Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Ես պետք է այս կյանքում ուժեղ լինեմ

Սա այն խոսքերն են, որոնք պետք է ասի իրեն յուրաքանչյուր մարդ, ով ուզում է կյանքում հաջողությունների հասնել: Հիշեք, կյանքը չի սիրում թույլ մարդկանց: Երբեմն մարդիկ ուզում են արդյունքների հասնել խղճահարությամբ, իրենց թուլությունը ցույց տալով, իրենց կարիքների մասին բարձրաձայնելով: Նման մարդիկ ոչ մի շանս չունեն: Այն համակարգը, որում մենք ապրում ենք, որում ապրում է ողջ աշխարհը, ստեղծված է այդպիսին` ուժեղ մարդիկ վեր են բարձրանում, իսկ թույլերը մնում են ներքևում: Ուզենք թե չուզենք, բայց դա այդպես է: Կարելի է չհարմարվել դրան և մնալ ներքևում, կամ կարելի է ընդունել դա և ձգտել վերև:

Ուժեղ մարդ լինել չի նշանակում ուժեղ լինել ֆիզիկապես: Ուժեղ մարդ լինել չի նշանակում քեզ ենթարկել թույլերին, որպեսզի նրանց ֆոնի վրա ուժեղ երևալ: Ուժեղ մարդ լինել չի նշանակում «ուժեղ» բաների մասին խոսել, բայց ոչինչ չանել: Մայր Թերեզան ուժեղ մարդ էր, Մահաթմա Գանդին ուժեղ մարդ էր, Սթիվ Ջոբսը` ուժեղ մարդ էր: Ուժեղ են այն մարդիկ, ովքեր ունեն «ուժեղ նպատակներ» և ամեն ինչ անում են այդ նպատակներին հասնելու համար: Նրանք գնում են մինչև վերջ և չեն նահանջում: Ուժեղ են այն մարդիկ, որոնք հոգում են ուրիշների կարիքները և դրա համար հաճախ զոհաբերում են իրենց: Ուժեղ են այն մարդիկ, որոնք ստեղծում են ընդհանուր արժեքներ, որոնք փոխում են պատմության ընթացքը և առանց որոնց այս աշխարհում ինչ-որ բան պակաս կլիներ:

Միշտ եղեք ուժեղ: Մի թուլացեք նույնիսկ ամենադժվար պահերին: Հնարավոր է, որ թույլ մարդուն ինչ-որ մեկը խղճա և տեղ տա կյանքում: Բայց հավանականությունը, որ դա կլինի հենց Ձեզ հետ, շատ փոքր է: Բացի այդ էլ` Ձեզ պե՞տք է, որ Ձեզ խղճան: Դուք ինքներդ պետք է վերցնեք կյանքի Ձեր կտորը և ինքներդ պետք է հասնեք հաջողությունների:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

      • Luka ջան, ուժեղ մարդու կերպարը յուրաքանչյուրի մոտ առանձնահատուկ կերպով է ընկալվում: Ինձ համար ուժեղ է այն մարդը, ով ինքնուրույն է, պատասխանատու՝ իր կյանքի և արարքների համար: Ուժեղ մարդը փորձում է թափանցել խնդիրների մեջ և լուծել դրանք:
        Մարդն իր էությամբ շատ ուժեղ է և ընդունակ է դիմանալ ամեն ինչի: Նա մեկ րոպե հետո կարող է լինել ավելի ուժեղ, քան ներկա պահին: Թույլ մարդիկ պարզապես չեն օգտագործում իրենց ուժերը: Դրանում է ուժեղների ու թույլերի տարբերությունը: Մի՞թե մարդու համար ամոթալի չէ խոնարհվել և կարեկցանք պահանջել շրջապատից:
        Կյանքը կարող է խղճահարությամբ մոտենալ նրանց, ովքեր սպասում են այդ կարեկցանքին: Սակայն այդ դեպքում նա ոչ թե մարդկանց հաջողակ է դարձնում, այլ պարզապես՝ գոյատևող:
        Մենք շրջապատված ենք հարազատ մարդկանցով, ամեն օր կարող ենք զբաղվել սիրելի գործերով: Մեզանից շատերն ունեն երազանքներ, որոնց իրականացումն աշխարհը կդարձնի շատ ավելի գեղեցիկ ու հրաշալի: Հանուն այդ ամենի՝ մենք պարտավոր ենք ուժեղ լինել և երբեք չխոնարհվել դժվարությունների առաջ:
        Նրանք, ովքեր պահպանում են կյանքում ուժեղ լինելու օրենքները, հնարավորություն են ստանում ստեղծելու ապրելու սեփական կանոնները:

        • Ալլա ջան համաձայն եմ Ձեր բոլոր գրածների հետ, ինչպես միշտ լիարժեք մեկնաբանություն: Պատասխանատվության պահը իրոք որ այդպես է. ուժեղ մարդիկ իրենց վրա են վերցնում իրենց կյանքի պատասխանատվությունը:

        • Ձեր մեկնաբանությունը ասես հոդվածի շարունակությունը լինի, ու մեր բոլորիս սրտի խոսքը: Մերսի երկուսիդ

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»