Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Մարքեթինգ

Ես սիրում եմ էլեկտրոնային նամակ ստանալ

Էլեկտրոնային նամակը գործնական շփման իմ ամենասիրած ձևերից մեկն է: Ինչո՞ւ: Որովհետև դրանով պատասխանելուց առաջ հասցնում ես մտածել, ոչ ոք չի շտապեցնում, անհարմար պահին նամակ ստանալիս՝ կարող ես պատասխանել մի փոքր ուշ, բացի այդ էլ մնում է քո խոսակցությունների ողջ պատմությունը: Ես սիրում եմ էլեկտրոնային նամակ ստանալ, որովհետև դա նշանակում է գործնական ինչ-որ ակտիվություն, փոփոխություն, առաջարկ, նոր ինֆորմացիա, մի խոսքով՝ կարևոր բան: Այսինքն, եթե իմ փոստարկղի մուտքային արկղի ցուցիչը ցույց է տալիս (+1), ես արդեն գիտեմ, որ դա կարևոր է: Դա չի կարող լինել ծանուցում ֆեյսբուքից կամ սպամ կամ էլ ինչ-որ գովազդ: Նման նամակները ես ֆիլտրում եմ և չեմ թողում, որպեսզի դրանք «շեղեն իմ ուշադրությունը»: Իսկ մնացած նամակները` ինձ ուրախացնում են:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»