Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հետաքրքիր է

Ներկայիս հաշվապահության հայրը. Լուկա Պաչիոլի

Հաշվապահություն բառն այսօր ոչ մեկի մոտ զարմանք չի առաջացնում: Այն դարձել է գործարար առօրյայի մի մասը: Բոլոր կազմակերպությունները, բիզնեսով ու առևտրով զբաղվող մարդիկ վարում են հաշվապահություն: Բայց այդպես միշտ չէ եղել: Ժամանակին մարդիկ զբաղվել են, օրինակ, առևտրով, բայց չեն եղել հաշվապահական կենտրոնացված ինչ-որ գիտելիքներ: Հաշվապահության ժամանակակից հիմունքների հայրը համարվում է իտալացի մաթեմաթիկոս Լուկա Պաչիոլին (Fra Luca Bartolomeo de Pacioli): Ապրել է 1400-ական թվականներին: Սկսելով սովորել իտալացի հայտնի նկարիչներից մեկի արհեստանոցում, ապա աշխատելով հարուստ առևտրականներից մեկի տանը որպես ուսուցիչ՝ դարձել է հայտնի մաթեմաթիկոս, դասավանդել է Իտալիայի մի շարք համալսարաններում, գրել է գրքեր ու աշխատություններ, որոնցում բերված հասկացություններն ու գիտելիքները կիրառվում են ներկայիս հաշվապահության մեջ: Նա առաջիններից մեկն էր, ով օգտագործեց մաթեմաթիկան առևտրի մեջ: Ասում են, որ նա ամբողջությամբ չի հորինել հաշվապահական մեթոդներն ու հասկացությունները, այլ խմբավորել է դրանք և բերել համակարգված վիճակի:

Հ.Գ.
Լուկա Պաչիոլիի մասին մանրամասն կարող եք կարդալ այստեղ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»