Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողակ մարդիկ

Հայերը գրավում են Ուկրաինան. Վաչե Դավթյան

Վաչե Դավթյանը Ուկրաինայի էլեկտրոտեխնիկայի շուկայում խոշորագույն ընկերություններից մեկի՝ «Պրոմկաբել-Էլեկտրիկա»-ի հիմնադիրն է: Վաչեի և ընկերության մասին դուք ավելի մանրամասն կիմանաք հոդվածի երկրորդ մասում, իսկ այժմ մի քանի խորհուրդներ 43-ամյա հաջողակ գործարարից.

«Ուկրաինայում ապրելու տարիներին ես հասկացա մեկ բան՝ հնարավոր է հասնել ամեն ինչի, ինչ ցանկանաս, անհրաժեշտ է միայն շատ ուժեղ ցանկանալ դա և անընդհատ շարժվել դեպի նպատակը: Մի դրեք ձեր առջև փոքր նպատակներ, օրինակ «ուզում եմ մեքենա գնել» կամ «ուզում եմ ամսական $1000 աշխատել»: Թող դրանք լինեն միջանկյալ նպատակներ: Դրեք ձեր առջև շատ մեծ, վեհ նպատակներ: Օրինակ, «ուզում եմ դառնալ Ուկրաինայի լավագույն վիրաբույժը» կամ «ուզում եմ դառնալ ամենահաջողակ գործարարը»: Եվ եթե դուք զգում եք, որ անընդհատ դժգոհ եք նրանից, թե ինչպես եք դուք ապրում կամ կարոտով եք հիշում անցյալը, ապա դա նշանակում է, որ դուք ինչ-որ բան այնպես չեք անում: Միայն ձեր կյանքի ամեն մի րոպեն վայելելով դուք կարող եք լինել երջանիկ և ներդաշնակ և կարող եք հասնել բոլոր բարձունքներին: Այդ պատճառով էլ դրեք ձեր առջև անիրականանալի նպատակներ և իրականացրեք դրանք»:

Հաջողության հասնելու Վաչե Դավթյանի քայլերը

Դարձրեք դժվարը սովորական, սովորականը կդառնա հեշտ, իսկ հեշտը հաճելի:

Սկզբունքներ

  • համբերություն
  • անկեղծություն ամեն ինչում
  • ուղղվածություն դեպի դուրս
  • պատճառների որոնում միայն քեզ մեջ
  • կասկածներ, հետադարձ կապ
  • անշահախնդրորեն տալու սովորություն

Նպատակաուղղվածություն

  • զինվեք ռազմավարությամբ
  • դրեք նպատակներ
  • հասցրեք գործը մինչև վերջ
  • եղեք համառ և աշխատասեր
  • դարձրեք ձեզ կարգապահ
  • շտապեք թույլ տալ սխալներ

Ինքնակատարելագործում

  • հասկացեք և բացահայտեք ինքներդ ձեզ
  • արտաքին տեսք, ձայն, մարմնի լեզու
  • դրական մտքեր և խոսակցություններ
  • արգելափակում դրեք (բացասական, վամպիրներ)
  • բացառեք ալկոհոլը և ծխախոտը
  • կարդացեք, կարդացեք և ևս մեկ անգամ կարդացեք

Կենսագրությունը և ընկերության պատմությունը

Վաչե Դավթյանը ծնվել է 1969թ-ին Երևանում: 1991թ-ին ավարտել է Երևանի պոլիտեխնիկական ինստիտուտի կիբեռնետիկայի ֆակուլտետը: 1993թ-ին տեղափոխվել է Ուկրաինա և 2 տարի անց հիմնադրել է «Պրոմկաբել» ընկերությունը: Ընկերությունը զբաղվում է մալուխների և էլեկտրոտեխնիկայի վաճառքով: 1993թ-ին այն ուներ ընդամենը 5 աշխատող և տեղավորված էր երկու սենյականոց գրասենյակում: 1995թ-ին ընկերությունը սկսում է զբաղվել մալուխների մանրածախ առևտրով: Բացվում են առաջին երկու «Պրոմկաբել» խանութները: 1997թ-ին ընկերությունը դառնում է Ուկրաինայի խոշորագույն շինարարական ընկերությունների՝ «Կիեվգոռստրոյ»-ի և «Պոզնյակիժիլստրոյ»-ի մատակարարը: 2001թ-ին սկսում է ցածր և բարձր լարման սարքավորումների մատակարարումը, որից հետո վերանվանվում է «Պրոմկաբել-Էլեկտրիկա»: 2003թ-ը ընկերության համար շրջադարձային է լինում: Ընկերությունը տեղափոխվում է սեփական պահեստային համալիր: Մանրածախ առևտրի խանութները սկսում են աշխատել նոր անվան տակ՝ «Պան Էլեկտրո»: 2004թ-ին ընկերության տեսականու մեջ հայտնվում է լուսատեխնիկա: Ընկերությունում ներդրվում է հաճախորդների հետ աշխատանքի CRM-համակարգ, սկսվում է ավելի մեծ ուշադրություն դարձվել հաճախորդների կարիքների վրա: 2005թ-ին ընկերությունը հրաժարվում է մանրածախ առևտրի խանութների սխեմայից՝ նախապատվությունը տալով ֆրանչայզինգին: 2007թ-ին վաճառքում են հայտնվում եվրոպական արտադրության ցածր լարման նոր սարքավորումներ՝ “Moeller”, “ETI”, որակյալ լուսատեխնիկա: Մեկ տարվա ընթացքում ընկերության վաճառքներն աճում են 2,5 անգամ: Այսօր ընկերությունը հանդիսանում է Ուկրաինայի էլեկտրոտեխնիկայի շուկայի առաջատարներից մեկը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»