Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Երբ հավատում ես ինչ-որ բանի, արա դա մինչև վերջ

Հավատը աննկարագրելի ուժ է: Հավատը ինքդ քեզ, հավատը քո հնարավորություններին, հավատը քո գաղափարներին: Եթե դու հավատում ես, որ երկու տարի անց հասնելու ես քո երազանքին, որն այս պահին, ասենք, օվկիանոսի ափին գեղեցիկ առանձնատուն ունենալն է, ուրեմն այդ երկու տարին այնպես հագեցած կանցնեն, որ երբ ժամանակն անցնի, հաստատ դու չես բողոքի ոչնչից: Հավատը կլցնի քո ժամանակը: Պարզապես երբեմն նկատում եմ, որ շատ մարդկանց մոտ այդ հավատը մակերևույթային է: Այսինքն, մեկն ասում է. «Ես կանեմ սա… կանեմ սա… կանեմ սա…», բայց երբ տանը մենակ է մնում, իր հավատն էլ չի գալիս, որ նա կարող է անել դա: Մի պատմություն հիշեցի:

Հունական գյուղերից մեկում մի քանի ամիս անձրև չի գալիս: Գյուղացիներն ընկճված են, ծառերը չորանում են, բերք չկա: Մի օր էլ բոլորով որոշում են հավաքվել հունական հողագործության և բերքատվության աստվածուհու՝ Դեմետրիայի, տաճարի առջև գտնվող հրապարակում և խնդրեն աստվածուհուն, որպեսզի անձրև ուղարկի: Հավաքվում են բոլոր գյուղացիները, հավատալով, որ իրենց խնդրանքը տեղ կհասնի: Բայց նրանցից միայն մեկն է իր հետ վերցնում անձրևանոց:

Հասկանում եք ինչ նկատի ունեմ: Եթե դուք ինչ-որ նպատակ ունեք, պետք է հավատաք դրան ամբողջ հոգով: Չպետք է արդյունքներ չտեսնելով կամ անհաջողություններ ունենալով հիասթափվեք: Չպետք է ուրիշների հաջողությունները տեսնելով ընկճվեք՝ մտածելով. «ինչպե՞ս է նա կարողանում, իսկ ես ոչ»: Պետք է այնքան վստահ լինեք ձեր նպատակի վրա, որ ոչինչ չկարողանա հիասթափեցնել ձեզ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»