Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Մարքեթինգ

Գովազդի հայրերը. Դեյվիդ Օգիլվի

Դեյվիդ Օգիլվին գովազդային ոլորտի ամենահայտնի մարդկանցից մեկն է: 1962 թվականին «Time»-ը բնութագրում է նրան որպես «ամենահայտնի հրաշագործը ժամանակակից գովազդի ոլորտում»: «French Magazine» ամսագիրը դասել է նրան Համաշխարհային արդյունաբերական հեղաշրջման գործում ամենամեծ ներդրումն ունեցած այնպիսի «հսկաների» շարքում, ինչպիսիք են Ադամ Սմիթը, Թոմաս Էդիսոնը, Կառլ Մարքսը, Ջ.Ռոկֆելեր-ավագը և այլն:

Ծնվել է Անգլիայում 1911թ.-ին (մահացել է 1999թ.-ին), բայց իր հեղինակությունը ձեռք է բերել Ամերիկայում: Իր ընկերության մասնաճյուղերը բացել է ավելի քան 30 երկրներում: Դեռևս կենդանության օրոք նրան հաջողվել է փառք ու պատվի արժանանալ և անձամբ համոզվել իր ստեղծագործ սկզբունքների ճշմարտացիության մեջ:

Հոդվածի 2-րդ մասում ներկայացնում ենք Դեյվիդ Օգիլվիի մեջբերումներից մի քանիսը, որոնցից մենք բոլորս կարող ենք շատ բան սովորել:

  • Գնորդը հիմար չէ — դա քո կինն է:
  • Գովազդը կարող է համոզել մարդուն գնել անորակ ապրանք, բայց միայն մեկ անգամ:
  • Եթե խոսում են գովազդի մասին, դա վատ գովազդ է: Եթե խոսում են ապրանքի մասին, դա լավ գովազդ է:
  • Մեծ գաղափարները — սովորաբար պարզ գաղափարներն են:
  • Որքան բարձր է գինը, այնքան ավելի ցանկալի է դառնում ապրանքը գնորդի աչքերում:
  • Գովազդի նպատակը մարդկանց զվարճացնելը չէ, այլ նրանց ապրանք վաճառելը:
  • Երբեք մի ստեղծեք այնպիսի գովազդ, որը դուք չէիք ցանկանա, որ տեսնեին ձեր ընտանիքի անդամները: Դուք երբեք չէիք խաբի ձեր կնոջը: Մի խաբեք նաև իմ կնոջը:
  • Արդյունավետ գովազդում ներդրված մեկ միլիոնն ավելի շատ է վաճառում, քան անարդյունավետ գովազդում ներդրված տաս միլիոնը:
  • Հաճախորդը ստանում է այն գովազդը, որին նա արժանի է:
  • Դուք չեք կարող ստիպել մարդկանց գնել ձեր ապրանք — դուք կարող եք միայն հետաքրքրություն առաջացնել նրանց մոտ գնելու այդ ապրանքը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

10 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»