Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Արի ամուսնանանք

Սկզբում ինձ թվում էր, որ կյանքում հաջողության հասնելու համար ամենակարևորը աշխատանքը, բիզնեսն ու ինչ-որ բան ստեղծելն է: Բայց գնալով հասկացա, որ դա այդպես չէ: Հաջողության հասնում են հոգու ներդաշնակությամբ, իսկ դա որոշվում է ոչ միայն աշխատանքով: Շատ կարևոր է վստահ ու երջանիկ լինելը կյանքի բոլոր ոլորտներում, ինչպիսին է օրինակ անձնական կյանքը:

Եթե տասնյակ տարիներ անց, երբ ես հասնեմ իմ բոլոր նպատակներին, ինձ հարցնեն, որն է ձեր հաջողության գաղտնիքը, առաջին պատասխանների մեջ կլինի` հաջող ամուսնությունը: Եվ դա իրոք այդպես է: Երբ գտնում ես այն մարդուն, որի հետ պատրաստ ես մինչև կյանքի վերջ ապրել նույնիսկ Ալպյան լեռներում կամ անմարդաբնակ կղզու վրա, ապա դա ոգեշնչում է քեզ հաջողությունների հասնել նաև գործնական կյանքում:

Երբեմն ինձ հարցնում են. «Լավ բա՞ն է ամուսնությունը, արժե՞ ամուսնանալ»: Եթե գտել ես այն մարդուն, որի հետ երջանիկ ես, իհարկե արժե: Շատերի մոտ տպավորված է, այդ թվում նաև իմ՝ մինչև ամուսնանալը, որ ամուսնանալուց հետո շատանում են հոգսերը, ապրելն ավելի դժվար է դառնում, ժամանակդ սկսում է չհերիքել, գործերով չես հասցնում զբաղվել և այլն և այլն: Ազնվությամբ եմ ասում, ամուսնանալուց հետո իմ գործերը մի քանի անգամ ավելի լավ են գնում, քան մինչ այդ: Ընդհանուր, ես ինձ շատ ավելի լավ եմ զգում, քան մինչև ամուսնությունը: Չկա ոչ մի հոգս, ոչ մի դժվարություն, ոչ մի խնդիր: Իհարկե, ամեն մարդու դեպքում չէ, որ այդպես է և դա շատ բաներից է կախված և ես շատ լավ հասկանում եմ դա: Բայց հաճախ մենք ինքներս ենք մեզ համար խնդիրներ ստեղծում՝ մեր բնավորությամբ, մտածելակերպով և իրերին նայելու մեր ունակությամբ: Երբ կենտրոնանում ես գլխավորի վրա, անտեսելով մանրուքները, ապա ապրելն իրոք ավելի հեշտ ու արդյունավետ է դառնում: Այնպես որ, հիշեք սա, հաջող ամուսնությունը՝ ամուսնությունը մարդու հետ, որին իսկապես սիրում ես, կարող է միայն օգնել Ձեզ հաջողության հասնելու ճանապարհին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

18 մեկնաբանություն

  • Միանգամայն համաձայն եմ: Կարծում եմ այս գրառումն օգտակար կլինի նրանց համար ում պատկերացմամբ գոյություն ունի “կամ…կամ” կարիերայի և անձնականի միջև: Ես էլ եմ ընտել “և…և”, և մեկը մյուսին միշտ օգնել է:

  • Գեղեցիկ հոդված է, LUKA ջան, համամիտ եմ քեզ հետ: Ուրախությամբ կցանկանայի ինքս էլ հաստատել. Ինձ համար էլ հիմա առավել հեշտ է, քան ամուսնանալուց առաջ:

  • Մեծ ու լայն ժպտում եմ, երբ կարդում եմ նման հոդվածներ: Այս սա է կոչվում իրական հրաշք, որը ստեղծվում է սիրո ներդաշնակության մեջ, երբ վստահ ես, որ ունես ամուր հենարան, հզոր շարժիչ` կյանքում “սեփական մոլորակը” ստեղծելու համար: Ամուր շատ ամուր պահեք ձեր սերը և ընտանեկան ներդաշնակությունը` Ձեր բոլոր նպատակներն իրականացնելու և Ձեր բլոգին հավատարիմ մի խումբ ընթերցողների մշտապես մոտիվացնելու համար:

  • Անկեղծ ասած ինքս ունեմ մտավախություն, որ ամուսնանալուց հոտո ազատ ժամանակ չեմ ունենա ընկերներիս հետ շփվելու այնպես ինչպես հիմա, անելիքներս կշատանան և կյանքիս հունը կտրուկ կփոխվի… դա իսկապես խնդիր է ինձ համար…

  • Երբ ես 5 տարեկան էի, մայրս ինձ միշտ ասում էր, որ երջանկությունը կյանքի բանալին է. Երբ ես գնացի դպրոց, ինձ հանձնարարեցին գրել թե ինչ կուզեմ դառնալ երբ մեծանամ. ես գրեցի` “երջանիկ”. Ինձ ասացին, որ ես չեմ հասկացել առաջադրանքը, իսկ ես պատասխանեցի, — Այդ դուք չեք հասկացել կյանքը
    ~~Ջոն Լենոն~~

  • իսկ ինձ միշտ թվացել է թե այն կխանգարի գործնական մեծ հաջողությունների հասնելուն,,միգուցե տղմարդկանց համար այն օգնում է հասնել հաջողության բայց կանանց համար դա այդքանել այդպես չէ,կանայք չեն կարող միաժամանակ և’ մեկը և’ մյուսը ունենալ,իհարկե կլինեն բացառություններ,բայց ինձ հանդիպաց կանայք,որոնք հասել են մեծ հաջողությունների,միայնակ կանայք են եղել:Սա իմ սուբյեկտիվ կարծիքն է,միգուցե սխալ եմ,,,

    • Աննա ջան, կանանց համար դժվարանում եմ ասել, հատկապես, կանանց դեպքում երեխայի խնամքն էլ կա, կխնդրեի եթե ամուսնացած կին կա մեր ընթերցողների մեջ, որը նաև գործնական հաջողությունների է ձգտում, օգնի մեզ և պատասխանի 🙂

      • 🙂 …. Լուկա ջան մոռացա նշեմ,որ շաաատ լավն է գրառումը,,կարդացի ու ամուսնանալու ցանկություն առաջացավ մոտս 😀 😀 😀 😀

        • Աննա ջան, առանց մտավաղության ամուսնացի՛ր:
          Երբ բալիկ ունենաս, գոնե 2 տարի ինքդ կցանկանաս լինել բալիկիդ կողքին. տեսնելու նրա առաջին ատամը, քայլը, լսելու բառերը, որոնք պիտի ասի: Կարիք չկա այդ անկրկնելի պահերը փոխարինել ուրիշ զբաղմունքով (չես էլ ցանկանա): Հետո մանկապարտեզ կա, տատիկի օգնություն կա եւ վերջապես դայակներ կան, ովքեր կարող են օգնել քեզ: Ու հիշիր, որ կինը բնատուր օժտված է բազմաֆունկցիոնալ հնարավորություններով, իհարկէ կստացվի քեզ մոտ ամեն ինչ:
          Խոսքը մեր մեջ, միայն տղամարդիկ պիտի վախենան, քանի որ իրենց մոտ առավել դժվար է կատարել մի քանի գործողություն միաժամանակ, այն էլ լավ::ՃՃՃՃ
          Շատ ուրախ կլինեմ, եթե իմանամ, որ կարողացա պատասխանել եւ որորշակի օգնել քեզ: Միշտ առաջ, Աննա ջան:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»