Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հետաքրքիր է

Փախուստ բանտից

Ովքեր դիտել են «Փախուստ բանտից» սերիալը, կարծում եմ երկար ժամանակ են մնացել դրա տպավորության տակ: Հիշում եմ՝ նոր էի վերադարձել ծառայությունից և իմացա, որ նման սերիալ կա: Սկսեցի նայել առաջին սերիան և այլևս չէի կարողանում կտրվել: Նույնիսկ մի քանի գիշեր չքնեցի՝ մինչև այն վերջացրեցի: Իսկ սերիալը մարդկային ազատության, սեփական ուժերի հանդեպ հավատի, երևակայության և նվիրվածության մասին է: Այն սովորեցնում է, որ նույնիսկ անելանելի թվացող իրավիճակներից միշտ էլ ելք կա: Ուղղակի անհրաժեշտ է չհուսահատվել և գործել:

Ովքեր չեն դիտել սերիալը, մի քանի բառով ներկայացնեմ: Այն երկու եղբայրների մասին է, որոնցից մեկին դատապարտում են մահապատժի հանցագործության համար, որը նա չի կատարել: Նրան ուղարկում են բանտ, որտեղ նա պետք է անցկացնի մահապատժին նախորդող մի քանի ամիսները: Իմիջիայլոց, հանցագործությունը, որը նա չի կատարել, ոչ այլ ինչ է, քան ԱՄՆ փոխնախագահի եղբոր սպանություն: Այսինքն, նրա դեմ են բոլորը՝ պետությունը, գաղտնի ծառայությունները, բանտի աշխատակազմը և հասարակությունը:

Բայց դա այդքան էլ չի անհանգստացնում նրա փոքր եղբորը՝ Մայքլին, որը վստահ է իր ուժերին և ունի պլան: Նա որոշում է ազատել և արդարացնել եղբորը: Նա բանկի կողոպուտի մտածված փորձ է կատարում և անում է այնպես, որպեսզի հայտնվի եղբոր հետ նույն բանտում: Եվ դա նրա մոտ ստացվում է: Դա պլանի միայն առաջին մասն էր: Իսկ փախուստի և հետագա քայլերի ողջ սխեման նա «պահում» է իր վրա՝ դաջվածքների տեսքով: Սակայն բանտի կյանքը ինչպես գիտեք հեշտ չէ: Եվ այդտեղ էլ սկսվում է իսկական պայքարը կյանքի և ազատության համար: Բայց մարդկային հնարամտությունն ու երևակայությունը անսահման են և նպատակի հանդեպ հավատը լրացուցիչ ուժ է տալիս: Իսկ թե ինչպես է ավարտվում ֆիլմը, ես չեմ պատմի, ուղղակի խորհուրդ կտամ դիտել:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»