքով անիմաստ է մտածել արդեն տեղի ունեցած վատ երևույթի մասին..Այն արդեն անցել է..Ինչու վերհիշել և վերապրել???Ինչ վերաբերում է, այսպես ասած, սպասվելիք բացասականին, պետք չէ կենտրոնանալ դրա վրա…Եթե նույնիսկ այն անխուսափելի է, պետք է այն անտեսել և հիշել, որ այն ևս անցողիկ է և ամեն ինչ լավ կլինի)))))))))Ինքս զգացել եմ ինչքան բան է փոխվում, եթե քեզ չես թունավորում բացասականով…)))))))))Բոլորին մաղթում եմ հաջողություն և միայն դրական լիցքեր)))))) ;-))

  • ES CHEM HAMARUM VOR CANKACAC MARD KAROX E ARAJNORDVEL TVYAL HRAHANGNEROV, U VOCH TE AYN PATCHAROV VOR NA CHI @NDUNUM, AYL PARZAPES KA NAYEV 3 [email protected] MARD PETQ E HARUST LINI VOCH TE MIAYN DRAKAN ENERGIAYOV AYL NAYEV GITELIQNEROV U HAVATOV, ETE DA CHLINI ES CHEM MTACUM, VOR INCH VOR MI BANI HNARAVOR E HASNEL, ENTADRENQ MI MARD APUSHI MEKN E, ETE NA SHBVI DRAKAN ENERGIAYOV MARDKANC HET DZER TESUTYAN HAMADZAYN AYD [email protected] KHASNI SHAT BANERI???? BNAV ES CHEM MTACUM VOR NERQUST DATARK EV VOCH MI SKZBUNQ CHUNECOX APUSHI [email protected] KAROX E HASNEL LAV BANERI ZUT ENERGETIK DRAKAN LICQAVORVAC MARDKANC SHNORHIV, AY URISH BAN ETE DUQ GREYIQ VOR AYS ASHXARHUM MENAK AYN CHE KOCHVUM HARSTUTYUN [email protected] MENQ KAROX ENQ TESNEL KAM SHOSHAPEL, GITEQ KAN MARDIK OVQER APRUM N IRENC AMBOXJ [email protected] EV DARNUM EN <>(AYSINQN [email protected] HASTACNUM EN, EV INCHQAN HNARAVOR E POX EN ET GCUM), CHEN HASKANUM VOR DA CHI [email protected], MARD KAROX E BAN CHUNENAL, BAYC STEXCEL AMEN INCH ZUT IR XELQI SHNORHIV, AYL VOCH TE SRAN NRAN XABELU MIJOCOV. MER AYJMYAN [email protected] ANQAN E ARDEN MXRCHVEL AYS CEXI EV TARTI MEJ VOR NORMAL MTAVOR ZARGACAC KAM @NDHANRAPES ASHXARHIC TEXYAK MASSAN KARELI E HAMAREL MOTAVORAPES 6%. AY IRANC E PETQA ASEL VOR AYS KYANQUM VOCH TE SHAT ENERGETIK MARDKANC SHRJAPATUM LINEN, AYL SOVOREN GNAHATEL AYN [email protected] IRENC SHRJAPATUM E VOCH TE MTACEN AMEN MI @NKERUTYUNIC INCH SHAH UNEN. HEXINAKI GRELAVOCHIC ENTADRUM EM VOR NA GITI TE INCH EN NSHANAKUM NERQIN EV ARTAQIN [email protected] AY MIGUCE DRANC MASIN GREYIQ, VOCH TE BOLORI NMAN SHABLON ASEYIQ TE INCHQAN LAV E LINELU, AYL TAYIQ BOLORIN AYD BANALI, BACATREYIQ TE INCH E PETQ ANEL VOR VOCH TE SHBVEL AYD MARDKANC HET, AYL INQNERT DARNAQ AYDPISSIN, EV AYD JAMANAK [email protected] IRENQ KVAZEN DZER [email protected] HASKANALOV VOR DUQ BNUYTOV KRKNORINAKELI ANDZNAVORUTYUN EQ.

