Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հետաքրքիր է

Համառության 20 տարիներ

Այն, որ մարդկային հնարավորություններն անսահմանափակ են, դուք կհասկանաք, կարդալով այս հոդվածը: Թվում է՝ ի՞նչ կարող է անել մեկ մարդը, երբ այդ մարդը հասարակ մի հայ է, ով ապրում է իր համեստ կյանքով, առօրյա հոգսերով ու մտածմունքներով, բոլորի պես: Բայց արի ու տես, որ ոչ:

Վարպետ Լևոնի մասին կարծում եմ լսած կլինեք. մարդ, ով սեփական ուժերով, միայնակ, համառորեն ու համբերատար 20 տարուց ավել իր տան տակ լաբիրինթոս էր փորել: Խոսքը ոչ թե մի քանի մետրի մասին է, այլ 21 մետր խորության, իսկ տան տակ ոչ թե փափուկ հող է, այլ բազալտե՝ թվում է անանցելի պատնեշ: Մի քանի ամիս առաջ ընկերներով եղանք այդ հրաշք վայրում, որն իմիջիայլոց գտնվում է Առինջ գյուղում: Վարպետ Լևոնը ցավոք այսօր կենդանի չէ, բայց իրենից հետո նա թողել է այնպիսի մի հետք, որի մասին մարդիկ մինչև այսօր էլ խոսում են:

Վարպետ Լևոն
Որպեսզի հասկանաք, թե ինչի մասին է խոսքը, պետք է անձամբ լինեք այնտեղ: Վարպետի ձեռքերով պատրաստված նուրբ հղկված աստիճանները դանդաղորեն տանում են դեպի ներքև: Որքան շատ ես իջնում, այնքան ավելի է ցրտում և այնքան ավելի լուռ է դառնում: Լաբիրինթոսի երկար միջանցքից ճանապարհներ են բացվում դեպի 7 ընդարձակ սենյակներ: Երբ մտնում ես այդ սենյակները և նայում ես պատերին, զարմանում ես՝ ինչպե՞ս ձեռքի գործիքներով, հասարակ մուրճ ու սեպով կարելի է ճեղքել և անցնել բազալտե այդ շերտը, ինչքա՞ն համառություն է դրա համար պետք: Գիտե՞ք որն է այս հոդվածի իմաստը: Այն, որ եթե դուք ինչ-որ բանի հավատում եք, ունեք նպատակ, գնացե՛ք մինչև վերջ, եղե՛ք համառ, թեկուզ դրա համար պահանջվեն տասնյակ տարիներ: Իր համառությամբ վարպետ Լևոնը վաստակեց այն, որ նրա մասին նկարահանվել են ֆիլմեր, գրվել են հոդվածներ և նրա ստեղծածը մինչև այսօր էլ վայելում են մարդիկ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»