Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հետաքրքիր է

ԱՄՆ զարմանալի օրենքները

Այս հոդվածում մի քիչ «կհանգստանանք» հաջողության, ինքնազարգացման և բիզնեսի թեմաներից և կներկայացնենք մի թեթև նյութ, որը համոզված եմ, շատերին կհետաքրքրի:

Այսօր Միացյալ Նահանգներում գործում են օրենքներ ոչ միայն երկրի, այլ նաև նահանգների և քաղաքների մասշտաբով: Կարծում եմ, շատերդ լսած կլինեք, թե ինչ ծիծաղելի օրենքներ կան այդ երկրում, բայց նման օրենքները չեն ստեղծվել հենց այնպես, դրանք նույնպես ունեցել են լուրջ պատճառներ:

Օրինակ, Վաշինգտոն նահանգում մարդիկ, որոնք եկել են նահանգ հանցագործություն կատարելու համար, պետք է նախօրոք զանգահարեն ոստիկանություն և զգուշացնեն այդ մասին: Օրենքը ընդունվել է միանգամայն լուրջ նպատակներով, որպեսզի կրճատի հանցագործությունների թիվը նահանգում: Այլ երկրների և նահանգների բնակիչները, որոնք հանցագործություն են կատարում Վաշինգտոն նահանգում, լրացուցիչ մեղադրվում են նաև այս օրենքի խախտման համար:

Ֆլորիդա նահանգում բոլոր շենքերի դռները պետք է բացվեն միայն դուրս: Պատճառն այն է, որ հրդեհի դեպքում մարդկանց ավելի հեշտ կլինի վազել դուրս:

Արևմտյան Վիրջինիայում աշակերտները չեն կարող դպրոց գնալ, եթե նրանց վրայից սոխի հոտ է գալիս: Պատճառն այն է, որ նահանգում աճում է վայրի սոխի յուրահատուկ տեսակ, որն ունի չափազանց ուժեղ հոտ: Այդ հոտը չի անցնում նույնիսկ սննդի մեջ այն օգտագործելուց մի քանի օր անց:

Բոուլդեր քաղաքում արգելվում է դնել բազմոցը տան շքամուտքում: Պատճառն այն է, որ քաղաքն ունի մեծ և շատ ուրախ համալսարան: 2003 թվականին US News & World Report ամսագիրն այդ կրթական օջախն անվանել է լավագույն վայրը զվարճանքների սիրահարների համար: Ուսանողները սիրում են նշել համալսարանական մարզիկների հաղթանակները փողոցում խարույկներ վառելով, ինչը հաճախ հանգեցնում է հրդեհների: Իսկ բազմոցներն այդ դեպքում կատարյալ վառելիք են հանդիսանում:

Տեխաս նահանգում տղամարդկանց արգելված է իրենց հետ աքցան (кусачки) կրել: Պատճառն այն է, որ Վայրի արևմուտքի ժամանակներում գողերը կարողանում էին անասուններ գողանալ՝ կտրելով պաշտպանիչ փշալարերը աքցանով: Այդպիսի գողություններն այնքան հաճախակի էին դարձել, որ վերջ ի վերջո որոշում ընդունվեց ընդհանրապես արգելել աքցանները:

Այնպես որ, ամեն ինչ ունի իր պատճառը և ամերիկացիներն այդքան անխելք չեն, որպեսզի օրենքներ ստեղծեն միայն զվարճանքի համար: Ուղղակի շատ հաճախ, ինչպես շատ այլ դեպքերում, մենք տեղյակ չենք լինում այդ պատճառների մասին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»