Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Արժեթղթեր

Facebook IPO

Մի քանի օրից, նախնական տվյալներով մայիսի 18-ին, Facebook ընկերությունը կիրականացնի IPO, այսինքն կհանի իր բաժնետոմսերը ազատ վաճառքի: Facebook-ը վաճառքի է հանում 337,4 մլն բաժնետոմսեր: Չնայած որ սկզբում յուրաքանչյուր բաժնետոմսի գինը ենթադրվում էր $28-35 միջակայքում, բայց այժմ խոսակցություններ կան, որ բաժնետոմսերի գինը տատանվելու է $34-38-ի սահմաններում: Իսկ պատճառն այն է, որ ըստ որոշ աղբյուրների, ընկերության բաժնետոմսերի հանդեպ պահանջարկն արդեն գերազանցում է առաջարկը: Եթե դա այդպես լինի, ապա IPO-ից ընկերությունը կստանա մոտ $12 մլրդ, իսկ ընկերության արժեքը կանցնի $100 մլրդը: Հիշեցնեմ, որ 2009թ-ին Facebook-ի շահույթը կազմել էր $229 մլն, 2010թ-ին՝ $606 մլն և 2011թ-ին՝ $1 մլրդ:

Ամեն դեպքում դժվար է ասել, կշահեն արդյոք այն մարդիկ, որոնք հենց սկզբից ձեռք կբերեն ընկերության բաժնետոմսերը, թե ոչ: Շատերն ասում են, որ ընկերությունը իրականում այդքան չարժե և դրա գինը ուռճացված է: Մի մասն էլ պնդում են, որ ընկերությունը դեռ երիտասարդ է, աճելու տեղ շատ ունի և դրա բաժնետոմսերի գինը անպայման կաճի: Բայց եթե որոշել եք ձեռք բերել ընկերության բաժնետոմսերը, ապա որոշումը միայն Ձերն է: Ավելի լավ է ոչ ոքի չլսել (այդ թվում նաև մեզ 🙂 ) և ինքնուրույն կողմնորոշվել: Իսկ վաղը ես կներկայացնեմ մի փոքրիկ վերլուծություն, որով կփորձեմ ենթադրել բաժնետոմսերի գնի շարժը մոտակա մի քանի ամիսների ընթացքում: Բայց դրա վրա հիմնվել իհարկե պետք չէ, դա կլինի ուղղակի կարծիք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

  • naxapes nerexutyun em xndrum transliti hamar….Chishtn asac im karciqov npatakaharmar chi hima gne facebooki [email protected], qani vor hima bolorn el dzgtum en da anel, isk finanasakan amaric heto khajordi finanasakan [email protected], iharke ete cheq planavorel gone 3 tarov ayd poxi masin moranal, nman depqerum erkarajamket nerdrum e pahanjum, es hima hetaqrqrvac em “Loewe AG”-i @nkerutyan bajnetomserov: ayd @nkerutyunov xist hetaqrqrvac e [email protected]: Havanabar ayd [email protected] kapvac e apple-i itv naxagci het: Ete hetaqrqrvoxner kan xndrem karox enq miasin tarberakner qnnarkel:

    • Տրանսլիտի համար խնդիր չկա Grigor ջան, գրեք այնպես, ինչպես հարմար է: Համաձայն եմ, երկարաժամկետ ներդրման տեսանկյունից ֆեյսբուքը երևի հարմար կլինի, որովհետև երիտասարդ ընկերություն է, երիտասարդ ղեկավարով և տարիների ընթացքում հաստատ նոր պրոյեկտներ կունենա ու կաճի:

      Loewe AG-ը նայեցի, բաժնետոմսերի գինը այս տարի հունվարին փաստորեն լավ ընկած է եղել 🙂 ու հիմա շարունակում է մեծ տեմպերով աճել: Հնարավոր է որ լավ աճի:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»