    • Ես ձեզ հետ համաձայն եմ: Շատ ճիշտ եք գրել, ուղղակի կարծում եմ դուք պարզապես հերթականություններն եք շփոթել` գիտելիքը, հավատը, սկզբունքները շատ կարոևոր են, բայց ճիշտ մտածելակերպից հետո, իսկ մտածելակերպ ձևավորելու հարցում մեզ շրջապատող մարդիկ մեծ ազդեցություն են ունենում: Մարդ, եթե ճիշտ մտածելակերպ չունենա, դժվար էլ կարողանա հասկանալ, թե որ գիտելիքներն են կոնկրետ իրեն անհրաժեշտ, եթե ճիշտ մտածելակերպ չունենա, չի էլ հասկանա ինչին է պետք հավատալ կամ ինչին է նա արդեն հավատում, նույնը կարելի է ասել նաև սկզբունքների մասին: Այսօր շատ-շատ են բացասական մտածելակերպ ունեցող մարդիկ և նրանք մեծ ազդեցություն են ունենում իրենց շրջապատի վրա: Ծնողը երեխային սովորեցնում է, որ մուրացկանին փող չտա, որովհետև իր կարծիքով բոլոր մուրացկանները խաբեբաներ են: Արդյունքում երեխայի մոտ ձևավորվում է այն մտածելակերը, որ մարդկանց չարժե օգնել: Մեկը բիզնես է ուզում սկսել, իր շրջապատի վատատեսները ամեն կերպ փորձում են համոզել, որ դա իր մոտ չի հաջողվի: Արդյունքում նա սկսում է իր ուժերին չհավատալ: Մեկը ուզում է ստեղծագործել, բայց իր շրջապատի վատատեսները ջանք չեն խնայում իրեն քննադատելու համար: Ադրյունքում, եթե այդ մարդը հիմարի մեկն է շարունակում է ստեղծագործել, իսկ, եթե խելացի մարդ է այդ քննադատություններից խոցված դադարում է ստեղծագործել: Հիմարների վրա բացասական մարդիկ չեն ազդում, որովհետև նրանք, սովորաբար շատ քիչ են մտածում, իսկ խելացի մարդիկ սիրում են հաշվի նստել շրջապատի կարծիքի հետ: Արդյունքում տուժում են խելաիցները և օգտվում հիմարները, քանի որ խելացի մարդուն միշտ էլ պետք է գոնե մեկ-մեկ դրական լիզքեր ստանալ: Դրանից նա մեծամիտ հիմար չի դառնա, որովհետև խելացիները սովորաբար նաև համեստ են լինում: Ես չեմ կարծում, որ պետք է լինել դրական մտածելակերպով հիմար, այլ պետք է լինել դրական մտածելակերպով խելացի մարդ: Համոզված եմ, որ այս հոդվածը գրված է հենց խելացի մարդկանց համար կամ նրանց ովքեր ձգտում են խելացի դառնալ: Շաբլոնի հետ կապված ասեմ, որ սա ես համարում եմ բանաձև, իսկ բանաձևերը հիմնականում բոլոր տեղերում էլ նույնն են: Եթե բանաձևը այս է, ուրեմն չարժի անիմաստ այն փոխել: Իսկ հեղինակին ուզում եմ շնորհավորել ևս մեկ հոյակապ հոդվածի կապակցությամբ:

  • Բարև ձեզ, ասեմ որ շատ հետաքրքիր նյութ էր, ճիշտն ասած պատահաբար եմ հայտնվել այս բլոգում փնտրում էի Դեյլ Կարնեգինի աշխատություններից և բերեց այս բլոգը, հետաքրքրված սկսեցի կարդալ ու ասեմ որ շատ հաջողված նյութեր ունեք, ինչ որ գրված էր դա ճիշտ է և ոչինչ այդքան չի կարող մեր մեջ ինչ որ բան փոխել ինչքան որ մենք ու մեր դրական մտքերը, կյանքը հիանալի է երբ հիանալի աչքերով ես նայում նրան և պետք չէ հուսահատվել եթե ինչ որ բան չի ստացվում միշտ էլ պետք է փորձել անգամի վատի մեջ լավը տեսնել, ես ինքս էլ երբեմն հուսահատվում եմ բայց հենց այդ ժամանակ սկսում եմ կարդալ դրական բաներ ու իմ մեջ նորից բարձրանում է ապրելու ու լավ ապագայի հույսը, իսկապես այս նյութերը ոգեշնչող են և շնորհակալություն նյութի հեղինակներին.

  • Բարև… ես սկսել եմ դրական նայել կյանքին ուսանողության հենց առաջին տարիներից ,, ստացվում է արդեն վեց տարի է, այպես ասած զբաղվում եմ դրանով: Նկատել եմ մի բան, երբ մարդուն դրական ես վերաբերում, ստանում ես նույնը և տարբերություն չունի ով է դիմացինդ կամ քանի տարեկան է: Իսկ այ, երբ դիմացինդ չար է լինում, նա սկսում է քեզ ատել, որովհետև չի կարող դրականին դրականով պատասխանել, իսկ կեղծել ու թաքցնել չարը ևս չի կարող: Ես ամեն վայրում ունեմ շատ ընկերներ, բայց միշտ գտնվում է գոնե մի չար մարդ: Այնքան հետաքրքիր է շփվել նրանց հետ… խորհուրդ եմ տալիս բարի մարդիկ, խոսացեք չարերի հետ… Շատ զվարչալի են… տանել չեն կարողանում մեր նմաններին…:D

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»