Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Մտորումներ

Գոյություն ունի արդյո՞ք ճակատագիր

Հեղինակ՝ Աշոտ Նանայան

Մի հարց, որ հետաքրքրում է բոլորիս. հարց, որ այդպես էլ չի ստացել իր պատասխանը: Մեզանից շատերը հակված են այն գաղափարին, որ ճակատագիրը պատահականություն չէ, այլ ընտրության առարկա, նրան պետք է ոչ թե սպասել, այլ պարզապես նվաճել: Իսկ ոմանք էլ` ճիշտ հակառակը (այսինքն` բախտն ինքն է մեզ գտնում): Իմ կարծիքով Տերը մեզ բոլորիս տվել է միտք և ընտրության լայն հնարավորություն: Մենք ամենքս կերտում ենք մեր ապագան` մեր ճիշտ կամ սխալ քայլերով, ընտրած ուղիներով: Սակայն երբեմն ինքս ինձ հարց եմ տալիս. ի՞նչ է արել այն մանուկը, որ ինչ-որ արատով է լույս աշխարհ եկել, ո՞րն է նրա մեղքը, կամ երբ ինչ-որ մեկն իր անփութության հետևանքով կրակում է ոչ թե ասենք առաստաղին, այլ ընկերոջը: Բազում հարցեր, որոնք սպասում են իրենց պատասխաններին: Իսկ դուք ի՞նչ կասեք:

Հեղինակի մասին

Աշոտ Նանայան

18 մեկնաբանություն

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»