Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Աֆորիզմներ

Բարի՛ լույս: Այսօր Ձեր նոր կյանքն է

Ամբողջ սրտով ես սիրում եմ կյանքը և ավելի շատ այն ժամանակ, երբ ատում եմ այն (Ֆրիդրիխ Նիցշե):

Իմաստուն մարդու համար ամեն օր սկսվում է մի նոր կյանք (անհայտ հեղինակ):

Կյանքն այն է, թե ինչ է տեղի ունենում, երբ դու լրիվ այլ բան ես պլանավորում (Ջ. Լենոն):

Ծեր հասակում դժվար է նոր կյանք սկսել, սկսեք այն այսօր (Հաջողության բլոգ):

Յուրաքանչյուր մարդ կյանքում երկու խնդիր ունի: Առաջինը՝ հասնել նրան, ինչ ուզում է, և երկրորդը՝ հաճույք ստանալ դրանից: Երկրորդ տրված է միայն իմաստուններին (Լ. Սմիթ):

Եթե Ձեզ դուր չի գալիս Ձեր նախկին կյանքը, փոխե՛ք այն: Ինչպե՞ս: Նայեք հոդվածի վերնագիրը (Հաջողության բլոգ):

Ապրիր այնպես, կարծես դու հիմա պետք է հրաժեշտ տաս կյանքին և ժամանակը, որը Ձեզ թողված է, անսպասելի նվեր է (Մարկ Ավրելիուս):

Նոր կյանքը չի սկսվում երկուշաբթի կամ Նոր տարուն, այս սկսվում է ամեն օր՝ Ձեր մտքերում (Հաջողության բլոգ):

Թիթեռը մի ամբողջ կյանք է ապրում (Ճապոնական ասացվածք):

Ամեն օր զարթնեք և ասեք՝ ես կանե՛մ դա: Կանեմ այն, ինչ երեկ ինձ անհնար էր թվում: Ամեն օր զարթնեք և ասեք՝ կյանքը հիասքա՛նչ է: Ես կտեսնեմ կյանքում այն, ինչը երեկ չէի նկատում: Ամեն օր զարթնեք և ասեք՝ վե՛րջ, ես երջանիկ եմ: Միգուցե երեկ ես երջանիկ չէի, բայց այսօր ես երջանիկ եմ… (Հաջողության բլոգ):

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Ես այս կայքի մասին շատ եմ խոսում, շատ եմ պատմում : Ու ինձ հաճելի է, որ երբևէ ոչ մի նյութի համար չեմ ՛՛արդարացել՛՛ , չեմ ասել, թե . ՛՛դե լավ, այսպես էլ է պատահում, դե հիմա, լավ նյութ չէր…՛՛ :
    Չէ : Նյութերը միշտ կարգին, ՛՛մաքուր՛՛ վիճակում են : Չկա այդպիսի նյութ, որը ասելիք չունենա: Դեռ առիթ չի եղել մտածելու, թե այս կամ այ այն նյութը վատն էր : Ամեն նյութի վրա հատ առ հատ աշխատանք է տարված. դա զգացվում է :
    Ու օրս լուսավոր սկսվեց : Ժպտում եմ ու այսօր նոր կյանք եմ սկսում))))
    Շնորհակալ եմ ձեզ : Ուրախ եմ, որ ձեր պես մարդկանց եմ ճանաչում, ուրախ եմ, որ այս ՛՛խոսքի հարթակում՛՛ ձեր թիմի պես ավագ սերունդ կա, ումից ես կարող եմ հանգիստ սովորել : Գալիս եմ ՛՛Հաջողության բլոգ՛՛ ու հանգստանում եմ, սովորում եմ, խելք եմ հավաքում :
    Ճիշտ է , հաճախ չեմ մեկնաբանում, բայց ամեն օր այստեղ եմ : Առավոտյան իմ բլոգը, սոցցանցերն ու թերթերը բացելու հետ հավասար ՛՛Հաջողության բլոգն՛՛ եմ բացում : Սա , կարծում եմ, կայքի հաջողության ամենամեծ ապացույցն է . չէ՞ որ դուք մարդկանց առօրյայի մի մասն եք դարձել:
    Ձեզ շա՜տ սիրում եմ :
    Շնորհակալ եմ))))))))

    • Սյունե ջան մերսի! մենք էլ ու համոզված եմ՝ մեր կայքի շուրջ համախմբված մարդիկ էլ քեզ են սիրում 🙂 Դու նույնպես տարածում ես այդ բարի, հանգիստ ու նպատակասլացության մթնոլորտը: Բայց ի տարբերություն մեզ՝ դու շատ ավելի շուտ ես սկսել, այսինքն երբ հասնես մեր տարիքին, շատ ավելիին հասած կլինես:

      Իսկ բլոգը դա հենց մարդիկ են՝ մեր հեղինակները, ընկերները, ընթերցողներն ու մեկնաբանողները, որոնց էլ միշտ շնորհակալ կլինենք:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»