Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Հաջողությունը երկար ճանապարհ է

Այո, հաջողությունը դա ճանապարհ է, սովորաբար երկար ճանապարհ: Երբ ճանապարհը երկար է լինում, շատ հաճախ դրա կեսից հոգնում ես և մտածում ես այն չշարունակելու մասին: Հիշեք օրինակ այն օրերը, երբ դուք արշավի եք գնում կամ ուզում եք սար բարձրանալ կամ էլ որոշում եք բնության գրկում մի քանի կիլոմետր քայլել: Երբ դուք նոր եք սկսում ճանապարհը, միտքը ձեզ շատ է դուր գալիս և ոգևորում է ձեզ: Դուք մտածում եք` «ի՜նչ էքստրեմալ է այս ամենը, ես մեծ հաճույք կստանա՛մ»: Սակայն, երբ անցնում եք ճանապարհի մի մասը և հոգնում եք, ձեզ մոտ սկսում են կասկածներ առաջանալ` «իսկ իմաստ ունե՞ր սկսել»: Այդ կասկածները շարունակվում են ամեն մի հաջորդ մետրի վրա: Որքան շատ եք դուք առաջ գնում, այնքան ավելի եք հոգնում և այնքան ավելի մեծ է ձեզ մոտ դառնում ցանկությունը չշարունակելու:

Սակայն հիշեք այն զգացմունքները, երբ դուք հասնում եք սարի գագաթին կամ արշավի վերջնակետին, հիշեք այդ հաճելի հոգնածությունը, այդ հոգեկան բավարարվածությունը, որ դուք արեցիք դա: Ճանապարհը դժվար էր չէ՞, դուք հոգնել էիք, բայց դուք կարողացաք հասնել մինչև վերջ: Երբ դուք կանգնած էիք սարի առջև և նայում էիք վերև, դուք մտածում էիք «Աաայ քեզ բարձրություն, միթե ես կարող եմ սա հաղթահարել»: Բայց երբ հասնում ես գագաթին և նայում ես վերևից, հասկանում ես, որ ոչ մի դժվար բան էլ չկար, դժվարը սկսելն էր:

Այդպես է նաև հաջողության դեպքում: Երբ ինչ-որ բան ես նախաձեռնում կամ շարժվում ես դեպի նպատակներդ, ճանապարհին հաճախ հոգնում ես, քանի որ ճանապարհի վերջին դեռ շատ կա: Բայց որքան էլ հոգնես, ետ մի դարձիր, շարունակիր մինչև վերջ, դա է միակ տարբերակը ճանապարհը անցնելու:

Իսկ որպեսզի չհոգնես, ոչ թե վազիր դեպի նպատակդ, անտեսելով մնացած ողջ ճանապարհը, այլ վայելիր ամբողջ ճանապարհը: Չէ որ երբ դուք սար եք բարձրանում, ձեզ համար կարևորը ոչ թե գագաթին հայտնվելն է, այլ այդ բարձրանալու հաճույքը, ամեն մի հատվածը հաղթահարելը, բնությունը վայելելը, ընկերների հետ զրուցելը, միասին դժվարությունները կիսելը:

Նույն կերպ վարվեք հաջողության դեպքում: Ոչ թե հոգնեք ճանապարհից, այլ վայելեք այն:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

25 մեկնաբանություն

  • Լուկա ջան շատ լավ հոդված էր, իսկապես ունեցել եմ այդպիսի զգացողություն արշավներից մեկի ժամանակ, երբ միասին հաղթահարեցինք դժվար անանցանելի ճանապարհը: Դա իսկական հաղթանակ էր:

  • Շատ, կարելի է ասել դա իմ հոբբին է: Արշավների ժամանակ շատ բան ես սովորում. սիրում ես բնությունը, սովորում ես միասին հաղթահարել դժվարությունները, դառնում ես ավելի ուժեղ և ճանաչում ես քո հայրենիքը

    • Շատ ուրախ եմ Զառա ջան, արշավները նաև հանգստանալու ու լիցքաթափվելու լավ միջոց են:

      Առիթից օգտվեմ ու մի քիչ գովազդեմ այն ընկերությունը, որի հետ մենք հաճախ արշավների ենք գնում՝ ԲՆԱՏԱՃԱՐ: Իրենց հետ մեր բոլոր արշավները միշտ հետաքրքիր ու հաճախ էքստրեմալ են անցել: Միշտ տարբեր հետաքրքիր մարդիկ են լինում, հետաքրքիր երթուղիներ և այլն: Մի խոսքով… 🙂 եթե ուզեք մասնակցել կամ տեղեկանալ նոր արշավների մասին, գրեք bnatachar@yahoo.com հասցեին:

      Վերջ 🙂

  • Ցանկացած աշխատանք էլ կատարյալ չի ընթանում երբեք, միշտ էլ բացի վերելքներից լինում են նաև վայրէջքներ: Դրանց պետք է պատրաստ լինել:
    Այո, կարևորը հետ չդառնալ, շարունակել մինչև վերջ:
    Ձեր բոլոր հոդվածները շատ հետաքրքիր են, շնորհակալություն:

  • Ցանկացած գործում դժվարություններն անխուսափելի են, սակայն հարկավոր է մտածել նպատակի մասին և շարունակել ընթացքը դեպի հաջողություն !!! 🙂

  • Ցանկացած նպատակ իրականացնելի է, անկախ նրանից թե ինչ կարգավիճակում էս, կարևորը նպատակ ունենալ հավատալ և գործել, եթե այդ նպատակը չի հակասում աստծո տված պատվիրաններին:

  • վայ կներեք միքիչ ուշացումով եմ պատասխանում,ինչքան ժամանակ ա չեյ մտե,նոր գրառումը տեսա Լուկա ջան,,,,իսկ բաժնետոմսերից ել չե նորություն չկա,ուղակի Ամերիա բանկում 500 $ դեպոզիտ են ուզում,որը որ ես ներկա պահում չունեմ,,,,,բայց մի ուրիշ բան եյ ուզում,ոսկու հաշիվ բացեմ,գումարը ձեռքիս գնացի(20 $),քանի որ անչափահաս եմ ծնողիս հետ,էտ ել առաջարկեցին սպասեմ,ոսկու գինը բարձր ա,հենց իջնի կառնեմ,,,,,,,եթե ուրիշ բռոքերներ լինեն,որ առանց դեպոզիտի գործարք անեն,մեծ հաճույքով կգնեմ….

  • Շնորհակալություն շատ,մեկ ել իմ գրառման մեջ փակագծերի ներսում տոկոսի նշան եյ դրել կներեք պետքա դոլլար լիներ,,,,,մի հարց թեմայից դուրս,ես Ֆեսյսբուք-ով ընկերակցել եմ հաջողության բլոգին,դա հենց ձերնա?

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»