Barcamp 2012 - Հաջողության բլոգ
 
 

Գրքեր անձնային աճի մասին

Այս գրքերը հարուստ դառնալու մասին չեն, այլ ներդաշնակ և գիտակից կյանք ունենալու: Դրանցում ներկայացված է ճանապարհ՝ շարունակական աճի և ինքնակատարելագործման: Գրքերի հեղինակն այդ ճանապարհը սկսեց 2009 թ, և փուլ առ փուլ ներկայացնում է փոփոխությունները, որոնք տեղի են ունենում իր կյանքում և որոնք կարող են տեղի ունենալ Ձեր կյանքում, իր գրքերում: Ներկայացված են մի շարք պրակտիկ խորհուրդներ, պատմություններ, առակներ, փիլիսոփայություն:


   


Անձնային աճ

Barcamp 2012

Վաղը և մյուս օրը՝ շաբաթ և կիրակի, Ամերիկյան համալսարանում կսկսվի Barcamp 2012-ը: Ովքեր ծանոթ չեն Barcamp-ին, կարճ ներկայացնեմ՝ Barcamp-ը հնարավորություն է, որպեսզի ՏՏ ոլորտի մարդիկ ու ընկերությունները ներկայացնեն իրենց գաղափարներն ու նախագծերը, իրենց նորարարությունները, նաև կապ հաստատեն միմյանց հետ և շփվեն: Անցյալ տարվա Barcamp-ին ես առաջին անգամ էի մասնակցում և միջոցառումը դուրս եկավ: Ինչո՞ւ: Որովհետև Barcamp-ում ստեղծարար մթնոլորտ է տիրում, այնտեղ հավաքվում են մարդիկ, ովքեր սիրում են ստեղծել: Եվ կարևոր չէ, թե ինչ են նրանք ստեղծում՝ կայք, ծրագիր, ավտոմատ համակարգ, ռոբոտ, թե մեկ այլ բան: Կարևորն այն է, որ մարդիկ, որոնք այդ ամենը տեսնում են՝ ոչ միայն պրակտիկ գիտելիքներ են ձեռք բերում, այլ նաև ոգևորվում են և ձգտում են ինչ-որ բան էլ իրենք ստեղծեն: Այսինքն, մթնոլորտը մոտիվացնում է: Իսկ մոտիվացիան այն է, ինչը հաճախ պակասում է մեծ նախագծեր ստեղծելու համար:

Barcamp-ին ես երկու օրն էլ ներկա եմ լինելու: Ոչ մի ներկայացում չեմ անի, սակայն հաճույքով կհետևեմ բոլոր ներկայացումներին, կփորձեմ ինչ-որ բան սովորել և ուղղակի լավ ժամանակ անցկացնել: Անցյալ տարվա Barcamp-ից մի քանի ներկայացումներ եմ հիշում: Օրինակ, մեջս լավ տպավորվել է mocak.am-ի ներկայացումը, երբ կայքը դեռ նոր էր բացվել, սակայն ուղիղ 1 տարի անց այն մանկական ժամանցային լավագույն կայքերից է: Հիշում եմ նաև adnet.am և adverox.com գովազդային հարթակների ներկայացումները, քանի որ կոնտեքստային գովազդը հայկական բովանդակությամբ կայքերում դա այն է, ինչը հետաքրքրում է վեբ ոլորտում ակտիվ շատ մարդկանց և ընկերությունների: Barcamp 2011-ի ընթացքում իմացա iphoto.am լուսանկարչական հիանալի կայքի, Հայ բաց իրավաբանական բլոգի և մի շարք այլ կայքերի մասին, որոնց նախկինում ծանոթ չէի: Բավական հետաքրքիր անցան դիզայներական, մասնավորապես վեբ դիզայնի թեմայով ներկայացումները: Շատ լավ հիշում եմ Կարեն Վարդանյանի ներկայացումը մարդկանց մտածելակերպի, վարձու աշխատանքի և բիզնեսի մասին: Մի խոսքով… Barcamp-ում շատ բան կա սովորելու, մնում է միայն ցանկություն ու ժամանակ ունենալ, դուրս գալ տանից և հասնել այնտեղ 🙂

Տարածել

Հեղինակի մասին

Հրաչյա Մանուկյան

Հաջողության բլոգի հիմնադիր, անձնային աճի գծով հեղինակ, ինքնազարգացման թեմայով 5 գրքերի հեղինակ:

8 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»