Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Դրեք ձեր առջև մեծ նպատակներ

Ի՞նչ է հաջողությունը: Ասում են, որ հաջողությունն այն է, երբ մարդն իր առջև նպատակ է դնում, հասնում է դրան և դրանից հաճույք է ստանում: Այսինքն, նախ պետք է լինի նպատակ: Ես դեռ չգիտեմ մարդկանց, որոնք չունեն նպատակներ, բայց նրանց կարելի է հաջողակ անվանել: Հետո, ինչպե՞ս կարող է մարդը նպատակ չունենալ: Բոլորն էլ ինչ-որ բան ուզում են: Մեկն ուզում է հարուստ ապրել, մյուսն ուզում է աշխատանքային կարիերայում առաջ գնալ, երրորդն ուզում է հաջող ամուսնանալ, մյուսն էլ ուզում է իր կուռքի հետ հանդիպել… մի խոսքով՝ նպատակներ բոլորն էլ ունեն: Իսկ ի՞նչ «բարձրության» նպատակներ են դրանք: Այսինքն, նպատակներ են, որոնք ձեզ այս պահին անհասանելի են թվում, թե նպատակներ են, որոնք ձեր ուժերի սահմաններում են և ուշ, թե շուտ դուք դրանց կհասնեք:

Ինչպես ասեցի, նպատակին հասնելուց մարդը պետք է հաճույք ստանա: Իսկ ձեր կարծիքով, երբ է մարդն ավելի մեծ հաճույք ստանում՝ երբ բարձր քարից ցատկում է գետնին, թե օդապարիկով ժայռից նետվում է ցած: Իհարկե՝ երկրորդ դեպքում, քանի որ այդ դեպքում ավելի բարձր է, ավելի ռիսկային: Այդպիսի բարձրությունից առաջին անգամ ցած նետվելիս մարդը մեծ վախ է ապրում, բայց երբ նա վայրէջք է կատարում, նա իրեն ավելի վստահ է զգում, ավելի ուժեղ, իսկ ողջ թռիչքի ընթացքում նա մեծ հաճույք է ստանում: «Վերցնելով» այդ բարձրությունը՝ նա կարող է մտածել այլ, ավելի մեծ բարձրությունների մասին: Իսկ ինչո՞վ կարող է «հպարտանալ» մարդը, որն ուղղակի քարից ցատկել է ցած: Ոչնչով, քանի որ բոլորն են կարողանում քարից ցատկել ցած:

Եթե դուք ուզում եք դառնալ իրոք հաջողակ մարդ, եթե ուզում եք դառնալ մարդ, որն ինչ-որ բան է փոխում աշխարհում, ապա դուք ոչ թե պետք է ունենաք նպատակ, այլ պետք է ունենաք ՄԵԾ նպատակ: Նպատակ, որը ձեզ կվախեցնի, որը ձեզ կստիպի դուրս գալ ձեր հարմարավետության գոտուց: Նպատակ, որին չեն կարող հասնել բոլորը, որովհետև դա հեշտ չէ: Նպատակ, որին հասնելուց և «վայրէջք կատարելուց» հետո դուք կդառնաք ավելի վստահ ու երջանիկ մարդ: Հիշեք, մեծ նպատակներն ավելի ռիսկային են և ավելի վախեցնող, բայց դրանք բերում են ավելի մեծ արդյունքների: Դրեք ձեր առջև ՄԵԾ նպատակներ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»