Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Ժեստերի լեզուն

Ժեստերի լեզուն. ականջի շոշափում, պարանոցի քորում

Այս հոդվածում կխոսեմ միանգամից երկու ժեստերի մասին:

Ականջի շոշափում

Լսողի մոտ այս ժեստը պայմանավորված է դիմացինի խոսքերից պաշտպանվելու ցանկությամբ: Այն հանդիսանում է փոքր երեխայի մոտ հանդիպող այն ժեստի կատարելագործված, մեծական տարբերակը, երբ նա փակում է ականջները, որպեսզի չլսի ծնողների կշտամբանքը: Այս ժեստի այլ տարբերակներն են ականջախեցու շոշափումը, ականջի բլթակի քաշումը կամ ականջի ծալումն այնպես, որպեսզի այն ծածկի լսողական անցուղին: Այս վերջին ժեստը վկայում է այն մասին, որ մարդն արդեն բավական լսել է, և հնարավոր է, նա ինքն է ուզում խոսել:

Պարանոցի քորում

Պարանոցի շոշափում
Այս դեպքում մարդը աջ ձեռքի ցուցամատով քորում է ականջի բլթակի տակ գտնվող հատվածը կամ պարանոցի կողային մասը: Այս ժեստի դիտարկումները ցույց են տվել մի հետաքրքիր փաստ. մարդը սովորաբար անում է նմանատիպ հինգ շարժում: Հազվադեպ է լինում, որ շփումների քանակը լինի հինգից ավելի կամ պակաս: Այս ժեստը խոսում է մարդու մոտ կասկածների և անվստահության մասին: Այն հատկապես աչքի է ընկնում այն ժամանակ, երբ հակասում է մարդու խոսքին, օրինակ երբ նա ասում է. «Ես շատ լավ հասկանում եմ, թե ինչ եք դուք զգում»:

Եթե կարճ ամփոփեմ այս երկու ժեստերը, կարելի է ասել հետևյալը. եթե դուք խոսում եք և դիմացինը սկսում է շոշափել ականջը, ապա ամենայն հավանականությամբ եկել է ժամանակը, որ դուք կանգ առնեք: Իսկ եթե դիմացինը սկսում է քորել պարանոցը, ապա ավելի հավանական է, որ նա Ձեզ չի հասկանում կամ Ձեր ասածների վրա այդքան էլ վստահ չէ:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

1 մեկնաբանություն

  • Շատ հետաքրքիր է այդ ժեստերի լեզուն: Դրանց միջոցով կարելի շատ բան իմանալ քեզ շրջապատող մարդկանց մասին:

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»