Աֆորիզմներ

Մեջբերումներ Պաուլո Կոելոյի գրքերից

Հեղինակ A.T.

Հավատը ցանկություն չէ: Հավատը կամք է: Ցանկությունը դատարկություն է, որը մշտապես պահանջ ունի լցվելու: Կամքը ուժ է: Կամքը փոխում է մեր շուրջ եղած տարածությունը: Բայց դրա համար քեզ անհրաժեշտ է ցանկություն:

Միտքը ավելի վաղ է եղել, քան խոսքը: Իսկ մտքից ավելի վաղ եղել է աստծո կայծը: Ամեն ինչ, բացարձակապես ամեն ինչ այս աշխարհում ունի իր իմաստը և նույնիսկ ամենափոքր մանրուքը պետք է հաշվի առնել:

Ուսուցիչը այն մարդը չէ, ով ինչ-որ բան է սովորեցնում, այլ այն մարդը, ով ոգեշնչում է աշակերտին ի ցույց դնել այն ամենալավը, որ կա իր մեջ, որպեսզի բացահայտի այն, ինչ իրեն արդեն հայտնի է:

Չարժե բոլոր «լավատեսական մտածելակերպին» հավատացող մարդկանց նման կրկնել, որ դու սիրված ես, որ ունես ուժ և ունակություններ: Չարժե ինքդ քեզ այդ ամենը կրկնել, չէ որ դու այդ ամենը արդեն գիտես: Իսկ եթե հանկարծ կասկածես, կարծում եմ, որ այդ փուլում կասկածները բավական հաճախ կարող են առաջանալ, արա այնպես, ինչպես ես քեզ առաջարկել եմ: Նրա փոխարեն, որպեսզի քեզ համոզես, որ դու ավելի լավն ես, ուղղակի ծիծաղիր: Ծիծաղիր քո հոգսերի, վախերի, քո անինքնավստահության վրա: Հումորով վերաբերվիր կարոտախտի բռնկումներին: Սկզբից դժվար կլինի, բայց ժամանակի ընթացքում կսովորես:

Իսկ հիմա շրջվիր և գնա ընդառաջ այն բոլոր մարդկանց, ովքեր մտածում են, որ դու ամեն ինչ գիտես: Համոզիր քեզ, որ նրանք ճիշտ են, չէ որ մենք բոլորս գիտենք ամեն ինչ, ուղղակի պետք է դրան հավատալ: Հավատա՛:

Եթե նա կարողանում է տեսնել լավը, ապա դա այն պատճառով, որ նա ներքուստ լավն է: Չէ որ կյանքը նման է հայելու, որի մեջ յուրաքանչյուր ոք տեսնում է սեփական արտացոլանքը:

Եթե բառերը միանային մեկ ամբողջության մեջ, ապա նրանք կկորցնեին իրենց իմաստը կամ էլ կդժվարացնեին իրենց ընկալումը: Անհրաժեշտ է դատարկ տարածություն, խնդիրներ:

Ցանկությունը այն չէ, ինչ մենք տեսնում ենք, ցանկությունը այն է, ինչ մենք պատկերացնում ենք:

Չկա աշխարհում բացարձակ սխալ ոչինչ: Նույնիսկ չաշխատող ժամացույցը օրը երկու անգամ ճիշտ ժամ է ցույց տալիս:

Հեղինակի մասին

A.T.

4 մեկնաբանություն

  • ”Հաջողության բլոգ” ջան, ինչպես կասեր Կարպ Խաչվանքյանը.
    ՀՈԳԱՉԱՓ ՇՆՈՐՀԱԿԱԼՈՒԹՅՈՒՆ:
    Ես կարճ կասեմ: Դո’ւք սկսեցիք ինձ մոտիվացնել: Ես ձեր կայքին հետեվում եմ մի քանի ամիս ընդամենը, եւ այսօր իմ աշխատանքները խոստացավ ընդունել քաղաքի լավագույն սուպերմարկետների ցանցերից մեկը:
    Դա իմ նպատակին հասնելու բազմաթիվ կետերից երրորդն էր: Ձեր շնորհիվ ես հասկացա, որ կարող եմ եւ ոչ միայն` պարտավոր եմ:
    Շնորհակալ եմ քեզանից իմ ԴՐԱԿԱՆ ”ընկեր”

  • Շատ լավ հոդված էր շնորհակալություն!!! Չէիք ասի որտեղից կարող եմ ձեռք բերել Ալքիմիկոս գիրքը?

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»