Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հետաքրքիր է

Coca-Cola-ի ամանորյա հրաշքը

Շատերի մոտ ամանորը սկսվում է հենց այն ժամանակ, երբ հեռուստաէկրաններին է հայտնվում Coca-Cola-ի ամանորյա հայտնի գովազդը` Holidays Are Coming կամ հայկական տարբերակով` «Տոներն են մոտենում»:

Coca-Cola-ի շիշը ձեռքում Սանտա Կլաուսի հայտնի կերպարը ստեղծել է ամերիկացի նկարիչ Հելդոն Սանդբլոմը հեռավոր 1931 թվականին և 2011-ին այն տոնում է իր 80-ամյակը: Բարի Սանտան, որը եղջերուների կախարդական զանգակների ձայնի ներքո` ճանապարհորդում է իր կառքով, ծխնելույզների միջով մտնում է երեխաների տները և նվերներ բաժանում նրանց, կարծում եմ` տոնական օրերին շատերի մոտ է վառ զգացողություններ արթնացնում:

Իսկ դուք գիտեի՞ք, որ նախկինում, Սանտա Կլաուսի կոստյումի ավանդական գույնը եղել է կանաչը: Հին Սանտան մարդկանց ներկայանում էր ամենատարբեր կերպարանքներով` սկսած կարճահասակ մարդուկից մինչև հսկա թզուկ: Եվ չնայած նրան, որ 1886 թվականին նրան մեկ անգամ արդեն փորձել էին պատկերել կարմիր կոստյումով, բայց հենց Հենդլերի ամանորյա նկարների շնորհիվ է Սանտան փոխում իր արտաքին տեսքը և դառնում կարմիր կոստյումով, մեծ փորով և սպիտակ մորուքով մեզ ծանոթ Սանտան: Հետաքրքիրն այն է, որ ժամանակակից Սանտա Կլաուսի առաջին նախատիպը հանդիսանում է ոմն Լու Պետինսեն` թոշակառու վաճառող և Սանդբլոմի ընկերը: Ըստ նկարչի` նա լիովին համապատասխանում էր Սանտայի կերպարին` իսկական բարի մարդ, աչքերի շուրջ խորը կնճիռներով, որը նրան կատարյալ երջանիկ մարդու տեսք էր տալիս:

Սանտա Կլաուս

Սանտա Կլաուսի մասնակցությամբ Coca-Cola-ի առաջին գովազդը հայտնվում է 1931 թվականին «Saturday Evening Post» ամսագրի համարներից մեկում: Սանտայի կերպարը դառնում է գովազդի պատմության մեջ ամենաէժան և ամենաարդյունավետ ֆոտոմոդելը: Հաջորդ երեք տասնամյակների ընթացքում, ինչպես հարիր է իսկական ֆոտոմոդելին, նա բազմիցս փոխում է իր արտաքին տեսքը և դրա հետ մեկտեղ` այն իրավիճակներն ու միջավայրը, որտեղ նա հայտնվում էր:

1990-ականների սկզբներին լույս է տեսնում Coca-Cola-ի ամանորյա գեղեցիկ հեքիաթն այն մասին, թե ինչպես են լույսերով զարդարված կարմիր բեռնատարները Holidays Are Coming («Տոներն են մոտենում») երգի ներքո, շրջում ողջ քաղաքով և Coca-Cola-ի շշեր բաժանում երեխաներին` պարգևելով նրանց երջանիկ ժպիտներ: Ամանորյա այդ գեղեցիկ գովազդը տարեցտարի հեռարձակվում է աշխարհի տարբեր երկրներում և ինչ-որ չափով հեքիաթն իրականություն է դառնում: Coca-Cola-ի մեքենաներն ամեն տարի, տոնական օրերին շրջում են տարբեր երկրներով և ուրախություն պարգևում հազարավոր մարդկանց: Օրինակ, Մեծ Բրիտանիայում այդ արշավը տևում է մի քանի շաբաթ, որի ընթացքում մեքենաները շրջում են տարբեր քաղաքներով և սուպերմարկետներով: Իմիջիայլոց, այդ հրաշքին կարող եք ականատես լինել նաև Հայաստանում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»