Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Մայր Թերեզայի պատվիրանները

Մարդիկ լինում են անհասկացող, ժլատ և եսասեր: Միևնույն է՝ ներեք նրանց:

Եթե դուք բարություն եք արել, մարդիկ մեղադրելու են ձեզ անձնական դրդումների մեջ: Միևնույն է՝ բարություն արեք:

Եթե դուք հաջողության եք հասել, ձեր շրջապատում հայտնվելու են բազմաթիվ կեղծ ընկերներ և թշնամիներ: Միևնույն է՝ հաջողության հասեք:

Եթե դուք բաց եք և անկեղծ, ապա մարդիկ խաբելու են ձեզ: Միևնույն է՝ մնացեք բաց և անկեղծ:

Այն, ինչ դուք կառուցում եք տարիների ընթացքում, կարող է քանդվել մեկ ակնթարթում: Միևնույն է՝ շարունակեք կառուցել:

Եթե դուք կատարյալ երջանիկ եք, ապա ձեզ նախանձելու են: Միևնույն է՝ երջանիկ եղեք:

Բարությունը, որ դուք անում եք այսօր, վաղը մարդիկ մոռանալու են: Միևնույն է՝ բարություն արեք:

Կիսեք մարդկանց հետ այն ամենալավը, որ դուք ունեք: Չնայած նրան, որ դա երբեք բավարար չի լինի՝ միևնույն է՝ կիսեք մարդկանց հետ այն ամենալավը, որ դուք ունեք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»