Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Միշտ ձգտեք տեսնել նորը

Մարդու աշխարհայացքն ընդլայնվում է, նրա գիտելիքներն աճում են և մարդը զարգանում է այն ժամանակ, երբ նա նոր տարածքներ է մուտք գործում: Եթե նախկինում նոր տարածքներ ասելով մենք նկատի ունեինք նոր գիտելիքներ, նոր աշխատավայր, նոր բիզնես, մի խոսքով հարմարավետության նոր գոտի, ապա այս հոդվածը վերաբերվում է նոր տարածքներին՝ բառիս բուն իմաստով: Ձգտեք լինել նոր վայրերում, նոր երկրներում, ծանոթանալ նոր մարդկանց և մշակույթների հետ: Արդեն բացվում է տուրիստական ակտիվ սեզոնը և եթե դեռ չեք պլանավորել ամառային Ձեր հանգիստը, ապա սկսեք մտածել այդ ուղղությամբ:

Շատ ցանկալի է, որ յուրաքանչյուր մարդ հնարավորություն ունենա տարին մեկ անգամ նոր երկիր այցելելու: Դա ոչ միայն հանգստի հնարավորություն է, այլ շատերի մոտ հենց ճանապարհորդությունների ժամանակ են ծնվում նոր մտքեր ու հանճարեղ գաղափարներ: Միջավայրի փոփոխությունը ազդում է նաև մտածելակերպի փոփոխության վրա: Օրինակ, մենք այդպես էլ պլանավորել ենք, ամեն տարի նոր երկիր այցելել: Անցյալ տարի եղանք Կիպրոսում, այս տարի կայցելենք Վրաստան, որը չնայած հարևան երկիր է, բայց երբեք այնտեղ չենք եղել: Հետագա տարիներին անպայման կայցելենք Հունաստան, Իտալիա, Եգիպտոս, Թայլանդ և իհարկե Չինաստան: Չինաստանը ոչ միայն հանգստի հիանալի տարբերակ է, այլ նաև բիզնես կապեր հաստատելու և նոր բիզնեսներ սկսելու հնարավորություն: Բարեկամներիցս մեկը եղել է մի շարք երկրներում, բայց ինչպես նա է ասում, Չինաստանը ոչ մեկի հետ չես համեմատի:

Հասկանում եմ, որ շատերը հնարավորություն չունեն ամեն տարի նոր երկիր մեկնելու, բայց դրանից պետք է ոչ թե տխրել ու հուսահատվել, այլ հակառակը՝ մոտիվանալ, ավելի եռանդուն աշխատել, որպեսզի կարողանալ այդ հնարավորությունը ստեղծել: Ինչպես գիտեք, միևնույն երևույթին կարելի է տարբեր ձև նայել: Հաջողության հասեք միայն նրա համար, որպեսզի մեկնեք այնտեղ, ուր ցանկանաք, հանգստանաք այնտեղ, որտեղ ցանկանաք և այնքան, որքան ցանկանաք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

13 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»