Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Երբեմն պետք է ոչ ոքի չլսել

«Եթե ես հարցնեի մարդկանց, թե ինչ են նրանք ուզում, ապա նրանք մինչև հիմա ման կգային սայլակներով», — մի անգամ ասել է Հենրի Ֆորդը:

Եվ դա ուղղակի խոսքեր չէին: Որքան էին փորձում համոզել Ֆորդի ինժեներները նրան, որ այն, ինչ նա ուզում է, անհնար է: Բայց անցան տարիներ և Ֆորդի առաջին մեքենան դուրս եկավ գործարանից:

Երբեմն գալիս են պահեր, երբ պետք չէ ոչ ոքի լսել: Եթե դուք ինչ-որ բանում համոզված եք, եթե ձեր սիրտը թելադրում է դա և դուք վստահ եք, որ ձեզ մոտ ամեն ինչ կստացվի՝ դեմ գնացեք բոլորին: Հիշո՞ւմ եք Կրիս Գարդների մասին պատմող «Երջանկության փնտրումներ» ֆիլմի այն հատվածը, երբ հայրը տղային խորհուրդ է տալիս՝ «մարդիկ, որոնց մոտ ինչ-որ բան չի ստացվում, փորձելու են ապացուցել քեզ, որ քո մոտ էլ ոչինչ չի ստացվի: Մի՛ լսիր նրանց: Եթե երազանք ունես, եթե հավատում ես դրան, գնա՛ մինչև վերջ»:

Այո, երբեմն պետք է ոչ ոքի չլսել: Եթե մարդիկ ձեզ չեն հավատում կամ չեն հասկանում, արեք այն, ինչ պատրաստվում էիք անել և երբ մարդիկ արդյունքը տեսնեն, դա կլինի լավագույն պատասխանը նրանց հորդորներին: Հաճախ հասարակությունը կամ դրա մի զանգված, փորձում է վրադ ճնշում գործադրել: Ոչ թե փորձում է գիտակցաբար, այլ դա ստացվում է ինքնստինքյան՝ միանման համոզմունքների և մտածելակերպի շնորհիվ: Եթե շատ մարդ նույն բանն է ասում, ապա դժվար է դրան դեմ գնալ, նույնիսկ եթե դուք վստահ եք և գիտեք, թե ինչ եք անում: Ամեն դեպքում՝ մի հանձնվեք, որքան էլ որ մարդիկ պնդեն դա: Երբեմն մարդկային զանգվածը ընդունակ է սպանել գաղափարներ, նորարարություններ, երազանքներ և դրա համար նրանք հատուկ ջանք չեն գործադրում: Դա այնպես աննկատ է կատարվում, որ դուք չեք էլ հասցնում հասկանալ՝ այս ի՞նչ կատարվեց, և հետո զարմանում եք՝ այս ինչպե՞ս եղավ, որ ես ետ կանգնեցի, ինչո՞ւ ես փոշմանեցի:

Ամեն դեպքում, հիշեք, եթե վստահ եք և 100%-ով գիտեք, թե ինչ եք անում, եթե ձեր սիրտն է դա ձեզ թելադրում և ոգևորությունն այնքան մեծ է, որ սիրտը սկսում է արագ խփել, ապա ոչ ոքի էլ մի լսեք, արեք այն, ինչ պատրաստվում եք անել:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Ինձ շատ դուր եկավ ֆիլմից մեջբերված հատվածը: Ափսոս, որ դեռևս չեմ դիտել այն: Եթե շատերը փորձում են համոզել, որ անհնար է հասնել մեծ նպատակներին, ապա մյուսները ( աշխարհի ամենահաջողակ մարդիկ) հակառակն են ապացուցում: Հաջողակ մարդկանց շարքերը գրավելու համար անհրաժեշտ է հավատալ և գործել նրանց նման: Պետք է գործել նույնիսկ այն դեպքում, երբ համոզված չես, որ ամեն ինչ հաջող կստացվի: Քանզի պարզ է, որ հաջողությունը ( ինչպես կյանքում առհասարակ ամեն ինչ) հեշտ չի տրվում: Մեծ նպատակների համար պետք է մեծ ջանքեր թափել և ոչ մի դեպքում չհանձնվել:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»