Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Աֆորիզմներ

Աֆորիզմներ սիրո և մարդկանց մասին

Հեղինակ՝ .Marine.

Սերը գոյության սկիզբն ու վերջն է: Առանց սիրո կյանք չկա: Այդ իսկ պատճառով սերն այն է, ինչի առջև խոնարհվում են իմաստուն մարդիկ (Կոնֆուցի):

Կանայք ստեղծված են նրա համար, որպեսզի նրանց սիրեն, այլ ոչ թե նրա համար, որպեսզի նրանց հասկանան (Օսկար Ուայլդ):

Նրանք, ովքեր սիրում են, կամ ոչ մի կասկած չունեն, կամ էլ կասկածում են ամեն ինչում (Բալզակ):

Ոչ մի բան մի սկսիր զայրույթի պահին: Հիմար է նա, ով փոթորկի ժամանակ նավ է նստում (Հաուգ):  

Որքան խելացի է մարդը, այնքան շատ է նա գտնում յուրահատուկ մարդկանց: Միջակ անհատները տարբերություն չեն տեսնում մարդկանց միջև (Բ. Պասկալ):

Գիտելիքները մարդուն կշիռ են տալիս, իսկ արարքները` փայլ: Սակայն մարդկանց մեծ մասը կարողանում են միայն փայլել, բայց ոչ կշռադատել (Կարլեյկ):

Սիրել` ասել է լինել ամբողջապես հափշտակություն, ամբողջապես կիրք, ամբողջ` ցանկություն, ամբողջ` պաշտողություն, հարգանք, ակնածություն, ամբողջ` խոնարհություն, ամբողջ` համբերություն և անհամբերություն, ամբողջ` ՍՐԲՈՒԹՅՈՒՆ: Սիրել` ասել է լինել ամբողջապես արցունք ու հառաչ (Շեքսպիր):

Յուրաքանչյուր ոք սիրված լինելու պահանջ է զգում: Դա բարձրացնում է նրան սեփական աչքերում: Բայց մարդկանց հարկավոր է սիրել տարբեր կերպ` մեկին անսահման ներողամտությամբ, մյուսին` չթուլացող խստությամբ (Ժ. Սանդ):

Ոչ ոք արժանի չէ քո արցունքներին, իսկ նրանք, ովքեր արժանի են, երբեք չեն ստիպի քեզ լաց լինել (Գաբրիել Գարսիա Մարկես):

Բնավորության հաստատակամությունը ստիպում է մարդկանց դիմակայել սիրուն, բայց միևնույն ժամանակ նա հաղորդում է այդ զգացմունքին հմայք ու երկարատևություն: Թույլ մարդիկ, ընդհակառակը, հեշտությամբ են տեղի տալիս կրքերին, բայց երբեք, ինչպես հարկն է, լի չեն դրանցով (Լառոշֆուկո):

Հեղինակի մասին

.Marine.

12 մեկնաբանություն

  • Պարադոքս… Ինչքան ավելի քիչ եմ համաձայնվում Օսկար Ոայլդի մտքերի հետ, այնքան ավելի շատ եմ սիրում այդ գրողին: Շնորհակալություն հետաքրքիր աֆորիզմների համար:

  • Մերսի Geneross ջան, բայց ինձ թվում է մենակ աֆորիզմենրը հերիք չեն Օսկար Ուայլդ հասկանալու համար, պետք է ստեղծագործությունները կարդալ ամբողջապես` Դորիան Գրեյի դիմանկարը, երկերը, պատմվածքները, հեքիաթները:
    Համաձայն եմ հասկանալ է պետք, ընդ որում ոչ թե տառացիորեն , այլ ենթատեքստերով:
    Մի քանիսն էլ ես ավելացնեմ Օսկար Ուայլդից.
    Մարդկությունը իր դերը չափազանցնում է.դա նրա նախածին մեղքն է:
    Ես սիրում եմ ապագա ունեցող տղամարդկանց և անցյալ ունեցող կանանց:
    Քմահաճույքի և հարատև սիրո միակ տարբերությունն այն է, որ քմահաճույքը փոքր-ինչ ավելի երկար է տևում: ( 🙂 )
    Ինքնախարազանման մեջ յուրահատուկ հեշտասիրություն կա.երբ մենք ինքներս մեզ ենք մեղադրում,զգում ենք , որ այլևս ոչ ոք իրավունք չունի դա անելու:
    Սիրահարվածությունը սկսվում է նրանից, որ մարդ խաբում է ինքն իրեն, իսկ վերջանում է նրանով, որ նա խաբում է ուրիշին. հենց դա է սիրավեպը: ( 🙂 )

  • Geneross ջան ինձ հետ չէ , Օ. Ուայլդի 🙂 իր մտքերից ա: Ինչ? hարատև սերն ա մի փոքր ավելի երկար տևում? 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»