Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Աֆորիզմներ

Հին չինական ասացվածքներ

Երբ դուք ինչ-որ բան եք լսում, դուք դա մոռանում եք: Երբ դուք ինչ-որ բան եք տեսնում, դուք դա հիշում եք: Բայց քանի դեռ դուք չեք արել ինչ-որ բան, դուք դա չեք հասկանա:

Ուզո՞ւմ ես իմանալ ճանապարհը. հարցրու նրանց, ովքեր արդեն անցել են այն:

Մեծ գետը հանգիստ է հոսում, խելացի մարդը ձայնը չի բարձրացնում:

Մարդու դեմքից նրա մտքերը չես իմանա:

Ավելի լավ է հարյուր անգամ մերժել, քան մեկ անգամ խոստացածը չկատարել:

Կարելի է լինել համեստ` չլինելով իմաստուն, բայց չի կարելի լինել իմաստուն` չունենալով համեստություն:

Երբ դու ճիշտ ես, պարտադիր չէ ասել դա բարձրաձայն:

Տարվա պլանները կազմիր գարնանը, օրվա պլանները՝ առավոտյան:

Ամեն անհաջողություն մեզ խելացի է դարձնում:

Դանդաղ քայլող հիմարն ավելի լավ է, քան պառկած խելացին:

Ջրելով ծաղիկները՝ ջրիր արմատները, ուղղորդելով մարդուն՝ դիմիր նրա սրտին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»