Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Ի՞նչը ես այնպես չեմ անում

Եթե դուք ինչ-որ բանի եք ձգտում, բայց դա չի ստացվում, կամ եթե դուք մտքում այլ բան եք պատկերացնում, բայց իրականում այլ բան է ստացվում, տվեք Ձեզ ամենակարևոր հարցը` ի՞նչը ես այնպես չեմ անում: Սկսեք ամենավերջից. կանք միայն ես ու նպատակս: Նպատակիս հասնելու համար ես պետք է անեմ այս այս այս և պետք է ունենամ այս այս այս, սակայն ես չեմ անում այս և չունեմ այս: ԻՆՉՈ՞Ւ: Հասկացեք, թե ինչու դուք չեք անում այն, ինչ պետք է անեք Ձեր նպատակին հասնելու համար: Ապա վերլուծեք այդ ԻՆՉՈՒ-ն, բաժանեք այն ավելի մանր հարցերի: Եվ երբ ԻՆՉՈՒ-ն ամբողջությամբ հասկացել եք, տվեք հաջորդ հարցը` ԻՆՉՊԵ՞Ս:

Օրինակ, դուք ուզում եք սեփական կայք ունենալ, բայց այս պահին չունեք: Հարց. ի՞նչը ես այնպես չեմ անում: Պատասխան. ես ընդհանրապես ոչինչ չեմ անում: Հարց. ԻՆՉՈ՞Ւ: Պատասխան. որովհետև ես չեմ հասկանում, թե ինչպես է դա արվում, որքան արժե, ինչից սկսել: Մի րոպե… Չե՞մ հասկանում, թե ինչպես է դա արվում: ԻՆՉՈ՞Ւ: Որովհետև երբեք չեմ հարցրել այդ մասին այն մարդկանց, որոնք արդեն կայք ունեն: ԻՆՉՈ՞Ւ: Պատասխան. որովհետև ամաչել եմ կամ կարծել եմ, որ այդ մարդիկ ինձ չեն պատասխանի: ԻՆՉՈ՞Ւ (ինչո՞ւ այդ մարդիկ ձեզ չպետք է պատասխանեն)… պա պա պամ… Եվ երբ գալիս եք ինչ-որ կետի, երբ հասկանում եք, թե որն է պատճառը և ինչ պետք է արվի, տվեք հաջորդ հարցը` ԻՆՉՊԵ՞Ս. ինչպե՞ս ես պետք է գտնեմ այն մարդկանց, որոնցից կարող եմ հարցնել, թե ինչպես են կայք բացում, և այլն և այլն: Հիշեք` եթե Ձեզ մոտ ինչ-որ բան չի ստացվում, շատ կարևոր է հասկանալ պատճառները:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»